প্রেরিত্‌ 10:48 - Chakma Bible

⁴⁸ সেক্কে তে সেই মানুচ্চুনোরে যীশু খ্রীষ্টর্ নাঙে বাপ্তিষ্ম দিবাত্তে উগুম দিলো। পরেদি তারা পিতররে তারা ইধু কয়েক্ দিন থেবাত্তে কোজোলি গুরিলাক্।

প্রেরিত্‌ 10:48 ပူးပေါင်းရင်းမြစ်များ

যোহন 4:2

(খালিক্ যীশু নিজে বাপ্তিষ্ম ন-দের্, তা শিচ্চ্যগুনে দেদন্।)

যোহন 4:40

তারা যীশু ইধু যেইনে তারে তারা সমারে থেবাত্তে কোজোলী গুরিলাক্। সেনত্তে যীশু সিধু দ্বিদিন্ থেলঅ।

প্রেরিত্‌ 16:15

ইয়েন্দোই তে আর তা ঘরর্ বেক্কুনে বাপ্তিষ্ম ললাক্। ইয়েন পরেদি তে ইয়েন কোইনে আমারে বাত্ত্যেল, “যুনি মরে তুমি প্রভুর্ উগুরে বিশ্বেজি বিলি মনে গরঅ সালে মঅ ঘরত্ এইনে থাগগি।” এ কধাগান্ কোইনে তে আমারে কোজোলি গুরিনে তা ঘরত্ নেযেল।

প্রেরিত্‌ 19:5

এ কধাগান শুনিনে সেই শিচ্চ্যগুনে প্রভু যীশুর্ নাঙে বাপ্তিষ্ম ললাক্।

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

প্রেরিত্‌ 8:12

মাত্তর্ ফিলিপে যেক্কে গোজেনর্ রেজ্য আর যীশু খ্রীষ্ট পৌইদ্যেনে গম্ হবর্ প্রচার গুরিলো সেক্কে মানুচ্চুনে তা কধালোই বিশ্বেজ্ গুরিলাক্ আর মরদ আহ্ মিলেগুনে বাপ্তিষ্ম লুয়ো ধুরিলাক্।

প্রেরিত্‌ 8:16

কিয়া সেক্কেয়ো তারা উগুরে পবিত্র আত্মাগান্ ন-এজে; বানা প্রভু যীশুর নাঙে তারার্ বাপ্তিষ্ম ওইয়্যে।

গালাতীয় 3:27

কিয়া তমাত্তুন্ যিগুনোর্ খ্রীষ্টর্ মাধ্যমে বাপ্তিস্ম ওইয়্যে, তুমি কাবড় ধোক্ক্যেন গুরি খ্রীষ্টরে দিইনে নিজোরে ঢাঘি ফেল্ল্য।