প্রেরিত্‌ 1:19 - Chakma Bible

¹⁹ যিরূশালেমর বেক্কুনে সেই কধাগান শুন্ন্যন্। ইয়েনত্যে তারা কধাদি এ ভূইয়ানরে তারা আকেল্‌দামা বা লো জাগা কন্।

প্রেরিত্‌ 1:19 ပူးပေါင်းရင်းမြစ်များ

২ শমূয়েল 2:16

সেক্কে দ্বিবে দলর মানুচ্চুনে বেক্কুনে একজন আরেকজনর মাধাবোত্‌ ধুরিনে বুগোত্‌ ছুরি ফুদেই দিলো আর লগে লগে মাদিত্‌ পড়িনে মুরি গেলাক্। সেনত্যে গিবিয়োনর সেই জাগায়ানর নাঙান্‌ দিয়্যে অলঅ হিল্‌কৎ-হৎসূরীম (যিয়েনর্ ভেদ্‌তান্ “ছুরিগানর্‌ মাঠ”)।

সখরিয় 11:13

সেক্কে লগেপ্রভু মরে কলঅ, “আহ্, কি সেই দামান্ যিয়েন তারা মর্ মূল্য ইজেবে ঠিগ্ গোজ্যন! সিগুন কুমোর ইধু ফেলেই দুয়ো।” সে পরেদি মুই সেই ত্রিশছো রূবোর্ কট্টা নিইনে লগেপ্রভুর ঘরত্ কুমোর ইধু ফেলেই দিলুং।

মথি লেখ্যে গম্ হবর্ 27:8

সেনত্তে সেই ভূইয়ানরে এজঅ লো ভূই কুয়ো অয়।

মথি লেখ্যে গম্ হবর্ 28:15

সেক্কে চুগিদারুনে সেই টেঙাগুন্ নেযেলাক্ আর তারারে যেবাবোত্যে কুয়ো ওইয়্যে সেবাবোত্যেগুরি কলাক্। এজঅ সং সেই কধাগানি যিহূদীগুনো ইধু ছিদি পড়ি আঘে।

প্রেরিত্‌ 2:22

ইস্রায়েলীয়গুন, এ কধাগান শুনো। নাসরত যীশুর মাধ্যমে গোজেনে তমা ইধু মহৎ আর আমক্ আমক্ কাম গুরিনে তমা ইধু প্রমাণ গোজ্যেদে, তে যীশুরে দিপাধেয়্যে; আর এ কধাগান দঅ তুমি কোই পারঅ।

প্রেরিত্‌ 21:40

আজল্ সেনাপতিবোর্ অনুমতি পেইনে পৌলে সিড়ি উগুরে থিয়্যেল আর আঢ্ তুলিনে মানুচ্চুনোরে জুরো অবাত্তে ইজিরে দিলো। মানুচ্চুনে জুরো অলে পরেদি পৌলে ইব্রীয় কধাদি তারারে কলঅ,