২ তীমথিয় 4:5 - Chakma Bible

⁵ মাত্তর্ তুই বেক্কানিত্ নিজোরে দোঙেই রাগা, দুঘ্ সোজ্জ্য গর্ আর খ্রীষ্ট পৌইদ্যেনে গম হবর্ প্রচার গরানাত্ থাক্, আর গোজেনে তরে যে কাম গুরিবাত্যে দিয়্যে সিয়েন থুম্ সং গর্।

২ তীমথিয় 4:5 ပူးပေါင်းရင်းမြစ်များ

যিশাইয় 62:6

ও যিরূশালেম, মুই তর্ দেবালান উগুরে চুগিদার নেযেয়োং; তারা দিনে-রেদে কনদিন্অ জুরো গুরি ন-থেবাক্। ও চুগিদারুন, যেদক্কন সং লগেপ্রভু যিরূশালেমানরে থিদেবর্ ন-গরে আর সিয়েনরে পিত্‌থিমীগান ভিদিরে নাঙ্ গিনে পারা গরে সেদক্কন সং তুমি লগেপ্রভুরে তার এগেমর্ কধাগান ইদোত্ তুলি দো; নিজোরে জিরেবাত্তে ন-দো আর তারেয়ো জিরেবাত্তে ন-দো।

যিরমিয় 6:17

মুই তমা উগুরে চুগিদার নেযেইনে কোইয়োং, ‘তুমি শিঙের রঅ শুনো,’ মাত্তর্ তুমি কোইয়োদে, ‘আমি ন-শুনিবোং।’

যিহিষ্কেল 3:17

ও মান্‌‌‌‌‌‌‌জ্য পুয়োবো, ইস্রায়েলীয়গুনোত্তে মুই তরে চুগিদার্ বানেয়োং; সেনত্তে মুই যিয়েন কং সিয়েন তুই শুন্ আর মর্ ওইনে তারারে উজিয়ার গর্।

যিহিষ্কেল 33:2

ও মান্‌জ্যর পুয়োবো‌‌‌‌‌, তঅ জাদর্ মানুচ্চুনোরে কঅ, লগেপ্রভু কোইয়্যেদে, ধুরিচ্, মুই কনঅ দেজর্ বিরুদ্ধে যুদ্ধো আনিলুং। সেক্কে দেজর্ মানুচ্চুনে তারা মানুচ্চুনো ভিদিরেত্তুন্ একজনরে বেঈ লোইনে তারে তারার্ চুগিদার নেযেলাক্।

যিহিষ্কেল 33:7

ও মান্‌‌‌‌‌‌‌‌‌‌জ্যর পুয়োবো, ইস্রায়েল জাদত্তে মুই তরে চুগিদার নেযেয়োং; সেনত্তে মুই যিয়েনি কঙর্ সিয়েনি শুন্ আর মর্ ওইনে তারারে উজিয়ার গর্।

মথি লেখ্যে গম্ হবর্ 25:16

যে পাচ্ আজার্ দীনার্ পেলঅ তে সিগুন্দোই বেবসা গুরিনে আরঅ পাচ্ আজার্ দীনার্ লাভ্ গুরিলো।

মার্ক 13:34

সিবে এমন্ এক্কো মান্‌‌জ্য ধোক্ক্যেন্ অবঅ যিবে বেড়ানত্ যেবাত্যে ঘরান্ ছাড়ি যেবার্ আগেদি তে চাগরুনো আঢত্ বেক্ কামানির ভারান্ দিলো। তে পত্তি চাগররে তার্ কামানি দিলো আর চুগিদার্‌‌বোরে জাগি থেবাত্তে কলঅ।

মার্ক 13:37

তমারে যিয়েন কঙর্ সিয়েন বেক্কুনোরে কং, জাগি থাগঅ।”

লূকে লেখ্যে গম্ হবর্ 12:37

গিরোজে যে চাগরুনোরে জাগি থাগদে দেগিবো, সিগুনে বর্‌পেইয়্যে। মুই তমারে ঘেচ্চ্যেক্‌‌‌গুরি কঙর্, সেই গিরোজ্‌‌‌সো ফারত্ কাবর বেড়েইনে তারারে বোজেব আর এইনে নিজে তারারে খাবেব।

প্রেরিত্‌ 21:8

তার্ কেল্যে আমি লদ্ দিইনে কৈসরিয়াত্ লুমিলোং আর গম্ হবরর্ প্রচারক ফিলিপ ঘরত্ থেলং। ইবে অলদে যিরূশালেম মন্ডলীর সেই সাতজন্ সেবাগুরিয়্যেত্তুন্ একজন।

ইফিষীয় 4:11

তে কুদুক্কুন মান্‌জ্যরে দূত, কুদুক্কুন মান্‌জ্যরে ভাববাদী, কুদুক্কুন মান্‌জ্যরে গম হবর্ প্রচার গুরিয়্যে আর কুদুক্কুন মান্‌জ্যরে পালক আর মাষ্টর ইজেবে নেযেল।

ইফিষীয় 4:12

তে ইগুনোরে নেযেল যেন গোজেনর বেক মানুচ্চুনে তারে সেবা গুরিবাত্যে যুক্কোল্ অন্ আর এবাবোত্যেগুরি খ্রীষ্টর কিয়্যেগান গাঢেই তুলো অয়।

কলসীয় 1:25

গোজেনে তা কধানি তমা ইধু পুরোপুরি প্রচার গুরিবার ভারান্ মঅ উগুরে দিয়্যে বিলিনে মুই মন্ডলীর এক্কো সেবাগুরিয়্যে ওইয়োং।

কলসীয় 4:17

আর্খিপ্পরে এ কধাগান কঅ, “প্রভুর সেবা গুরিবাত্যে তরে যে কামান্ দিয়্যে ওইয়্যে সিয়েন থুম্ গরানা ইন্দি বিশেষ গুরি মনযোগ দুয়ো।”

১ থিষলনীকীয় 5:6

সেনত্যে অন্যগুনো ধোক্ক্যেন যেন আমি ন-ঘুমেই, বরং জাগি থেই আর নিজোরে দোঙেই রাগিই।

১ তীমথিয় 4:12

তুই গাবুজ্যে বিলিনে কেঅ যেন তরে ঈচ্ ন-গরন্। কধালোই, চাল্‌চলনত্, কোচ্‌পানাত্, বিশ্বেজত্ আর পবিত্রতালোই তুই বিশ্বেজিগুনো ইধু আদর্শ অ।

১ তীমথিয় 4:15

এ বেপারানিলোই মনযোগি অ; নিজোরে পুরোপুরি গুরিনে সিয়েন ভিদিরে ডুবেই রাগা, যেন বেক্কুনে দেগন্ যে, তুই উজেই যর্।

২ তীমথিয় 1:8

সেনত্যে আমা প্রভু পৌইদ্যেনে সাক্ষি দেদে ন-লাজেচ্, আর তাত্যেই যে মুই বন্দী, মত্যেয়ো ন-লাজেচ্। সিয়েনর বদলে গোজেনে তরে যে খেমতা দিয়্যে সেই খেমতা মজিম তার্ গম হবর্ প্রচারত্যে মঅ লগে দুঘ্ গর্।

২ তীমথিয় 2:10

সেনত্যে গোজেনে যিগুনোরে বেঈ লোইয়্যে সিগুনোত্যে মুই বেক্কানি সোজ্জ্য গরঙর্, যেন তারায়ো খ্রীষ্ট যীশুলোই পাপত্তুন্ উদ্ধোর পান্ আর উমরর্ মহিমা লাভ গরন।

২ তীমথিয় 2:3

খ্রীষ্ট যীশুর এক্কো যগাজ্জ্যে সৈনিক ধোক্ক্যেন তুই আমা লগে কষ্ট সোজ্জ্য গর্।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।

ইব্রীয় 13:17

তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

ফগদাং পেইয়্যে 3:2

তুই জাগি উঠ্ আর বাদবাগী যিয়েনি মরেদে ধোক্ক্যেন ওইয়্যে সিয়েনি দরমর গুরি তুল্, কিত্যেই মঅ গোজেন মুজুঙোত্ তর্ কনঅ কাম মুই থুম অদে ন-দেগং।