৩ যোহন 1:11 - Chakma Bible

¹¹ পরাণর্ সমাজ্জ্যেগুন, ভান্ন্যেয়র্ পিজেদি ন-যেইনে বরং গমঅ পিজেদি আঢঅ। যে গম কাম গরে তে গোজেনর্ মানুচ্‌; আর যে ভান্ন্যেই কাম গরে তে গোজেনরে ন-দেগে।

৩ যোহন 1:11 ပူးပေါင်းရင်းမြစ်များ

গীতসংহিতা 34:14

ভান্ন্যেই কামত্তুন্ দূরোত্ থাগ, গম্ কাম গরঅ; শান্তিত্তে আওজি অ আর তার্ পিজেদিগান্ ন-ছাজ্য।

গীতসংহিতা 37:27

ভান্ন্যেয়ানি ছাড়ি দুয়ো আর গম্ কাম গরঅ, সেক্কে জিংকানিবর্ বাঁজি থেবে।

যাত্রা 23:2

দশজনে অন্যেয়্‌ গোজ্যন্‌ বিলিই‌ তুইয়ো সেধোক্ক্যেন গুরিবাত্তে ন-যেচ্‌। কনঅ‌ মকদ্দমাত্‌ সাক্ষী দিবাত্তে যেইনেই মানুচ্ বেশ্ আগন্দে ইন্দি মিজেইনে ন্যায় বিচেরত্‌ মানা ন-গুরিচ্‌।

গম্ উপদেজ্ 12:11

যে মানুচ্চো নিজো ভূইয়োত্ কাম গরে তার বোউত্ হানা থায়, মাত্তর্ যে বাজে কামত্ লাগি থায় তার বুদ্ধির অভাব আঘে।

যোহন 10:27

মঅ ভেড়াগুন্ মঅ ডাগনি শুনোন্। মুই তারারে হবর্ পাং আর তারা মঅ পিযে পিযে যান্।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 3:20

যে কেঅ অন্যেয় কাম্ গুরি থেলে তে পহ্‌রানরে ঘিনায়। তার্ অন্যেয় কামানি ফগদাং ওই পুড়িবো বিলি তে পহ্‌রঅ ইধু ন-এজে।

১ করিন্হীয় 11:1

মুই যেবাবোত্যেগুরি খ্রীষ্ট ধোক্ক্যেন চলঙর্ তুমিয়ো সেবাবোত্যেগুরি মঅ ধোক্ক্যেন চলঅ।

১ করিন্হীয় 4:16

সেনত্তে মুই বিশেষ গুরিনে তমারে কোজোলি গরঙর্, মুই যিয়েন গরং তুমিয়ো সিয়েন গরঅ;

ইফিষীয় 5:1

গোজেনর্ কোচ্‌‌‌‌‌‌পেইয়্যে পুয়ো ইজেবে তুমি গোজেন ধোক্ক্যেন গুরি চলঅ।

ফিলিপীয় 3:17

ভেইলগ্, তুমি বেক্কুনে মঅ ধোক্ক্যেন গুরি চলঅ, আর যিগুনে এবাবোত্যেগুরি আঢাউদো গরন্ তারারে চিনি রাগঅ। কেধোক্ক্যেন গুরিনে চলা পরে সিয়েন আমি তমারে দেগেয়্যেই।

১ থিষলনীকীয় 1:6

বোউত্ অত্যেচারর্ ভিদিরেয়ো পবিত্র আত্মার দিয়্যে হুজিলোই সেই গম হবরান মানি লোইনে তুমি আমার আর প্রভু ধোক্ক্যেন গুরি চলর্।

১ থিষলনীকীয় 2:14

ভেইলগ্, যিহূদিয়া রেজ্যত খ্রীষ্ট যীশু লগে গোজেনর্ যে মন্ডলীগুন্ আঘন, তমা অবস্থা তারা ধোক্ক্যেন। যিহূদীগুনো আঢত্ তারা যেত্তমান দুঘ্ পেইয়োন, তুমিয়ো নিজো দেজর্ মানুচ্চুনো আঢত্ সেই একই দুঘোত্ ভুগ্‌গো।

২ তীমথিয় 3:10

তুই মর্ শিক্ষ্যে, চালচলন্, উদ্দেচ্চ্য, বিশ্বেজ্, সোজ্জ্যগুণ, কোচ্‌পানা আর ধৈজ্জ্য পৌইদ্যেনে গমেডালে খিয়েল্ গোজ্জ্যস্।

ইব্রীয় 6:12

আমি ন-চেই তুমি আল্‌সি অ; আমি চেই, যিগুনে বিশ্বেজ্ আর অমকদ ধৈজ্জ্যলোই গোজেনর্ এগেম্ গোজ্জ্যে আশিদ্‌বাদর্ অধিকারী অন্ তুমি তারা ধোক্ক্যেন অ।

১ পিতর 3:11

ভান্ন্যেই কামত্তুন্ তে দূরোত্ থোক্, আর গম কাম গোরোক্; সুগ-শান্দিত্যে আওজি ওইনে তে তার্ পিজেদিগান ন-ছাড়োক্।

১ পিতর 3:13

গম কাম গুরিবাত্যে যুনি তমার্ আওজ্‌ থায় সালে কন্না তমারে ক্ষতি গুরিবো?

১ যোহন 2:29

তুমি যুনি কোই পারঅ, তে কনদিন্অ অন্যেয় ন-গরে মাত্তর্ ইয়েন হবর্ পেইয়ো-যিগুনে ন্যায় কামত্ নিজোরে কামত্ লাগান, গোজেনত্তুন্ তারার্ জর্ম ওইয়্যে।

১ যোহন 3:10

যিগুনে ন্যায় কামত্ নিজোরে ন-রাগান আর ভেইয়োরে কোচ্‌ ন-পান্, সিগুনে গোজেনর্ নয়। ইয়েন্দোই ফগদাং পায়, কন্না গোজেনর্ পুয়ো আর কন্না বা শদানর্ পুয়ো।

১ যোহন 4:1

কোচ্‌পানার্ পুয়ো-ছা লগ্, তুমি বেক্‌ আত্মাগুনোরে বিশ্বেজ্ ন-গোজ্জ্য, বরং চাগি চঅ সিগুনে গোজেনত্তুন্ এচ্চ্যন কিনা, কিয়া জগদত্ বোউত্ ভন্ড ভাববাদী নিগিল্লোন।