৩ যোহন 1:7 - Chakma Bible

⁷ তারা খ্রীষ্টত্যে নিগিল্ল্যন্ আর অবিশ্বেজিগুনোত্তুন্ কনঅ কিচ্চু ন-লন্।

৩ যোহন 1:7 ပူးပေါင်းရင်းမြစ်များ

যোহন 15:21

তারা মত্যে তমা উগুরে ইয়েনি বেক্কানি গুরিবাক্, কিয়া যে মরে দিপাধেয়্যে তারা তারে ন-চিনোন্।

প্রেরিত্‌ 20:33

কারঅ সনা, রূবো বা কাবড়-চুগোর উগুরে মুই লুভ্ ন-গরং।

প্রেরিত্‌ 20:35

মুই যিয়েনি গোজ্জ্যং সিয়েনি বেক্কানি তমারে দেগেয়োং, এবাবোত্যেগুরি জদবদে কাম্ গুরিনে বল্‌পোজ্যেগুনোরে সাহায্য গরানা উচিত্ আর প্রভু যীশুর্ এ কধাগান আমাত্তুন্ ইদোত্ রাগানা উচিত, পানাত্তুন্ দেনাত্ আরঅ বেশ্ আশিদ্‌বাদ আঘে।

প্রেরিত্‌ 5:41

ইয়েন্দোই যীশু নাঙানত্যে প্রচারক্কুনে যে অগমান ভুগেদে ধোক্ক্যেন ওইয়োন সেনত্তে ফুত্তি গত্তে গত্তে তারা দাঙর্ তেম্মাঙ্ ছাড়িনে গেলাক্।

প্রেরিত্‌ 8:4

যে বিশ্বেজিগুন ছিদি পোজ্যন্ তারা চেরোকিত্ত্যেদি যেইনে খ্রীষ্টর গম্ হবরর্ কধাগান প্রচার গরা ধল্লাক্।

প্রেরিত্‌ 9:16

মত্যেই কত্তমান্ দুঘ্ যে তাত্তুন্ পাহ্ পুরিবো সিয়েন মুই তারে দেগেম্।”

১ করিন্হীয় 9:18

সালে মঅ বক্‌‌শিজ্‌‌চান কি? সেই বক্‌‌শিজ্‌‌চান ইয়েন, মুই যেক্কে গম্ হবর্ প্রচার গরং সেক্কে সিয়েনর্ বদলে মর্ যিয়েন পাওনা আঘে সিয়েন ভোগ্ ন-গুরিনে মাগানা মুই সেই কামান্ গুরি পারং।

২ করিন্হীয় 12:13

অন্য মন্ডলীত্তুন্ তুমি কনঅ বাবদে চিগোন নয়; বানা এক্কান পৌইদ্যেনে তুমি চিগোন, আর সিয়েন অলঅ ইয়েন, মুই তমার্ লবাদোস্যে ন-অং। এ ভুলানত্যে মরে ক্ষেমা গরঅ।

২ করিন্হীয় 4:5

আমি দঅ নিজো পৌইদ্যেনে প্রচার ন-গুরির্, বরং প্রচার গুরির্, যীশু খ্রীষ্টই প্রভু আর যীশুত্যে আমি তমার্ চাগর্ ওইয়্যেই।

ফিলিপীয় 2:9

গোজেনে ইয়েনত্যে তারে বেগত্তুন্ অজলত্ তুলিলো আর এমন্‌ এক্কান নাঙ্ দিলো যিয়েন বেক্‌ নাঙানিত্তুন্ মহৎ,

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

৩ যোহন 1:8

সেনত্যে এবাবোত্যে মানুচ্চুনোরে এজাল্ দেনা আমার উচিত, যেন গোজেনর্ সত্যগানত্যে আমিয়ো তারার্ কামঅ সমাজ্জ্যে ওই।

ফগদাং পেইয়্যে 2:3

তর্ ধৈজ্জ্য আঘে আর তুই মত্যে বোউত্ দুঘ্ গোজ্জ্যস্, অরান্ ন-অচ্।