প্রেরিত্‌ 11:14 - Chakma Bible

¹⁴ তে তঅ ইধু যে কধাগান্ কবঅ সেই কধাগান্দোই তুই আর তঅ পরিবারর্ বেক্‌ মানুচ্চুন্ পাপত্তুন্ উদ্ধোর্ পেবাক্।

প্রেরিত্‌ 11:14 ပူးပေါင်းရင်းမြစ်များ

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

গীতসংহিতা 103:17

মাত্তর্ যিগুনে লগেপ্রভুর ভক্ত, যিগুনে তার সুদোমানি মানি চলন্ আর তার সুদোম মজিম চলেদে ইন্দি খিয়েল রাগান্, তারা উগুরে তার অমকদ কোচ্‌পানা আর তার বিশ্বেজছান্ উমরত্যে থেবঅ, বংশর পর বংশ ধুরি থেবঅ।

গীতসংহিতা 112:2

তা গুট্টিগুনে পিত্‌থিমীত্ খেমতাবলা অবাক্; মনানি যিবের দোল্ তা গুট্টিবো বর্ পেবঅ।

গম্ উপদেজ্ 20:7

গোজেন ভক্ত মান্‌জ্যে গমেডালে চলে; বর্ পেইয়্যে তার বংশগুন!

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

মার্ক 16:16

যে কেঅ বিশ্বেজ্ গরে আর অবগাহন্ লয় তেয়ই পাপত্তুন্ উদ্ধোর্ পেবঅ; মাত্তর্ যে বিশ্বেজ্ ন-গরে গোজেনে তারে দুষি বিলি ঠিগ্ গুরিনে সাজা দিবো।

লূকে লেখ্যে গম্ হবর্ 19:10

যিগুনে আঝি যেয়োন্ সিগুনোরে তোগেবাত্যে আর পাপত্তুন্ উদ্ধোর্ গুরিবাত্যে মান্‌‌‌‌জ্য পুয়োবো এইচ্চ্যে।”

যোহন 12:50

মুই কোই পারং তা উগুমানই উমর্‌অ জিংকানি। ইয়েনত্যে মুই যেদক্কানি কধা কং সিয়েনি মঅ বাবার্ উগুম্ মজিম্ কং।”

যোহন 20:31

মাত্তর্ ইয়েনি বেক্কানি লেগা অলঅ যাতে তুমি বিশ্বেজ্ গরঅ, যীশুই মশীহ, গোজেনর্ পুয়ো, আর বিশ্বেজ্ গুরিনে যেন তা মাধ্যমে জিংকানি পঅ।

যোহন 4:53

ইয়েন্দোই পুয়োবোর্ বাপ্পো বুঝি পারিলো, ঠিগ্ সেলক্কে যীশু তারে কোইয়্যে, “তঅ পুয়োবো বাঁজিলো।” সেক্কে সেই রাজার্ চাগর্‌‌বো আর তা পরিবারর্ বেক্কুনে যীশু উগুরে বিশ্বেজ্ গুরিলাক্।

যোহন 6:63

মান্‌জ্যর্ কিয়্যেগান্ কনঅ কামর্ নয়; পবিত্র আত্মাগানে জিংকানি দে। মুই তমারে যে কধাগানি কোইয়োং সিয়েনি আত্মিক জিংকানি দান্ গরে,

যোহন 6:68

শিমোন-পিতর যীশুরে কলঅ, “প্রভু, আমি কা ইধু যেবং? উমর জিংকানির্ কধা দঅ তইধু আঘে।

প্রেরিত্‌ 10:2

যিহূদী ন-অলেয়ো তে গোজেনভক্ত এলঅ আহ্ তে আর তা পরিবারর্ বেক্কুনে গোজেনর্ উবোসনা গুরিদাক্। তে নাঢাগুনোরে বোউত্ টেঙা-পৌইজ্যে দান গুরিদো আর গোজেন ইধু পেরায় তবনা গুরিদো।

প্রেরিত্‌ 10:22

সেই মানুচ্চুনে কলাক্, “সেনাপতি কর্ণীলিয় আমারে পাধেয়্যে। তে এক্কো ধার্মিক মানুচ্‌ আর তে গোজেনরে ভোক্তি গরে। বেক্‌ যিহূদীগুনে তারে নাঙ্ গিনোন্। গোজেনর্ এক্কো দূত্ তারে উগুম দিয়্যে যেন তে তরে তা ঘরত্ ডাগি নেযেইনে তঅ কধা শুনে।”

প্রেরিত্‌ 10:43

বেক্‌ ভাববাদীগুনে তা পৌইদ্যেনে এ সাক্ষিগান দেদন্ যে, তা উগুরে যিগুনে বিশ্বেজ্ গরন্ তারা পত্তিজনে তা গুণান্দোই পাপর্ ক্ষেমা পান্।”

প্রেরিত্‌ 10:6

তে চামড়্ কাম্ গরে। পিতরে সেই শিমোন ঘরত্ আঘে।

প্রেরিত্‌ 11:13

তে এক্কো স্বর্গদূতরে কেধোক্ক্যেন্ গুরি তা ঘরত্ দেক্ক্যে সিয়েন আমারে কলঅ। সেই স্বর্গদূত্‌তো তারে কোইয়্যেদে, শিমোন, যিবেরে পিতর-অ কুয়ো অয়, তারে ডাগি আনিবাত্যে তুই যাফো শঅরত্ মানুচ্‌ পাধা।

প্রেরিত্‌ 16:15

ইয়েন্দোই তে আর তা ঘরর্ বেক্কুনে বাপ্তিষ্ম ললাক্। ইয়েন পরেদি তে ইয়েন কোইনে আমারে বাত্ত্যেল, “যুনি মরে তুমি প্রভুর্ উগুরে বিশ্বেজি বিলি মনে গরঅ সালে মঅ ঘরত্ এইনে থাগগি।” এ কধাগান্ কোইনে তে আমারে কোজোলি গুরিনে তা ঘরত্ নেযেল।

প্রেরিত্‌ 18:8

সমাজ-ঘরর্ নেতা ক্রীষ্প আর তা ঘরর্ বেক্কুনে প্রভু উগুরে বিশ্বেজ্ গুরিলাক্। ইয়েন বাদে করিন্থীয়গুনো ভিদিরে ভালোকজনে পৌল কধা শুনিনে বিশ্বেজ্ গুরিলাক্ আর বাপ্তিষ্ম ললাক্।

প্রেরিত্‌ 2:39

তমাত্যে, তমা পুয়ো-ছাগুনোত্যে আর যিগুনে দূরোত্ আঘন্, এক কধায় আমা প্রভু গোজেনে তা নিজোর্ মানুচ্‌ অবাত্যে যিগুনোরে ডাগিবো, তারা বেক্কুনোত্ত্যে এ উগুমান গরা ওইয়্যে।”

১ করিন্হীয় 1:16

হালিক্ স্তিফান পরিবার মানুচ্চুনোরেয়ো মুই বাপ্তিস্ম দুয়োং, মাত্তর্ সিগুন বাদে আর কাররেয়ো বাপ্তিস্ম দুয়োং বিলিনে মর্ মনত্ ন-পড়ের্।