প্রেরিত্‌ 10:37 - Chakma Bible

³⁷ মানুচ্চুনোর যে বাপ্তিষ্ম লনা উচিত্ যোহনে সে কধাগান ফগদাং গুরিবার পরেদি গালীলত্তুন্ ধুরি আরাম্ভ গুরিনে গোদা যিহূদীয়াত্ যিয়েন ঘোট্যে সিয়েন তুমি নিজে হবর্ পঅ।

প্রেরিত্‌ 10:37 ပူးပေါင်းရင်းမြစ်များ

মথি লেখ্যে গম্ হবর্ 2:1

যিহূদিয়া রেজ্যর্ বৈৎলেহম আদামত্ যীশুর জর্ম ওইয়্যে। সেক্কে রাজা এলদে হেরোদ। পূগেদি দেজত্তুন্ কয়েক্কো পন্ডিত যিরূশালেমত্ এইনে কলাক্,

মথি লেখ্যে গম্ হবর্ 3:6

এই মানুচ্চুনে নিজোর্ পাপ্‌‌পানি স্বীগের্ গুরিলাক্ আর সেক্কে যোহনে যর্দন গাঙত্ তারারে বাপ্তিষ্ম দিলো।

লূকে লেখ্যে গম্ হবর্ 23:5

মাত্তর্ তারা জিদ্ গুরিনে কুয়ো ধুরিলাক্, “যিহূদিয়া রেজ্যর্ বেক্ জাগানিত্ শিক্ষ্যে দিইনে ইবে মানুচ্চুনোরে রাগ্ তুলি দিয়্যে। গালীল রেজ্যত্তুন্ ধুরি তে আরাম্ভ গোজ্যে, আর ইক্কিনে ইধু এচ্চ্যে।”

লূকে লেখ্যে গম্ হবর্ 4:14

পরেদি যীশু পবিত্র আত্মার্ খেমতালোই ভর্‌পূনোং ওইনে গালীল রেজ্যত্ ফিরি গেলঅ। যীশুর হবরান্ সে চাগালাত্ বেক্ জাগায়ানিত্ ছিদি পড়িলো ।

প্রেরিত্‌ 10:36

গোজেনে ইস্রায়েলীয়গুনো ইধু এ গম্ হবরান্ পাধেয়্যেদে যে, যীশু খ্রীষ্ট, যে বেক্কুনোর প্রভু, তা মাধ্যমে শান্তি পাহ্ যায়।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

প্রেরিত্‌ 26:26

রাজা দঅ ইয়েনি বেক্কানি হবর্ পায় আর মুই তা সমারে বেক্‌ কধানি খুলোমেলা গুরি কোই পারং। আর এ কধাগান্ মুই ঘেচ্চেকগুরি হবর্ পাং যে, ইয়েনির্ কিচ্চু তার্ অজানা নয়, কারন এ বেক্‌ ঘটনাগানি দঅ ঘুমুরোত্ ন-ঘদে।

প্রেরিত্‌ 28:22

মাত্তর্ আমি তঅ কধানি শুনিবাত্তে চেই, কারন আমি হবর্ পেই বেক্ জাগানিত্ মানুচ্চুনে সেই দলর্ বিরুদ্ধে কধা কন্।”