২ তীমথিয় 1:12 - Chakma Bible

¹² ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 1:12 ပူးပေါင်းရင်းမြစ်များ

গীতসংহিতা 25:2

ও মর্ গোজেন, তঅ উগুরে মুই বিশ্বেজ্ গরং, তুই মরে লাজত্ পড়িবাত্তে ন-দিচ্; মর্ শত্রুগুনে যেনে মঅ বেপারানিলোই রঙ্গ-ফুত্তি গুরিবার সুযোগ ন-পান।

গীতসংহিতা 31:5

মুই তঅ আঢত্ মঅ আত্মাগান তুলি দিলুং, ও লগেপ্রভু, বিশ্বেজ্ গুরিবার গোজেন, তুয়ই মরে উদ্ধোর্ গোজ্যস্।

গীতসংহিতা 56:9

যেদিন্যে মুই তরে ডাগিম, সেদিন্যে মর্ শত্রুগুনে ধেই যেবাক্; মুই হবর্ পাং গোজেনে মঅ সমারে আঘে।

গীতসংহিতা 9:10

যিগুনে তরে হবর্ পান তারা যেনে তঅ উগুরে বিশ্বেজ্ গরন্, কিয়া ও লগেপ্রভু, যিগুনে তরে গভিন্ গুরিনে জানিবাত্তে চান্ তারারে তুই কনদিন্‌‌অ ছাড়ি ন-যাজ্।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 50:7

প্রভু লগেপ্রভু মরে সাহায্য গরে বিলিনে মুই অগমানিত ন-ওম্। সেনত্তে মুই চক্‌মকি পাত্তর ধোক্ক্যেন মঅ মুয়োন দরমর গোজ্যং, মুই ন-লাজেম্। ‌‌

যিশাইয় 54:4

তুই ন-দোরেচ্, কিত্তে তরে লাজ্ দিয়্যে ন-অবঅ। তুই ন-লাজেচ্, কিত্তে তরে অসর্মান্ গরা ন-অবঅ। তর্ গাবুজ্যে জিংকানির লাজানাগান তুই ভুলি যেবে আর তর্ রানিমিলে থানার্ দুন্নামান তুই ইদোত্ ন-রাগেবে।

নহূম 1:7

লগেপ্রভু মংগলময়, দুঘোত্ জিরেবার জাগা। যিগুনে তাইদু আশ্রয় নেযান্ তে তারারে দেগাশুনো গরে।

মথি লেখ্যে গম্ হবর্ 12:21

তা উগুরে অযিহূদীগুনে আজা রাগেবাক্।

মথি লেখ্যে গম্ হবর্ 24:36

সেই দিন্নো আর সেই সময়বোর্ কধা কেঅ হবর্ ন-পায়, স্বর্গর্ দূত্‌তুনেয়ো ন-পান্, পুয়োবোয়ো ন-পায়; বানা স্বর্গীয় বাবা হবর্ পায়।

মথি লেখ্যে গম্ হবর্ 7:22

সেদিন্যে ভালোক্ জনে মরে কবাক্, প্রভু, প্রভু, তঅ নাঙে কি আমি ভাববাদী ইজেবে কধা ন-কোই? তঅ নাঙে কি ভান্ন্যেই আত্মা ন-ধাবেই? তঅ নাঙে কি বোউত্ আমক্ অবার্ কাম ন-গুরিই?

লূকে লেখ্যে গম্ হবর্ 10:12

মুই তমারে কঙর্, বিচের দিনোত্ সেই আদামত্তুন্ বরং সদোম শঅর মানুচ্চুনো অবস্থা বোউত্ সোজ্য গরেদে ধোক্ক্যেন্ অবঅ।

লূকে লেখ্যে গম্ হবর্ 23:46

যীশু দাঙর্ গুরি রঅ ছাড়িনে কলঅ, “বাবা, মুই তঅ আঢত্ মঅ আত্মাগান্ তুলি দিলুং।” এ কধাগান্ কোইনে তে শেজ্ নিজেচ্চো ফেলেইনে গেলগোই।

যোহন 17:15

মুই তরে কোজোলি ন-গরঙর্ তুই তারারে এ জগদত্তুন্ নেযাগোই, বরং কোজোলি গরঙত্তে, শদান আঢত্তুন্ তারারে রোক্ষ্যে গর্।

যোহন 6:44

মঅ বাপ্পো, যিবে মরে পাধেয়্যে তে টানি ন-আনিলে কনজনে মইধু এই ন-পারন্। আর মুয়ই তারে শেজ্ দিনোত্ জেদা গুরি তুলিম্।

প্রেরিত্‌ 13:46

সেক্কে পৌল আর বার্ণবা সাহচ্ গুরিনে তারারে এ জোব্‌পান দিলাক্, “গোজেনর্ কধা পত্তমে তমা ইধু কনা আমার দরকার এলঅ, মাত্তর্ তুমি যেক্কে সিয়েন এলাফেলা গোজ্জ্য আর উমর্‌অ জিংকানি পেবার্ যগাজ্যে বিলি নিজোরে মনে ন-গরঅ সেক্কে অযিহূদীগুনো ইন্দি আমি ফিরির্,

প্রেরিত্‌ 13:50

মাত্তর্ যিহূদীগুনে গোজেনর্ উবোসনা গুরিয়্যে ভদ্র মিলেগুনোরে আর শঅরর্ আজল্ আজল্ মানুচ্চুনোরে ভেজেই দিলাক্। এবাবোত্যেগুরি তারা পৌল আর বার্ণবা উগুরে অত্যেচার্ গোরেইনে সেই চাগালাত্তুন্ তারারে নিগিলেই দিলাক্।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

প্রেরিত্‌ 7:59

যেক্কে সাক্ষীগুনে স্তিফানরে পাত্তর্ মারদন্ সেক্কে তে তবনা গুরিনে কলদে, “প্রভু যীশু, মঅ আত্মাগানরে গুজি লঅ।”

প্রেরিত্‌ 9:16

মত্যেই কত্তমান্ দুঘ্ যে তাত্তুন্ পাহ্ পুরিবো সিয়েন মুই তারে দেগেম্।”

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

রোমীয় 9:33

এ পৌইদ্যেনে পবিত্র বোইবোত্ লেগা আঘে, চঅ, মুই সিয়েনত্ এন্ এক্কো পাত্তর্ থোইয়োং যেনে মান্‌‌‌জ্যে উজোত্ খান্ আর যিবে মান্‌‌‌জ্যর্ উজোত্ হেবার্ অয়। মাত্তর্ যে সিবে উগুরে বিশ্বেজ্ গরে তে আজা ন-অারেব।

১ করিন্হীয় 1:8

আমা প্রভু যীশু খ্রীষ্ট থুম্ অয় সং তমারে থির্ রাগেব, যিয়েনর কারনে তার্ এবার্ দিনোত্ তুমি নানান্ বাবোত্যে বদ্‌নাঙর্ বারেদি থেবা।

১ করিন্হীয় 3:13

সালে তে কিবাবোত্যে কাম্ গোজ্জ্যে সিয়েন গমেদালে দেগা যেবঅ। বিচের দিনোত্ সিয়েন ফগদাং অবঅ, কিয়া সেদিন্নোর্ ফগদাঙান্ আগুনো মাধ্যমে অবঅ। কার্ কাম কিবাবোত্যে সিয়েন আগুনানে যাচাই গুরিবো।

ফিলিপীয় 1:20

মর্ থির্ বিশ্বেজ্ আঘেদে, মুই কনঅ কিজুত্ লাজ্ ন-পেম বরং মত্তুন্ যদেষ্ট সাহচ্‌ থেবঅ, যেনে আগে যেধোক্ক্যেন মর্ মাধ্যমে খ্রীষ্টর্ বাঈনী ফগদাং অদঅ সেধোক্ক্যেন ইক্কিনিয়ো অবঅ-সিয়েন মুই বাজং কি মরং;

ফিলিপীয় 3:10

মুই খ্রীষ্টরে জানিবাত্যে চাং আর যে খেমতালোই তারে মরণত্তুন্ জেদা গরা ওইয়্যে সেই খেমতাগানরে জানিবাত্যে চাং। মুই তার্ দুঘোর্ ভাগী অবার্ চাং। আজল্ কধা, যে মনভাব্‌পোই তে মোজ্জ্যে মুইয়ো সেবাবোত্যে মনভাব্ পেবাত্যে চাং।

ফিলিপীয় 3:21

তে আমার বল্‌পোজ্জ্যেলোই ভরা কিয়্যেগান বুদুলিনে তার্ মহিমালোই ভরা কিয়্যে ধোক্ক্যেন গুরিবো। যে খেমতাগান্দোই তে বেক্কানি নিজো অধিনে আনে সেই খেমতাগান্দোই তে এই কামান্ গুরিবো।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

১ থিষলনীকীয় 5:4

মাত্তর্ ভেইলগ, তুমি দঅ আন্ধারত্ বজত্তি ন-গরর্ যে, সে দিন্নো চুরো ধোক্ক্যেন তমা উগুরে এইনে লুমিবো। তুমি দঅ বেক্কুনে পহ্‌রর্ আর দিনোর্ মানুচ্‌। আমি রেদোর্ বা আন্ধারর মানুচ্‌ নয়।

১ তীমথিয় 6:20

ও তীমথিয়, যিয়েন রোক্ষ্যে গুরিবাত্যে তরে দিয়্যে ওইয়্যে সিয়েন গমেডালে রোক্ষ্যে গর্। মিজে জ্ঞানর্ ভোক্তি-নেইয়্যে বাজে কধা আর ভুল্ শিক্ষ্যেত্তুন্ দূরোত্ থাগ্।

২ তীমথিয় 1:14

গোজেনে তরে যিয়েনি রোক্ষ্যে গুরিবাত্যে দিয়্যে সিয়েনি পবিত্র আত্মালোই রোক্ষ্যে গর্, যিবে আমা মনত্ থায়।

২ তীমথিয় 1:16

অনীষিফর ঘোর্‌‌‌‌‌বোগুনো উগুরে প্রভু দোয়্যে গোরোক্; তে ভালোক্ বার্ মরে তচ্‌তাজা গুরি তুল্যে, আর মুই জেল্ খাট্যে ওইয়োং বিলিনে তে ন-লাজায়।

২ তীমথিয় 1:18

ইফিষত্ কেধোক্ক্যেন গুরিনে তে মরে সেবা গোজ্জ্যে সিয়েন তর্ গমেডালে জানা আঘে। প্রভু গোরোক্, যেন খ্রীষ্টর্ এবার দিনোত্ তে প্রভুত্তুন্ দোয়্যে পায়।

২ তীমথিয় 1:8

সেনত্যে আমা প্রভু পৌইদ্যেনে সাক্ষি দেদে ন-লাজেচ্, আর তাত্যেই যে মুই বন্দী, মত্যেয়ো ন-লাজেচ্। সিয়েনর বদলে গোজেনে তরে যে খেমতা দিয়্যে সেই খেমতা মজিম তার্ গম হবর্ প্রচারত্যে মঅ লগে দুঘ্ গর্।

২ তীমথিয় 2:9

আর এই গম হবরান ফগদাঙত্যে মুই দুঘ্ গরঙর্; এন্‌ কি, দুষি ধোক্ক্যেন মরে বানা ওইয়্যে। মাত্তর্ গোজেনর্ কধাগানিরে দঅ বানা ন-অয়।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

তীত 3:8

এ কধানি বিশ্বেজ্‌ গুরিবার। মুই চাং, তুই ইয়েনি পৌইদ্যেনে জোর্ দে, যেনে গোজেন উগুরে যিগুনে বিশ্বেজ্ গোজ্জ্যন তারা অন্যগুনোরে উপকার গুরিবার কামত্ নিজোরে লাগি থেবাত্যেই মনানি দুয়োন। মান্‌জ্যর্ পক্ষে ইয়েনি বেক্কানি গম আর উপকারী।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

ইব্রীয় 2:18

তে নিজেই পোরোক্ষ্যে সোজ্জ্য গুরিনে দুঘ্ পেইয়্যে বিলিনে যিগুনে পোরোক্ষ্যেত্ পড়ন তারারে তে এজাল্ দি পারে।

ইব্রীয় 7:25

ইয়েনত্যে যিগুনে তা মাধ্যমে গোজেন ইধু এজন্ তারারে তে পুরোপুরি গুরিনে উদ্ধোর্ গুরি পারে, কিয়া তারার্ পৌইদ্যেনে কোজোলি গুরিবাত্যে তে নিত্য জেদা আঘে।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

১ পিতর 4:16

মাত্তর্ খ্রীষ্টান ইজেবে যুনি কেঅ দুঘোত্ ভুগোন্ সালে তে ন-লাজোক্, বরং তার সে নাঙান্ আঘে বিলিনে তে গোজেনর্ বাঈনী গোরোক্।

১ পিতর 4:19

সালে গোজেনর্ আওজে যিগুনে দুঘ্ পাদন, তারা তারার্ বিশ্বেজ্‌বলা গোজেন আঢত্ নিজোরে তুলি দেদোক্ আর গম কাম গোরোদোক্।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।