প্রেরিত্‌ 10:4 - Chakma Bible

⁴ কর্ণীলিয় দোরেইনে সেই স্বর্গদূত্‌তো ইন্দি রিনি চেইনে কলঅ, “কঅ, প্রভু।”

প্রেরিত্‌ 10:4 ပူးပေါင်းရင်းမြစ်များ

২ বংশধর 32:24

সে অক্তত্‌ হিষ্কিয় পিড়েত্ পড়িনে মুরিবার্‌ অক্ত অলঅ। হিষ্কিয় লগেপ্রভু ইদু তবনা গরানার্‌ পরেন্দি তে জোব্‌ দিলো আর তারে এক্কান্‌ আমক্‌ অবার্‌ চিহ্নো দিলো।

২ বংশধর 6:33

সেক্কে তর্‌ থাইদে জাগা স্বর্গত্তুন্‌ তুই সিয়েনি শুনিচ্‌। তে যিয়েন্‌ চায় তাত্তেই সিয়েন্‌ গুরিচ্‌ যেনে পিত্‌থিমীর বেক্‌ মানুচ্চুনে তরে জানি পারন্‌ আর তর্‌ নিজোর্‌ মানুচ্‌ ইস্রায়েলীয়গুনো ধোক্ক্যেন তারায়ো তরে ভোক্তিপূর্ণ দোরেই পারন্‌ আর জানি পারন্‌, মর্‌ বানেয়্যে এ ঘরান্‌ তর্‌ ঘর্‌।

গীতসংহিতা 141:2

মঅ তবনাগান্ যেন তুম্বাজ্ আগর্‌বাট্টি ধোক্ক্যেন্, মঅ আঢ্‌তান তুলোনা যেন সাজোন্যে উৎসর্ব ধোক্ক্যেন্ তঅ মুজুঙোত্ আজিল্ অন্।

গীতসংহিতা 20:3

তর্ বেক্ উৎসর্বর কধানি তার্ মনত্ থোক্, তর্ পুজ্যে-উৎসর্বগুন তে গুজিই লোক্।

যিশাইয় 43:26

তঅ বেপারান্ মরে ইদোত্ তুলি দে; এজঅ, আমি সিয়েন্দোই তর্কাতর্কি গুরিই। তুই নিজো তপ্পেদি কধা কঅ যেন তরে নিদ্দুযি বিলিনে পরমান্ গরা যায়।

যিশাইয় 45:19

কনঅ আন্ধার দেজর্ কনঅ জাগাত্তুন্ মুই গুমরত্ কধা ন-কং। যাকোবর বংশবোরে মুই ন-কং, তুমি মিজে মিজে মরে ডাগঅ। মুই লগেপ্রভু ন্যায্য কধা কং; যিয়েন ঠিগ্ সিয়েনই ফগদাং গরং।

দানিয়েল 10:11

তে কলদে, “ও গোজেনর কোচ্‌‌পেইয়্যে দানিয়েল, মুই তরে যে কধাগান কবাত্তে যাঙর্ সিয়েনত্ গমেডালে মনযোগ দে। তুই উদিনে থিয়্যে, কিত্যে মরে ইক্কিনে তইধু পাধা ওইয়্যে।” তে মরে এ কধাগান কনার্ পরেদি মুই গির্‌‌গিরেদে গির্‌‌গিরেদে উদিনে থিয়্যেলুং।

মালাখি 3:16

সেক্কে যিগুনে লগেপ্রভুরে ভোক্তি গুরিনে দোরেদাক্ তারা একজন আর একজন সমারে কধাবাত্তা কলাক্ আর লগেপ্রভু সিয়েনি মনযোগ দিইনে শুনিলো। যিগুনে লগেপ্রভুরে ভোক্তিগুরিনে দোরেদাক্ আর তা পৌইদ্যেনে গভীনগুরিনে চিন্তে গুরিদাক্ তারারে ইদোত্ তুলিবাত্তে তা মুজুঙোত্ এক্কো বোই লেগা অলঅ।

মথি লেখ্যে গম্ হবর্ 26:13

ইক্কিনে, মুই তমারে ঘেচ্চেকগুরি কঙর্, জগদর্ যে কনঅ জাগাত্ গম্ হবর্ ফগদাং গরা অবঅ সিধু এ মিলেবোর্ কধাগান্ ইদোত্ তুলি দিবাত্তে তার্ এ কামর্ কধাগান্অ কুয়ো অবঅ।”

লূকে লেখ্যে গম্ হবর্ 1:29

এ কধাগান শুনিনে মরিয়ম মনান্ খুব্ চুলুবলু ওই উদিলো। তে চিদে গরা ধুরিলো এবাবোত্যে ভালেদি জানানার্ মানেয়ান্ কি।

লূকে লেখ্যে গম্ হবর্ 24:5

সেক্কে মিলেগুনে অমকদ দোরেইনে মাঢা নিগিরিলাক্। সে মানুচ্চো তারারে কলঅ, “যিবে জেদা তারে মরাগুনো ভিদিরে কিত্ত্যে তগর্?

প্রেরিত্‌ 10:31

‘কর্ণীলিয়, গোজেনে তঅ তবনাগান শুন্ন্যে আর নাঢা মানুচ্চুনোরে তর্ দানর কধানি তে ইদোত্ রাগেয়্যে।

প্রেরিত্‌ 14:9

তে পৌল কধা শুনের্। সেক্কে পৌলে সোজা তা ইন্দি রিনি চেলঅ আর গম্ অবাত্তে তা বিশ্বেজ্‌‌চান আঘে দেগিনে তারে দাঙর্ গুরি ডাগিনে কলঅ, “তঅ ঠেঙানিত্ ভর্ দিইনে থিয়্যে।” সেক্কে মানুচ্চো ফাল্ মারি উদিনে আঢি বেড়া ধোল্ল্য।

প্রেরিত্‌ 22:10

সেক্কে মুই কলুং, প্রভু, মুই কি গুরিম? প্রভু কলঅ, উঠ্, দামেস্কত্ যাহ্। তত্যে যিয়েন্ ঠিগ্ গুরি থুয়ো ওইয়্যে সিয়েন তরে সিধু কুয়ো অবঅ।

প্রেরিত্‌ 3:4

পিতর আর যোহনে উজু গুরি তা ইন্দি রিনি চেলাক্। সে পরেদি পিতরে কলঅ, “আমা ইন্দি রিনি চাহ্।”

ফিলিপীয় 4:18

মর্ বেক পাওনাগুন মুই পেইয়োং। আসলে মর্ যিগুন দরকার সিত্তুন্-অ বেচ্‌ মত্তুন্ আঘে। ইপাফ্রদীত আঢত্ তমার পাধেয়্যে বক্‌শিজ্‌চানি পেইনে ইক্কিনে মর্ যদেষ্ট ওইয়্যে। এই বক্‌শিজ্‌চানি তুম্‌বাজ্‌বলা আর মানিলোইয়্যে উৎসর্ব,

ফিলিপীয় 4:6

কনঅ বেপার্‌লোই চিন্তিত ন-ওইয়ো, বরং তমার বেক্‌ মাগানার্ বেপারানি ভালেদি জানেইনে গোজেনরে জানঅ।

ইব্রীয় 13:16

গম্ কাম গত্তে আর অন্যগুনোর্ রাদকালত্ এজাল্ দিবাত্তে ভুলি ন-যেইয়ো, কিত্যেই গোজেনে এবাবোত্যে উৎসর্বলোই হুজি অয়।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।

ফগদাং পেইয়্যে 8:4

সেই স্বর্গদূত্‌তুনো আঢত্তুন্ ধূবোর্ ধুমো গোজেন মানুচ্চুনোর্ তবনাগানি সমারে উগুরে গোজেন মুজুঙোত্ উদি গেলঅ।

১ শমূয়েল 3:10

সে পরেন্দি লগেপ্রভু এইনে সিয়েনত্‌ ঠিয়্যেল আর আগধোক্ক্যেন গুরি ডাগিলো, “শমূয়েল, শমূয়েল।” সেক্কে শমূয়েলে কলঅ, “কোই পারিবে, তর্‌ চাগর্‌বো শুনের্‌।”