প্রেরিত্‌ 10:20 - Chakma Bible

²⁰ উদিনে তলেদি যাহ্। কনঅ সন্দেহ ন-গুরিনে তারা সমারে যাহ্, কিয়া মুয়ই তারারে পাধেয়োং।”

প্রেরিত্‌ 10:20 ပူးပေါင်းရင်းမြစ်များ

যিশাইয় 48:16

“তুমি মইদু এইনে এ কধানি শুনো। মুই পোইল্যেত্তুন্ ধুরি কনঅ কধা গুমরত্ রাগেবাত্তে ন-কং; সে কধানি পূরোণ অবার্ অক্তত্ মুই সিয়েনত্ থাং।” ইক্কিনে প্রভু লগেপ্রভু তা আত্মালোই মরে পাদেয়্যে।

মার্ক 16:15

যীশু সে শিচ্চ্যগুনোরে কলঅ, “তুমি পিত্‌থিমীর বেক্ জাগাইধু যঅ আর বেক্ মানুচ্চুনো ইধু গোজেনর্ দিয়্যে গম্ হবরান্ ফগদাং গরঅ।

প্রেরিত্‌ 10:21

সেক্কে পিতরে লামি এইনে সেই মানুচ্চুনোরে কলঅ, “তুমি যিবেরে তগর্ মুয়ই সে মানুচ্চো। তুমি কিত্ত্যেই এচ্ছো?”

প্রেরিত্‌ 11:12

সেক্কে পবিত্র আত্মাগানে মরে কনঅ সন্দেহ ন-গুরিনে তারা সমারে যেবাত্তে কলঅ। এ ছঅজন ভেইয়ো মঅ সমারে যেয়োন্। পরেদি আমি সে মানুচ্চো ঘরত্ সোমেলং যিবে মরে ডাগিনে পাধেয়্যে।

প্রেরিত্‌ 13:4

পবিত্র আত্মাগানে এবাবোত্যেগুরি বার্ণবা আর শৌলরে দিপাধেলে যেরেদি সেই দ্বিজনে সিলূকিয়াত্ গেলাক্। যেরেদি সিয়োত্তুন তারা জাহাজত্ গুরিনে সাইপ্রাস দ্বীপোত্ গেলাক্।

প্রেরিত্‌ 8:26

এক দিন্ন্যে প্রভুর এক্কো দূত্ ফিলিপরে কলঅ, “উঠ্, দোগিণেদি যে পধ্‌তান যিরূশালেমত্তুন্ গাজা শঅর ইন্দি যেয়্যে সে পধ্‌তান ইন্দি যাহ্।” পধ্‌তান এলঅ ধূল্যেচর ভিদিরে।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

প্রেরিত্‌ 9:17

সেক্কে অননিয় যেইনে সেই ঘর ভিদিরে সুমিলো আর শৌল কিয়্যেগানত্ আঢ্ দিইনে কলঅ, “ভেই শৌল, ইধু এবার্ পধত্ যে তরে দেগা দিয়্যে তে প্রভু যীশু। তেয়ই মরে পাধেয়্যে যেন তুই তর্ দেগিবার খেমতাগান্ ফিরি পাজ্ আর পবিত্র আত্মায় পরিপুরোণ অচ্।”

যাকোব 1:6

সালে কনঅ সন্দেহ ন-গুরিনে তারে বিশ্বেজ্ গুরিনে মাগা পরিবো কিয়া যে সন্দেহ গরে তে বৈয়্যেরত্ ফুলি উঠ্যে সাগর তুবোল ধোক্ক্যেন; বৈয়্যেরানে তারে থেলি নেযায়।