২ তীমথিয় 2:21 - Chakma Bible

²¹ যিগুনে এবাবোত্যে নিচু কামর বাজোন ধোক্ক্যেন, তারাত্তুন্ সুরি এইনে যুনি কেঅ নিজোরে সিজি গরে সালে তে এমন্‌ বাজোন ধোক্ক্যেন অবঅ যিবেরে সর্মানর কামত্ বেবহার গরা অয়। পবিত্র উদ্দেচ্যে তারে যুদো গুরি থুয়ো অবঅ, তে প্রভুর কামত্ লাগিবো আর নানান্ বাবোত্যে গম কাম গুরিবাত্যে তে যুক্কোল্ থেবঅ।

২ তীমথিয় 2:21 ပူးပေါင်းရင်းမြစ်များ

গীতসংহিতা 119:9

গাবুজ্যে কেধোক্ক্যেন্ গুরি তা জিংকানিগান দোল্ গুরি পারিবো? তর্ কধানি পালেইনে সিয়েনি পারিবো।

যিশাইয় 1:25

মুই তঅ বিরুদ্ধে মঅ আঢ্‌তানি তুলিম্। ধাতু ধোক্ক্যেন গুরি মুই ক্ষার্‌লোই তঅ খাদ্‌তান নিগিলেম আর তর্ বেক ভেজালানি দূর্ গুরি দিম্।

যিশাইয় 52:11

তুমি নিগিলি এজঅ, সে জাগানত্তুন্ নিগিলি এজঅ। তুমি কনঅ অসিজি পযাপিরা ন-ধোজ্য। তুমি যিগুনে লগেপ্রভুর পিলেবো বুয়োই নেযর্ তুমি সেই জাগানত্তুন্ নিগিলি এজঅ আর সিজি অ।

যিরমিয় 15:19

সেক্কে লগেপ্রভু কলঅ, “তুই যুনি মনান্ ফিরাজ সালে মুই তরে আগ অবস্থাত্ ফিরেই আনিম যেনে তুই মরে সেবা গুরি পারচ্; যুনি তুই বাজে কধা ন-কোইনে মূল্যবান কধা কচ্ সালে তুই মর্ মুয়োন ওইনে কধা কবে। এ মানুচ্চুনে তন্দি ফিরোদোক্, মাত্তর্ তুই তারা ইন্দি ন-ফিরিবে।

মালাখি 3:3

যে মানুচ্চো রূবো গোলেইনে খাটি গরে তে তা ধোক্ক্যেন ওইনে বুঝিবো। তে লেবীয়গুনোরে সিজি গুরিবো আর সোনা আহ্ রূবো ধোক্ক্যেন গুরি তারারে খাটি গুরিবো। সে পরেদি তারা গম্ মনোভাব্‌পোই লগেপ্রভুর নাঙে উৎসর্বর অনুষ্ঠান গুরিবাক্।

প্রেরিত্‌ 9:15

মাত্তর্ প্রভু অননিয়রে কলঅ, “তুই যাহ্, কিয়া অযিহূদীগুনোর আহ্ তারার্ রাজাগুনোর আর ইস্রায়েলীয়গুনো ইধু মঅ পৌইদ্যেনে ফগদাং গুরিবাত্যে মুই এ মানুচ্চোরে বেঈ লোইয়োং।

১ করিন্হীয় 5:7

যেন তুমি এক্কান নুয়ো সদানেইয়্যে মোইদ্যের্ তাল্ ওই পারঅ; আর আসলেয়ো তুমি সিয়েন। আমা উদ্ধোর্-পরবর্ ভেড়া-ছঅ খ্রীষ্টরে উৎসর্ব গরা ওইয়্যে।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

২ করিন্হীয় 9:8

তমারে বেক্কানিন্দি দোয়্যে গুরিবার খেমতা গোজেনর্ আঘে, যেনে তমাত্তুন্ যিয়েনি দরকার সিয়েনি বেক্কানি নিত্য তমার থায়; আর সিয়েনর্ ফলে যেন তুমি বেক্‌ গম্ কামানিত্যে খুলো আঢে দান গুরি পারঅ।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

২ তীমথিয় 2:16

গোজেন উগুরে ভোক্তি-নেইয়্যে আর বাজে কধাবাত্তাত্তুন্ দূরোত্ থাগঅ, কিয়া এবাবোত্যে কধা বাত্তাত্যে মানুচ্চুনো মনত্ গোজেন উগুরে ভোক্তির্ মনভাব্‌পান কুমি যানাত্ থেবঅ।

২ তীমথিয় 2:20

দাঙর্ ঘরত বানা যে সনা-রূবোর বাজোন্ থায় সিয়েন নয়, মাত্তর্ তক্তার আর মাদির্ বাজোন্‌অ থায়। সিগুনো ভিদিরে কুদুক্কুন্ বাজোন্ সর্মানর্ কামত আর কুদুক্কুন্ বাজোন্ নিচু কামত বেবহার গরা অয়।

২ তীমথিয় 3:17

যেনে গোজেনর্ মানুচ্চুনে পুরোপুরি গুরিনে যগাজ্জ্যে ওইনে গম কাম গুরিবাত্যে যুক্কোল্ ওই পারন।

২ তীমথিয় 4:11

বানা লুকে মঅ কায়কুরে আঘে। তুই মার্করে সমারে গুরি আনিচ্, কিয়া মঅ কামত্ তারে ভারী দরকার।

তীত 3:1

গোজেনর্ মানুচ্চুনোরে মনত্ তুলি দে যেন তারা শাসনগুরিয়্যে আর যিগুনোর্ আঢত্ খেমতা আঘে তারার্ অধিনোত্ থান, বাধ্য অন্ আর মানুচ্চুনোরে যে কনঅ উপকার গুরিবাত্যে যুক্কোল্ থান্।

তীত 3:14

অন্যগুনোরে উপকার গুরিবার কামত্ নিজোরে লাগি রাগেবাত্যেই আমা মানুচ্চুনোর্ শিগে পরিবো, যেন তারা অন্যগুনোর অভাব্‌ দূর্ গুরি পারন। এবাবোত্যে গুরিলে তারার্ জিংকানিগানি ফলিবো।

তীত 3:8

এ কধানি বিশ্বেজ্‌ গুরিবার। মুই চাং, তুই ইয়েনি পৌইদ্যেনে জোর্ দে, যেনে গোজেন উগুরে যিগুনে বিশ্বেজ্ গোজ্জ্যন তারা অন্যগুনোরে উপকার গুরিবার কামত্ নিজোরে লাগি থেবাত্যেই মনানি দুয়োন। মান্‌জ্যর্ পক্ষে ইয়েনি বেক্কানি গম আর উপকারী।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

১ যোহন 3:3

যে কেঅ খ্রীষ্ট উগুরে এই আজাগান রাগায় তে নিজোরে খাটি গরানাত্ থায় যেধোক্ক্যেন খ্রীষ্ট খাটি।