৩ যোহন 1:4 - Chakma Bible

⁴ মর্ পুয়ো-ছাগুনে যে গোজেনর্ সত্যর্ পধেদি চলদন্, এ কধাগান শুনোনাত্তুন্ বেশ্ গুরি হুজি অনা আর নেই।

৩ যোহন 1:4 ပူးပေါင်းရင်းမြစ်များ

১ রাজাবলী 2:4

সালে লগেপ্রভু যে এগেমান্ মইদু গোজ্যে সিয়েন পুরেই দিবো। সেই এগেমান্ অলঅ, যুনি তর্‌ গুট্টিগুনে বেক্‌ মনান্‌-পরাণান দিইনে বিশ্বেজ্ গুরিনে মর্‌ মুজুঙোত্‌ আদাউদো গুরিবাত্তে উজিয়ার্ গুরিনে জিংকানি কাদায় সালে ইস্রায়েলর সিংহাসনত্‌ বোজেবাত্তে তর্‌ বংশত্‌ মান্‌জ্যর অভাব ন-অবঅ।

১ রাজাবলী 3:6

জোবত্‌ শলোমনে কলঅ, তর্‌ চাগর্‌বো মঅ বাপ্পোরে তুই বোউত্‌ বিশ্বেজ্ দেগেয়োচ্‌, কিত্যে তে তঅ উগুরে বিশ্বেজি এলঅ আর খাটি আর গম্‌ এলঅ। এচ্চ্যে তার সিংহাসনত্‌ বুজিবাত্তে তুই তারে এক্কো পূঅ দুয়োচ্‌ আর এধোক্ক্যেন্‌গুরি তর্‌ সেই শেজ্‌ ন-ওইয়্যে বিশ্বেজ্ তারে দেগেইনে যর্‌।

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

গম্ উপদেজ্ 23:24

গোজেন ভক্তবোর্ বাব্‌পো বোউত্ হুজি অয়; জ্ঞানীবলা পুয়োবোর বাব্‌পো তা পুয়োবোলোই সুগি অয়।

যিশাইয় 38:3

“ও লগেপ্রভু, তুই ইদোত্ তুলি চাহ্, মুই তঅ মুজুঙোত্ কেধোক্ক্যেন্ গুরি বিশ্বেজি আর বেক্ মনান্ দিইনে আঢাউদো গোজ্যং আর তঅ চোগেদি যিয়েন ঠিগ্ সিয়েন গোজ্যং।” ইয়েন কোইনে হিষ্কিয় অমকদ কানাকুদি গরা ধুরিলো।

যিশাইয় 8:18

এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।

২ করিন্হীয় 6:13

মর্ পুয়ো ইজেবে মুই তমারে কঙর্, আমি যেধোক্ক্যেন গুরি তমাত্যে আমা মনানি মেলি থোইয়্যেই তুমিয়ো সেধোক্ক্যেন গুরি তমা মনানি আমাত্যে মেলি দুয়ো।

গালাতীয় 2:14

মাত্তর্ মুই যেক্কে দেগিলুং, গম হবরর্ সত্যর্ লগে তারার্ কামর কনঅ মিল্ নেই সেক্কে মুই বেক্কুনো মুজুঙোত্ পিতররে কলুং, তুই যিহূদী ওইনেয়ো যেক্কে যিহূদী ধোক্ক্যেন গুরি ন-চলিনে অযিহূদীগুনো ধোক্ক্যেন চলর্ সেক্কে কেধোক্ক্যেন গুরিনে অযিহূদীগুনোরে যিহূদীগুনো ধোক্ক্যেন চলিবাত্যে বাধ্য গরর্ ?

গালাতীয় 4:19

মর্ পুয়ো-ছাগুন্, যেদক্ বিলোন সং তুমি খ্রীষ্ট ধোক্ক্যেন ন-অ সেদক্ বিলোন সং মুই আরঅ তমাত্যে পুয়ো ফুদোইদ্যে দুঘো ধোক্ক্যেন কষ্টত্ ভুগোঙর্।

১ থিষলনীকীয় 2:11

তুমি কোই পারঅ, বাবে যেধোক্ক্যেন নিজো পুয়ো-ছাগুনোরে উচ্চোমি, সান্তনা আর কড়া গুরিনে উগুম দে, আমিয়ো তমারে পত্তিজনরে সিয়েনই দিদোং, যেন গোজেনর্ মানুচ্‌ ইজেবে তুমি গমেডালে চলঅ। গোজেনে তার্ নিজো রেজ্যগানর্ আর তার মহিমার ভাগী অবাত্যে তমারে ডাগের্।

১ তীমথিয় 1:2

বিশ্বেজি ইজেবে মর্ আজল্ পুয়ো তীমথিয় ইধু মুই এ চিধিগান লেগঙর্। আমা বাবা গোজেন আর আমা প্রভু খ্রীষ্ট যীশু তরে দোয়্যে, মেয়্যে আর শান্তি-দান গোরোক্।

২ তীমথিয় 1:2

এ চিধিগান মুই মর্ কোচ্‌পেইয়্যে পুয়ো তীমথিয় ইধু লেগঙর্। বাবা গোজেন আর আমা প্রভু খ্রীষ্ট যীশু তরে দোয়্যে, বর্ আর শান্তি-দান গোরোক্।

১ যোহন 2:1

মর্ কোচ্‌পেইয়্যে পুয়ো-ছাগুন্, তুমি যেনে পাপ ন-গরঅ সেনত্যে মুই তমা ইধু এ বেক্‌ কধানি লেগঙর্। মাত্তর্ কেঅ যুনি পাপ গুরি ফেলান্ সালে বাবা ইধু আমার পৌইদ্যেনে কধা কবাত্যে একজন আঘে; তে অলঅ যীশু খ্রীষ্ট, যিবে নিদ্দুজি।

২ যোহন 1:4

বাবা আমারে যে উগুমানি দিয়্যে সেই ধগে তর্ কয়েক্কো পুয়ো-ছা গোজেনর্ সত্যর্ পধেদি চলদন্ দেগিনে মুই ভারী হুজি ওইয়োং।