৩ যোহন 1:10 - Chakma Bible

¹⁰ সেনত্যে তে যিয়েনি গরের্ মুই এযানার্ পরেদি সিয়েনি বেক্কুনোরে জানেম। তে আমা বিরুদ্ধে ইংসে গুরিনে বোউত্ মিজে কধা কোইয়্যে। সিয়েনিলোইও সুগি ন-ওইনে তে নিজেয়ো ভেইয়ুনোরে মানি ন-লয় আর যিগুনে তারারে মানি লবাত্যে চাদন্ তারারেয়ো মানা গরের্ আহ্ মন্ডলীত্তুন্ নিগিলেই দের্।

৩ যোহন 1:10 ပူးပေါင်းရင်းမြစ်များ

গম্ উপদেজ্ 10:10

যে মানুচ্চো চোগোদি ইজিরে দে তে দুঘ্ দে; বেশ্ কধা কোইয়্যে বাজে মানুচ্চো ভস্ত ওই যেবঅ।

গম্ উপদেজ্ 10:8

যিবের্ মনত্ জ্ঞান আঘে তে উগুম মানে, মাত্তর্ বেশ্ কধা কোইয়্যে বাজে মানুচ্চুন ভস্ত ওই যেবাক্।

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

লূকে লেখ্যে গম্ হবর্ 6:22

বর্‌‌পেইয়্যে তুমি, যেক্কে যীশুর কারনে মান্‌‌জ্যে তমারে ঈচ্ গরন্, সমাজত্তুন্ নিগিলেই দুয়োন্ আর নিন্দে গরন্ আহ্ তমা নাঙান্ শুনিলে সেফ্ ফেলেবাক্।

যোহন 9:22

তা মা-বাবে যিহূদী নেতাগুনো দরে এই বেক্‌ কধানি কলাক্, কিয়া যিহূদী নেতাগুনে আগে ঠিগ্ গোজ্যন্, কনজনে যুনি যীশুরে মশীহ বিলিনে স্বীগের্ গরন্ সালে তারে সমাজত্তুন্ নিগিলেই দিয়া অবঅ।

প্রেরিত্‌ 1:15

সেক্কে পিতরে একদিন খ্রীষ্ট উগুরে বিশ্বেজি প্রায় একশ কুড়িজন মান্‌‌জ্য মুজুঙোত্ থিয়্যেইনে কলঅ,

২ করিন্হীয় 13:2

দ্বি-বারত্ মুই যেক্কে তমা ইধু এলুং সেক্কে যিগুনে আগে পাপ গোজ্জ্যন্ তারার্ আর অন্য বেক্কুনোরে মুই উজিয়ার্ গোজ্জ্যং। ইক্কিনে মুই আজির্ ন-থেইনেয়ো আরঅ তমারে উজিয়ার্ গুরিনে কঙর্, মুই যেক্কে আরঅ এইম্ সেক্কে কাররে রেহাই ন-দিম,

গালাতীয় 6:10

জু পেলে আমি যেন বেক্কুনোর্, বিশেষ গুরিনে গোজেন পরিবারর্ মানুচ্চুনোরে উপকার গুরিই।

১ তীমথিয় 5:13

ইয়েন বাদে তারা ঘরে ঘরে বেড়েইনে আল্‌‍সি অদে শিগোন্। তারা যে বানা আল্‌‍সি অন্ সিয়েন নয়, মাত্তর্ বাজে কধা কদে আর পর বেপার্‌‍লোই কধা কবাত্যে শিগোন্ আর যিয়েন তারাত্তুন্ কনা উচিত নয় সেই কধানি কন্।

২ যোহন 1:10

কেঅ যুনি তমা ইধু এইনে সেই শিক্ষ্যে ন-দুয়োন্ সালে তমা ঘরত্ তারে মানি ন-লোইয়ো আর ভালেদিয়ো ন-জানেয়ো।

২ যোহন 1:12

যুনিয়ো তমা ইধু মর্ ভালোক্কানি কধা লিগিবার্ এলঅ তো কাগোজ্ আর কালিলোই সিয়েনি লিগিবাত্যে ন-চাং। তাত্তুন্ মুই তমা ইধু যেইনে মুজুঙোমুজুঙি ওইনে কধা কবার্ আজা গরং, যেন আমার হুজিগান ভুরি যায়।

৩ যোহন 1:3

মুই ভারী হুজী অলুং যেক্কে কয়েক্কো বিশ্বেজি ভেই এইনে তঅ পৌইদ্যেনে এ সাক্ষিগান দিলাক্, গোজেন সত্যগান উগুরে তুই বিশ্বেজি আঘচ্ আর তা সমারে চলর্।

৩ যোহন 1:5

পরাণর্ সমাজ্জ্যেগুন, ন-চিনিনেয়ো বিশ্বেজি ভেইয়ুনোত্যে তুই যিয়েনি গরর্ সিয়েনি বিশ্বেজ্ গুরিনে গরর্।