প্রেরিত্‌ 10:36 - Chakma Bible

³⁶ গোজেনে ইস্রায়েলীয়গুনো ইধু এ গম্ হবরান্ পাধেয়্যেদে যে, যীশু খ্রীষ্ট, যে বেক্কুনোর প্রভু, তা মাধ্যমে শান্তি পাহ্ যায়।

প্রেরিত্‌ 10:36 ပူးပေါင်းရင်းမြစ်များ

গীতসংহিতা 45:11

সালে রাজা তর্ দোলানিলোই ধরা দিবো; তেয়ই তর্ গিরোজ, তারে মাঢা নিগিরিনে জু জু গর্।

গীতসংহিতা 45:6

ও গোজেন, তর্ সিংহাসনান্ জিংকানিবর থিদেবর্ গোজ্যে; তর্ শাজনান্ ন্যায়র শাজন্।

গীতসংহিতা 72:7

তা আমলত্ গোজেন ভক্তগুনে যেন বোউত্ আশিদ্‌বাদ পান; যেদকদিন চানান্ থেবঅ সেদকদিন তারার জিংকানিত্ ভালেদিয়্যে ভালেদিয়্যে ভুরি উদোক্।

যিশাইয় 55:12

তুমি হুজিয়ে বারেদি যেবা আর সুগে শান্দিয়্যে তমারে নেযা অবঅ। মুড়ো-মুড়িগুনে তঅ মুজুঙোত্ দাঙর্ দাঙর্ গুরি গান গেবাক্ আর মাদর্ বেক গাজ্-বাজ্‌চুনে আদ্‌তালি দিবাক্।

যিশাইয় 57:19

সেক্কে তারা কবাক্, ‘কায়কুরে আর দূরো বেক্কুনোর ভালেদি ওক্।’ মুই লগেপ্রভু কঙত্তে, মুই তারারে গম্ গুরিম।”

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

হোশেয় 1:7

মাত্তর্ যিহূদার মানুচ্চুনোরে দোয়্যে গুরিম আর তারারে উদ্ধোর্ গুরিম। সেই উদ্ধোর ধনুগান, লাম্বা ছুরিগান্ বা যুদ্ধো বা ঘোড়াবলা দিইনে ন-অবঅ, বরং মুই তারার্ গোজেন লগেপ্রভু তারারে উদ্ধোর্ গুরিম।”

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

মথি লেখ্যে গম্ হবর্ 10:6

বানা ইস্রায়েল জাদর্ আজি যেইয়্যে ভেড়াগুনো ইধু যেয়ো।

মথি লেখ্যে গম্ হবর্ 11:27

মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

লূকে লেখ্যে গম্ হবর্ 1:79

যাতে আন্ধারত্ আর মরণর্ ছাবাত্ যিগুনে বুয়োই আগন্ তারারে পহর্ দি পারে, আর শান্তির পদেধি আমারে চালেই পারে।”

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

প্রেরিত্‌ 10:37

মানুচ্চুনোর যে বাপ্তিষ্ম লনা উচিত্ যোহনে সে কধাগান ফগদাং গুরিবার পরেদি গালীলত্তুন্ ধুরি আরাম্ভ গুরিনে গোদা যিহূদীয়াত্ যিয়েন ঘোট্যে সিয়েন তুমি নিজে হবর্ পঅ।

প্রেরিত্‌ 11:19

স্তিফানরে কেন্দ্র গুরিনে বিশ্বেজিগুনো উগুরে অত্যেচারর্ কারনে যিগুনে ছিদি পোজ্জ্যন্ তারা ফৈনীকিয়া, সাইপ্রাস আর সিরিয়া দেজর্ আন্তিয়খিয়া সং যেইনে বানা যিহূদীগুনো ইধু গোজেনর্ কধা কলাক্।

প্রেরিত্‌ 13:32

আমি তমা ইধু এ গম্ হবরান্ দিত্তে যে, আমা পূরোণি মানুচ্চুনো ইধু গোজেনে যে এগেমান্ গোজ্জ্যে,

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

প্রেরিত্‌ 2:36

“ইয়েনত্যে গোদা ইস্রায়েল জাদ্‌‌তো এ কধাগান ঘেচ্চ্যেকগুরি জানদোক্ যে, যিবেরে তুমি ক্রুশোত্ দুয়ো গোজেনে সেই যীশুরে প্রভু আর মশীহ এ দ্বিয়েন পোজিশনত্ নেযেয়্যে।”

প্রেরিত্‌ 5:31

গোজেনে তারে রাজা আর উদ্ধোর গুরিয়্যে ইজেবে নিজো ডেন্ ডাগদি বঝিবার বাঈনী দান গোজ্যে, যাতে তে পাপত্তুন্ ইস্রায়েলীগুনোর মনানি ফিরেবার সুযোগ্ দিইনে পাপর ক্ষেমা দান গুরি পারে।

রোমীয় 14:9

যীশু খ্রীষ্ট মোজ্জ্যে আরঅ জেদায়ো ওইয়্যে যেন তে জেদা আর মরা দুনোবোর্ প্রভু ওই পারে।

রোমীয় 5:1

বিশ্বেজর্ মাধ্যমে আমারে নিদ্দুজি বিলি মানি লুয়ো ওইয়্যে আর সিয়েনত্তে প্রভু যীশু খ্রীষ্টর্ মাধ্যমে গোজেন ইধু আর আমা ইধু শান্তি ওইয়্যে।

১ করিন্হীয় 15:27

পবিত্র বোইবোর্ কধা মজিম,“তে বেক্কানি তার্ টেঙ তলাত্ থোইয়্যে।” বেক্‌ জিনিস্‌চানি অধীনোত্ থুয়ো ওইয়্যে কলে গমেডালে বুঝো যায়, যিবে বেক্‌ জিনিস্‌চানি খ্রীষ্টর্ অধীনোত্ থোইয়্যে সেই গোজেনে নিজোরে বাদ দিইনে সিয়েনি গোজ্জ্যে।

১ করিন্হীয় 15:47

মাত্তর্ দ্বি লম্বরত্ মানুচ্চো স্বর্গত্তুন্ এচ্চ্যে।

ফিলিপীয় 2:11

আর বাবা গোজেনর্ বাঈনী গুরিবাত্যে স্বিগের্ গরঅ যে, যীশু খ্রীষ্টই প্রভু।

কলসীয় 1:20

সিয়েনবাদে পিত্‌থিমীত ওক্‌ বা স্বর্গত ওক্‌, খ্রীষ্টর্ মাধ্যমে তার্ নিজো লগে বেক্কানির্ মিজেনাগান-অ তে চেইয়্যে। খ্রীষ্ট ক্রুশো উগুরে তার্ লো-গান দান গুরিনে শান্তি আন্ন্যে বিলিনে এই মিজেনাগান্ ওই পাজ্জ্যে।

ইব্রীয় 1:2

মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”

ফগদাং পেইয়্যে 19:16

তার্ পোজাগত্ আর দামানাত্ এ নাঙান্ লেগা আঘে, “রাজাগুনোর রাজা, প্রভুগুনোর প্রভু।”