২ থিষলনীকীয় 3:3 - Chakma Bible

³ মাত্তর্ প্রভু বিশ্বেজ্‌বলা; তেয়ই তমারে থির্ রাগেব আর শদান আঢত্তুন্ তমারে রোক্ষ্যে গুরিবো।

২ থিষলনীকীয় 3:3 ပူးပေါင်းရင်းမြစ်များ

পত্থম 48:16

সেই স্বর্গদূত্তো, যিবে মরে বেক্‌ দজাত্তুন্‌ উদ্ধোর্‌ গোজ্যে, তে এ পুয়োগুনোরে বর্ দুয়োক্‌। ইগুনোরে দিইনে মর্‌ আর মঅ পুরোণি মানুজ্‌ অব্রাহাম আর ইসহাক নাঙানি জিংকানিবর্ বাঁজি থোক্‌। আমা দেজ ভিদিরে তারা বংশর্‌ মানুচ্চুনে জনেদি ভালোক্কুন্‌ বাড়োদোক্‌।”

১ বংশধর 4:10

যাবেষ ইস্রায়েল গোজেনরে ডাগিনে কোইয়্যেদে, “তুই মরে বর্ দে আর মঅ সোম্বোত্তিগানি বাড়েই দে। তঅ বলান্‌ মঅ সমারে থোক্‌ আর দজাত্তুন্‌ তুই মরে রোক্ষ্যে গর্‌ যেনে মুই দুগ্‌ ন-পাং।” আর গোজেনে তার্‌ কোজোলিগান্‌ রোক্ষ্যে গুরিলো।

গীতসংহিতা 121:7

বেক্ ফি-গানিত্তুন্ লগেপ্রভু তরে রোক্ষ্যে গুরিবো; তে তঅ পরাণান্ রোক্ষ্যে গুরিবো।

গীতসংহিতা 19:13

হবর্ পেইনে বার্‌বো গোজ্যে পাপত্তুন্ তর্ চাগর্‌‌‌বোরে তুই দূরোত্ রাগা; সিয়েনে যেনে মঅ উগুরে রাজাগিরি ন-গরে। সেক্কেনে তে মুই খাটি ওই পারিম, মুক্ত থেম্ গোজেন উগুরে অমকদ উল্লোমির দায়ত্তুন্।

মথি লেখ্যে গম্ হবর্ 5:37

তমা কধাত্ অয় যেন অয় আর নয় যেন নয় অয়; ইয়েনর বেশ্ যিয়েন, সিয়েন শদান ইত্তুন্ এজে।

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

লূকে লেখ্যে গম্ হবর্ 11:4

আমা পাপ্পানি খেমা গর্, কারন যিগুনে আমা বিরুদ্ধে অন্যেয় গরন্ আমি তারারে ক্ষেমা গুরিই। আমারে তুই পোরোক্ষ্যেত্ ন-ফেলেচ্।’ ”

যোহন 17:15

মুই তরে কোজোলি ন-গরঙর্ তুই তারারে এ জগদত্তুন্ নেযাগোই, বরং কোজোলি গরঙত্তে, শদান আঢত্তুন্ তারারে রোক্ষ্যে গর্।

১ করিন্হীয় 1:9

গোজেনে বিশ্বেজবলা; তেয়ই তমারে ডাক্ক্যে যেন তা পুয়োবো আমা প্রভু যীশু খ্রীষ্ট আর তমা ইধু কধাবাত্তা-মিলেমিলি থায়।

১ করিন্হীয় 10:13

মান্‌জ্য জিংকানিত্ যেদক্কানি পোরোক্ষ্যে ওই থায় সিয়েনি বাদে আর অন্য কনঅ পোরোক্ষ্যে দঅ তমা উগুরে ন-অয়। গোজেনে বিশ্বেজবলা; সোজ্জ্যর্ বারেদি পোরোক্ষ্যে তে তমা উগুরে অবাত্তে ন-দিবো, বরং পোরোক্ষ্যের্ লগে লগে সিয়েনত্তুন্ নিগিলি এবার্ এক্কান পধ-অ তে গুরি দিবো যেন তুমি সিয়েন সোজ্জ্য গুরি পারঅ।

১ থিষলনীকীয় 5:24

ইদোত্ রাগেয়ো, যিবে তমারে ডাক্ক্যে তে নির্ভরযোগ্য; তে খামাক্কায় সিয়েন গুরিবো।

২ তীমথিয় 4:18

প্রভু মরে বেক্ ভান্ন্যেই কামত্তুন্ রোক্ষ্যে গুরিবো আর গমেডালে তার্ স্বর্গীয় রেজ্যত্ নেযেব। যুগে যুগে উমরত্যে তার্ বাঈনী ওক্‌। আমেন।

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।