প্রেরিত্‌ 1:26 - Chakma Bible

²⁶ তারা ভাগ্য পোরোক্ষ্যে গরানার্ পরেদি মত্তথিয় নাঙান্ উদিলো। ইয়েনত্যে মত্তথিয় সেই এগারজন দিপাধেয়্যেগুনো সামরে মিজেল।

প্রেরিত্‌ 1:26 ပူးပေါင်းရင်းမြစ်များ

১ বংশধর 24:5

ইলিয়াসর আর ঈথামর, এ দ্বিবে বংশর নেতাগুনে তবনা-ঘরর্‌ আর গোজেনর কামগুরিয়্যে এলাক্‌ বিলিনে কার পক্ষেন্দি ন-টানিনে চাম্বা চেইনে ধর্মগুরুগুনোর কামানি ভাগ গরা অলঅ।

নহিমিয় 10:34

আমা রীদি-সুদোমত্‌ যিয়েনি লেগা আঘে সেধোক্কেন্‌ আমা গোজেন লগেপ্রভুর পূজোবো উগুরে পুড়িবাত্তে পত্তি বজর্‌ ঠিগ্‌গোজ্যে আমা গোজেনর্‌ ঘরত্‌ আমা পত্তি বংশত্তুন্‌ কক্কে তক্তা আনা পুরিবো সিয়েন্‌ ঠিগ্‌ গুরিবাত্তে আমি, অত্তাৎ ধর্মগুরুগুনে, লেবীয়গুনে আর মানুচ্চুনে চাম্বা চেলাক্‌।

নহিমিয় 11:1

মানুচ্চুনোর নেতাগুনে যিরূশালেমত্‌ বজত্তি গুরিদাক্‌। বাদবাগি মানুচ্চুনে চাম্বা চেলাক্‌ যেনে তারা ভিদিরে পত্তি দশজনে একজন পবিত্র শঅর্‌ যিরূশালেমত্‌ বজত্তি গুরি পারন্‌, আর বাদবাগি নয়জনে তারার্‌ নিজোর নিজোর্‌ আদামত্‌ থেবাক্‌।

গম্ উপদেজ্ 16:22

যিবের বুদ্ধি আঘে সে বুদ্ধিগান তাইদু জিংকানির পয়নালা ধোক্ক্যেন্; বাজে-বিবেক্ মান্‌‌জ্যর ভুল্ কামানি তারার সাজা।

গম্ উপদেজ্ 16:33

মান্‌‌জ্যে পোরোক্ক্যে চান, মাত্তর্ সিয়েনর জোব্‌‌পান লগেপ্রভু ঠিগ্ গরে।

লেবীয় 16:8

তাত্তুন্‌ পোরোক্ষে গুরি চাহ্ পুরিবো, সিবের্‌ ভিদিরে কন্‌ ছাগল্লো লগেপ্রভুত্তে আর কন্‌ ছাগল্লো অজাজেলত্তে।

যোনা 1:7

পরেদি নাবিক্‌‌‌কুনে একজন আর একজনরে কলাক্, “কন্না এই দযাগানত্তে দায়ী সিয়েন চেবাত্তে এজঅ, আমি চাম্বা চেই।”

মার্ক 6:30

যীশু যে বারজন শিচ্চ্যরে পাদেয়্যে তারা ফিরি এলাক্ আর যিয়েনি যিয়েনি গোজ্যন্ আহ্ শিক্ষ্যে দুয়োন বেক্কানি তারে জানেলাক্।

প্রেরিত্‌ 1:23

সেক্কে শিচ্চ্যগুনে যোষেফ, যিবেরে বর্‌শাব্বা আর যুষ্ট কুয়ো অদঅ, তার আর মত্তথিয়র, এই দ্বিজনর নাঙ্ কলঅ।

প্রেরিত্‌ 13:19

সে পরেদি তে কনান্ রেজ্যর্ সাত্তো জাদরে ভস্ত গুরিনে তা নিজো মানুচ্চুনোরে সেই দেজ উগুরে অধিকার দিয়্যে।

প্রেরিত্‌ 2:14

সেক্কে পিতরে সেই এগারজন শিচ্চ্য সমারে থিয়্যেইনে দাঙর্ রঅ গুরিনে সিয়েনি বেক্কানি মানুচ্চুনোরে কলঅ, যিহূদীগুন আর যিগুনে তুমি যিরূশালেমত্ বজত্তি গরর্, তুমি জানি রাগঅ আর মন দিইনে মঅ কধাগান শুনো।

যিহোশূয় 14:2

লগেপ্রভু মোশিরে দিইনে যেধোক্ক্যেন উগুম দিয়্যে সেধোক্ক্যেন ইস্রায়েলীয়গুনোরে সাড়ে নয় গুট্টির ভিদিরে চাম্বা চেইনে সোম্বোত্তিগানি ভাগ গুরি দিয়্যে ওইয়্যে।

যিহোশূয় 18:10

যিহোশূয় শীলোত লগেপ্রভুর মুজুঙোত্‌ ইস্রায়েলীয়গুনোত্তে চাম্বা চেই দিলো আর সিয়েনত্‌ তারার গুট্টি মজিম দেজ্‌চান ভাগ গুরি দিলো।

ফগদাং পেইয়্যে 21:14

সেই শঅরর্ দেবালানির্ বারবো খুদো গাড়েয়্যে এলঅ আর সিগুনো উগুরে ভেড়া-ছবোর্ বারজন দূতোর্ বারগান নাঙ্ লেগা এলঅ।