প্রেরিত্‌ 1:7 - Chakma Bible

⁷ যীশু তারারে কলঅ, “যেদিন্নো বা সময়বো বাবা নিজো আন্‌‌‌‌‌যামে রাগেয়্যে সিবে তমারে জানিবাত্তে দিয়্যে ন-অয়।

প্রেরিত্‌ 1:7 ပူးပေါင်းရင်းမြစ်များ

ইয়োব 24:1

বেগত্তুন খেমতাবলা গোজেনে বিচেরত্তে কিত্যে সময়ান্ ঠিগ্ ন গরে? যিগুনে তারে হবর্ পান তারা কিত্তে সেদিন্যে ন-দেগন?

দানিয়েল 2:21

তেয়ই সময় আর ঋতু তা অধীনোত্ রাগায়; তে রাজাগুনোরে সিংহাসনত্ বজায় আর লামেই দে। তে জ্ঞানীগুনোরে জ্ঞান দান গরে আর বুদ্ধিমানুনোরে বুদ্ধি দান গরে।

মথি লেখ্যে গম্ হবর্ 20:23

সেক্কে যীশু তারারে কলঅ, “ঘেচ্চেকগুরি তুমি মঅ গলজ্‌সোত্ হেবা, মাত্তর্ মঅ ডেনেদি বা বাঙেদি বুজিবাত্তে দিবার্ অধিকার মর্ নেই। মঅ বাপ্পো যিগুনোত্তে সিয়েন ঠিগ্ গুরি রাগেয়্যে তারা সিয়েন্ পেবাক্।”

মথি লেখ্যে গম্ হবর্ 24:36

সেই দিন্নো আর সেই সময়বোর্ কধা কেঅ হবর্ ন-পায়, স্বর্গর্ দূত্‌তুনেয়ো ন-পান্, পুয়োবোয়ো ন-পায়; বানা স্বর্গীয় বাবা হবর্ পায়।

মার্ক 10:40

মাত্তর্ মঅ ডেনেদি বা বাঙেদি বোজেবার্ অধিকার মর্ নেই। সেই জাগায়ানি গোজেনে যিগুনোত্তে ঠিগ্ গরা আঘে তারা সিয়েন পেবাক্।”

মার্ক 13:32

সেই দিন্নো আর সেই সময়বোর্ কধা কেঅ হবর্ ন-পায়, স্বর্গর্ দূত্‌তুনেয়ো ন-পান্, পুয়োবোয়ো ন-পায়; বানা স্বর্গীয় বাবা হবর্ পায়।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

প্রেরিত্‌ 17:26

তে এক্কো মান্‌‌‌জ্যত্তুন্ বেক্‌ জাদর্ মানুচ্চুন বানেয়্যে যেন তারা গোদা পিত্‌থিমীগানত্ বজত্তি গরন্। তারা কক্কে কুধু বজত্তি গুরিবাক্ সিয়েন্অ তে ঠিগ্ গুরি দিয়্যে।

ইফিষীয় 1:10

তে ঠিগ্ গুরি থোইয়্যেদে যে, সময় পুরেলে পরেদি সেই উদ্দেচ্চ্যগান্ গুরিবাত্যে তে স্বর্গর্ আর পিত্‌থিমীর্ বেক্কানি এগত্তর্ গুরিনে খ্রীষ্টর্ শাসন অধীনোত্ আনিবো।

দ্বি’লম্বর বিররণ 29:29

ভিদিরে ভিদিরে বেক্কানি আমার গোজেন লগেপ্রভুর বেপার, মাত্তর্‌ ফগদাং পেইয়্যে বেক্কানি উমরত্যে আমার আর আমা ঝি-পূঅগুনোর, যেনে এ রীদি-সুদোমর্ বেক্‌ কধানি আমি পালন গুরি পারিই।

১ তীমথিয় 6:15

সেই ‌‌ভালেদির্ গোজেন, যিবে বানা এক্কো শাসনগুরিয়্যে, যিবে রাজাগুনোর রাজা আর প্রভুগুনোর প্রভু, তেয়ই তার্ যগাজ্জ্যে সময়োত্ খ্রীষ্টরে ফগদাং গুরিবো।

২ তীমথিয় 3:1

এ কধাগান ইদোত্ রাগেস, শেজ্ কালত্ দর্‌গরেপারা সময় লুমিবো।