২ তীমথিয় 4:8 - Chakma Bible

⁸ সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

২ তীমথিয় 4:8 ပူးပေါင်းရင်းမြစ်များ

পত্থম 18:25

ইয়েন্‌ তর্‌ পক্ষে সম্ভব নয়। গম্‌ আর ভান্ন্যেয় উগুরে এক বাবোত্যে বেবহার গুরিনে তারারে একলগে মারে ফেলানা তর্‌ পক্ষে এক্কুবারে সম্ভব নয়। গোদা পিত্‌থিমীয়ানর্‌ যিবে বিচেরর্ মালিক্‌ তে কি দোল্‌বিচের্‌ গুরি ন পারে?”

গীতসংহিতা 31:19

তুই যে ভালেদি গোজ্যস্ সিয়েন কত্তমান দাঙর্ কাম্! যিগুনে তরে ভোক্তি গরন্ তারাত্তেই তুই সিয়েন তুলি রাগেয়োচ্; তইদু আশ্রয় লোইয়্যেগুনোরে তুই সে ভালেদিগানি গুরি থাচ্, আর সিয়েনি গুরিবে বেক্কুনো মুজুঙোত্।

গীতসংহিতা 7:11

গোজেনে ন্যায়বিচেরগ্, পাজিগুনোর্ বিচের্ তে নিত্য গুরি থায়।

গম্ উপদেজ্ 4:9

তে তঅ মাঢা উগুরে দোল্ মালাছড়া দিবো আর দোল্ মুকুট বক্‌শিজ্ দিবো।”

মালাখি 3:17

তারা পৌইদ্যেনে বেগত্তুন্ খেমতাবলা লগেপ্রভু কত্তে, “মর্ ঠিগ্ গোজ্যে দিনোত্ তারা মর্ নিজোর্ বিশেজ্ সোম্বোত্তি অবাক্; তারা মরই অবাক্। এক্কো মানুচ্ যেবাবোত্যেগুরি তার্ সেবাগুরিয়্যে পুয়োবোরে মেয়্যে গুরিনে সাজাত্তুন্ রেহাই দে সেবাবোত্যেগুরি মুই তারারে রেহাই দিম্।

মথি লেখ্যে গম্ হবর্ 24:36

সেই দিন্নো আর সেই সময়বোর্ কধা কেঅ হবর্ ন-পায়, স্বর্গর্ দূত্‌তুনেয়ো ন-পান্, পুয়োবোয়ো ন-পায়; বানা স্বর্গীয় বাবা হবর্ পায়।

মথি লেখ্যে গম্ হবর্ 7:22

সেদিন্যে ভালোক্ জনে মরে কবাক্, প্রভু, প্রভু, তঅ নাঙে কি আমি ভাববাদী ইজেবে কধা ন-কোই? তঅ নাঙে কি ভান্ন্যেই আত্মা ন-ধাবেই? তঅ নাঙে কি বোউত্ আমক্ অবার্ কাম ন-গুরিই?

লূকে লেখ্যে গম্ হবর্ 10:12

মুই তমারে কঙর্, বিচের দিনোত্ সেই আদামত্তুন্ বরং সদোম শঅর মানুচ্চুনো অবস্থা বোউত্ সোজ্য গরেদে ধোক্ক্যেন্ অবঅ।

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

রোমীয় 8:23

বানা সিয়েন্ নয়, মাত্তর্ যে মহিমাগান্ আমি যেরেদি পেবং সিয়েন্ পত্তম ফল্ ইজেবে পবিত্র আত্মারে পেইনে আমি নিজেয়ো মনেদি কোঙের্। আর সেই সমারে সেই দিন্নোত্তে বাজ্জেই আঘি যেক্কে গোজেনর্ পুয়ো-ছা ইজেবে আমারে ফগদাং গরা অবঅ, অত্তাৎ ভস্তর্ আঢত্তুন্ আমা কিয়্যেগানিরে উদ্ধোর্ গরা অবঅ।

১ করিন্হীয় 2:9

মাত্তর্ পবিত্র বোইবোর্ কধা মজিম, “গোজেনরে যিগুনে কোচ্‌‌পান তারাত্তে তে যিয়েন যিয়েন ঠিগ গুরি রাগেয়্যে, সিয়েনি কনজনে চোগেদিয়ো ন-দেগন্, কানেদিয়ো ন-শুনোন্ আর মনেদিয়ো ন-ভাবন্।”

১ করিন্হীয় 3:13

সালে তে কিবাবোত্যে কাম্ গোজ্জ্যে সিয়েন গমেদালে দেগা যেবঅ। বিচের দিনোত্ সিয়েন ফগদাং অবঅ, কিয়া সেদিন্নোর্ ফগদাঙান্ আগুনো মাধ্যমে অবঅ। কার্ কাম কিবাবোত্যে সিয়েন আগুনানে যাচাই গুরিবো।

১ করিন্হীয় 9:25

যিগুনে ধাবা দেনাত্ মিজেন্ সিগুনে বেক্কুনে আগেত্তুন্ ধুরি দর-মর গুরিনে চলন্। যে জিদিবার্ মালাবো বর্‌বাদ ওই যায় সেই মালাবো পেবাত্যে তারা সিয়েন গরন্, মাত্তর্ আমি সিয়েন গুরিই সেই বক্‌শিজ্‌চানত্তে যিয়েন কনদিন্অ বর্‌বাদ ন-অবঅ।

২ করিন্হীয় 5:2

এ কিয়্যেগানত্ থানা অবস্থায় আমি ব নিজেচ্‌ ফেলের্ আর বেক্‌ মনান্দোই চাঙর্ যেন র্স্বগর্ সেই নুয়ো কিয়্যেগান্দোই আমারে নাঢা অয়;

ফিলিপীয় 3:11

সেনত্যে যিয়েন অদঅ সাৎ মুই ঘেচ্চ্যেকগুরি মরণত্তুন্ জেদা ওই উদিম।

কলসীয় 1:5

স্বর্গত্ তমাত্যে যিয়েনি থুবেয়্যে আঘে সিয়েনি পেবার আজা তমা ইধু এ বিশ্বেজ্ আর কোচ্‌পানাগান জোর্মেয়্যে। যে গম্ হবরান, অত্তাৎ সত্যর্ কধাগান তমা ইধু লুম্মেগি সিয়েনি ভিদিরে তুমি এ আজাগানর্ কধা শুন্ন্য।

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

১ থিষলনীকীয় 5:4

মাত্তর্ ভেইলগ, তুমি দঅ আন্ধারত্ বজত্তি ন-গরর্ যে, সে দিন্নো চুরো ধোক্ক্যেন তমা উগুরে এইনে লুমিবো। তুমি দঅ বেক্কুনে পহ্‌রর্ আর দিনোর্ মানুচ্‌। আমি রেদোর্ বা আন্ধারর মানুচ্‌ নয়।

২ থিষলনীকীয় 2:8

প্রভু যীশু তার্ মুয়োর্ নিজেচ্‌‌সোই তারে ভস্ত গুরিবো আর তার্ মহিমালোই ভরা তার্ খেমতাগান শেজ্ গুরি দিবো।

১ তীমথিয় 6:19

ইয়েনিলোই তারা নিজোত্যে এমন্‌ ধন থুবেবাক্ যিয়েনি ভবিচ্চদে তারার পক্ষে এক্কান দরমর শিঙোর ধোক্ক্যেন অবঅ, যেন সত্যিকারর্ যে জিংকানি সিয়েন তারা দরমর গুরিনে ধুরি রাগেই পারন।

২ তীমথিয় 1:10

মাত্তর্ ইক্কিনে আমার উদ্ধোর্ গুরিয়্যে খ্রীষ্ট যীশুর এ জগদত্ এজানায় তে সেই দোয়্যেগান ফগদাং গোজ্জ্যে। খ্রীষ্ট মরণানরে ভস্ত গোজ্জ্যে আর গম হবরর্ মাধ্যমে ভস্ত ন-ওইয়্যে জিংকানির্ কধা ফগদাং গোজ্জ্যে।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 1:18

ইফিষত্ কেধোক্ক্যেন গুরিনে তে মরে সেবা গোজ্জ্যে সিয়েন তর্ গমেডালে জানা আঘে। প্রভু গোরোক্, যেন খ্রীষ্টর্ এবার দিনোত্ তে প্রভুত্তুন্ দোয়্যে পায়।

২ তীমথিয় 2:5

সেবাবোত্যে গুরি জিদেজিত্যে খারাত্ মিজেইনে কেঅ যুনি সুদোম মজিম ন-খেলে সালে তে জিদেনার্ মালাবো ন-পায়।

২ তীমথিয় 4:1

খ্রীষ্টর্ ফিরি এজানা আর তা রেজ্য পৌইদ্যেনে মনত্ রাগেইনে গোজেন মুজুঙোত্ আর যিবে জেদা আর মরাগুনোর্ বিচের্ গুরিবো সেই খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

তীত 2:13

আমার দাঙর্ গোজেনে আর উদ্ধোর গুরিয়্যে যীশু খ্রীষ্টর্ মহিমাভরা ফগদাঙর্ হুজিয়ে-ভরা আজা পূরেবাত্যে আওজ্‌ গুরিনে বাজ্জেই থেই।

ইব্রীয় 12:11

শাসনানরে আমি হুজির্ বেপার বিলিনে মনে ন-গুরিই, বরং দুঘোর্ বেপার বিলিনে মনে গুরিই; মাত্তর্ গোজেনর্ শাসন মানি লনার্ ফল অলঅ সুগে-শান্দিয়্যে গম্ জিংকানি।

ইব্রীয় 9:28

ঠিগ্ সেবাবোত্যেগুরি ভালোক্কুন মান্‌জ্যর পাপর্ বুধি ভুগিবাত্যে খ্রীষ্টরেয়ো একবার উৎসর্ব গরা ওইয়্যে। তে দ্বিপল্লা এবঅ, মাত্তর্ সেক্কে পাপর্ কারনে মুরিবাত্যে ন-এবঅ, বরং যিগুনে তাত্যে আওজ্ গুরিনে বাজ্জেই আঘন তারারে পুরোপুরি গুরিনে উদ্ধোর্ গুরিবাত্যে এবঅ।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

১ পিতর 1:4

অত্তাৎ ভবিচ্চদে এন্ এক্কান সম্বোত্তি পেবার আশ্বাস আমি পেইয়্যেই যিয়েন কনদিন্অ ভস্ত ন-অবঅ, যিয়েনত্ ভান্ন্যেই কিচ্চু ন-থেবঅ আর যিয়েন উমরত্যে নুয়ো থেবঅ। এ সোম্বোত্তিগান তমাত্যে স্বর্গত্ থুবেইয়্যে আঘে।

১ পিতর 5:4

সালে যেক্কে আজল্ গরগ্‌কো দেগা দিবো সেক্কে তুমি জিদেনার মালা ইজেবে তার মহিমার ভাগী অবা আর সিয়েন কনদিন্অ কুমি ন-যেবঅ।

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।

ফগদাং পেইয়্যে 19:11

যেরেদি মুই দেগিলুং স্বর্গগান খুলো আঘে, আর সিয়েনত্ এক্কো ধুব্ ঘোড়া আঘে। যিবে সেই ঘোড়াবো উগুরে বৈ এলঅ তা নাঙান্ অলঅ বিশ্বেজবলা আর সত্য। তে গমেডালে বিচের্ আর যুদ্ধো গরে।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

ফগদাং পেইয়্যে 22:20

যিবে ইয়েনি পৌইদ্যেনে সাক্ষ্য দের্ তে কত্তে, “ঘেচ্চেকগুরি মুই যাদিমাদি এজঙর্।” আমেন। প্রভু যীশু, আয়।

ফগদাং পেইয়্যে 4:10

সেক্কে সেই চব্বিচ্‌জন নেতা সিংহাসনর অধিকারী, অত্তাৎ যিবে উমরত্যে জেদা আঘে তারে মাঢা নিগুরিনে সালাম গরন্। এই নেতাগুনে সেক্কে সেই সিংহাসনান মুজুঙোত্ তারার মুকুট্‌তুন খুলি থোইনে কদন্দে,

ফগদাং পেইয়্যে 4:4

সেই সিংহাসনানর চেরোকিত্যেদি আরঅ চব্বিচ্চান সিংহাসন এলঅ, আর সেই সিংহাসনানিত্ চব্বিচ্‌জন নেতা বৈ এলাক্। তারার পোজাগ্‌কানি এলঅ ধুব্ আর তারার মাঢাত্ সনার মুকুট এলঅ।