২ তীমথিয় 2:22 - Chakma Bible

²² গাবুজ্জ্যে কালর্ ভান্ন্যেই কামনা-বাসনাত্তুন্ তুই ধেই যাগোই আর যিগুনে খাটি মনে প্রভুরে ডাগন্ তারা সমারে সৎ জিংকানি, বিশ্বেজ্, কোচ্‌পানা আর শান্তিত্যে আয়োজি অ।

২ তীমথিয় 2:22 ပူးပေါင်းရင်းမြစ်များ

গীতসংহিতা 119:9

গাবুজ্যে কেধোক্ক্যেন্ গুরি তা জিংকানিগান দোল্ গুরি পারিবো? তর্ কধানি পালেইনে সিয়েনি পারিবো।

গীতসংহিতা 17:1

ও লগেপ্রভু, তুই ন্যায়র্ কধা শুনোচ্, মঅ কানানিগান কান্ পাত্; মর্ ছলনা নেইয়্যে মুয়োর্ তবনাগান শুন্।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 6:5

শিগেরী আঢত্তুন্ উরিঙো ধোক্ক্যেন্ গুরি, পেগো শিগেরীত্তুন পেগো ধোক্ক্যেন্ গুরি তুই নিজোরে ছাড়েই নেযা।

গম্ উপদেজ্ 7:8

তে সেই মিলেবো ঘর কায়-কুরে পথ্‌তানদি যার্, সে পরেদি তে তা ঘর পথ্‌তানদি যেইনে সুমিলো;

লেবীয় 15:18

কনঅ মরদ যেক্কে কনঅ মিলেমান্‌জ্যলোই ঘুম যায়্‌ সেক্কে লের্‌ নিগিলিলে দ্বিজনত্তুন্‌ পানিলোই গাদা পুরিবো, আর তারা সাজোন্যে সং ফি-বলা অবস্থায় থেবাক্।

প্রেরিত্‌ 7:59

যেক্কে সাক্ষীগুনে স্তিফানরে পাত্তর্ মারদন্ সেক্কে তে তবনা গুরিনে কলদে, “প্রভু যীশু, মঅ আত্মাগানরে গুজি লঅ।”

প্রেরিত্‌ 9:14

ইয়েনিবাদে যিগুনে তঅ নাঙে তবনা গরন্ তারারে ধুরিবাত্তে আজল্ ধর্মগুরুগুনোত্তুন্ অধিকার লোইনে তে ইধু এচ্চ্যে।”

রোমীয় 14:17

গোজেন রেজ্যত্ হানা-দানা দাঙর্ কধা নয়; দাঙর্ কধা অলঅ, পবিত্র আত্মার্ মাধ্যমে গম্ পধেদি চলানা আর সেক্কে সুগ্-শান্দি, মন হুজি থায়।

রোমীয় 14:19

ইয়েনত্যে যিয়েন গুরিলে শান্তি অয় আর যিয়েনর মাধ্যমে আমি একজন আরেকজনরে শিগেইনে তুলি পারিই, এজঅ, আমি সিয়েনর্ চেট্ট্যা গুরিই।

১ করিন্হীয় 1:10

ভেইলগ্, আমা প্রভু যীশু খ্রীষ্টর্ ওইনে মুই তমারে বিশেজ্ গুরিনে কোজোলি গরঙর্, তুমি বেক্কুনে এক্ অ। তমা ভিদিরে কনঅ দলাদুলি ন-থোক্, মাত্তর্ তুমি একমন আর এককধার মানুচ্ অ।

১ করিন্হীয় 10:14

ইয়েনত্যে মর্ কোচ্‌পেইয়্যে সমাজ্জ্যেগুন, তুমি মূত্তি পূজোত্তুন্ দূরোত্ যঅ।

১ করিন্হীয় 14:1

এ কোচ্‌পানাগানত্যে তুমি বিশেষ গুরিনে চেষ্টা গরঅ, আর পবিত্র আত্মার্ দিয়্যে দান, বিশেষ গুরিনে ভাববাদী ইজেবে কধা কবার্ খেমতা পেবাত্যে তমার্ আওজ্ থোক্।

১ করিন্হীয় 6:18

বেক্ বেভিচারানিত্তুন্ ধেই যঅ। মানুচ্‌ অন্য যেদক্কানি পাপ্ গরন্ সিয়েনি তার্ কিয়্যের্ বারেদি গরন্, মাত্তর্ যে বেভিচের্ গরে তে নিজোর্ কিয়্যের্ বিরুদ্ধে পাপ গরে।

১ তীমথিয় 1:14

আমা প্রভু মরে জদবদে দোয়্যে গোজ্জ্যে আর খ্রীষ্ট যীশু সমারে এগত্তর্ ওইনে যে বিশ্বেজ্ আর কোচ্‌পানাগান এজে সিয়েন দান গোজ্জ্যে।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

১ তীমথিয় 2:8

মুই চাং যেন বেক্‌ জাগানিত্ মরদ্‌তুনে রাগ বা কোজ্জ্যের্ মনভাব ন-রাগেইনে সাব্ মনে দ্বিয়েন আঢ্ তুলিনে তবনা গরন্।

১ তীমথিয় 4:12

তুই গাবুজ্যে বিলিনে কেঅ যেন তরে ঈচ্ ন-গরন্। কধালোই, চাল্‌চলনত্, কোচ্‌পানাত্, বিশ্বেজত্ আর পবিত্রতালোই তুই বিশ্বেজিগুনো ইধু আদর্শ অ।

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

ইব্রীয় 12:14

বেক্‌ মানুচ্চুনো সমারে সুগে-শান্দিয়্যে থাগদে আর পবিত্র অবাত্যে আয়োজি অ।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

১ পিতর 3:11

ভান্ন্যেই কামত্তুন্ তে দূরোত্ থোক্, আর গম কাম গোরোক্; সুগ-শান্দিত্যে আওজি ওইনে তে তার্ পিজেদিগান ন-ছাড়োক্।

৩ যোহন 1:11

পরাণর্ সমাজ্জ্যেগুন, ভান্ন্যেয়র্ পিজেদি ন-যেইনে বরং গমঅ পিজেদি আঢঅ। যে গম কাম গরে তে গোজেনর্ মানুচ্‌; আর যে ভান্ন্যেই কাম গরে তে গোজেনরে ন-দেগে।