২ থিষলনীকীয় 2:5 - Chakma Bible

⁵ মুই যেক্কে তমা ইধু এলুং সেক্কে এই বেক্‌ কধানি যে তমারে কোদুং, সিয়েনি কি তমার মনত্ ন-পরে?

২ থিষলনীকীয় 2:5 ပူးပေါင်းရင်းမြစ်များ

মথি লেখ্যে গম্ হবর্ 16:9

তমার কি মনত্ ন-উদের্ যেক্কেনে মুই সেই পাচ্ আজার্ মান্‌জ্যত্তে পাচ্চান্ রুটি ভাঙ্যং আর সে পরেদি কয় কারাং তুমি ভোরেয়ো?

মার্ক 8:18

তমার্ চোগ্ তাগদেয়ো কি ন-দেগর্? কান্ থাগদেয়ো কি ন-শুনোর্? মনত্অ কি ন-উদের্,

যোহন 16:4

মুই তমারে ইয়েনি বেক্কানি কলুং যেন সেই সময়বো এলে পরেদি তমাত্তুন্ ইদোত্ উদে যে, মুই তমারে এ কধাগান্ কোইয়োং। মুই পৌইল্যাত্তুন্ ধুরি এদক্কানি কধা তমারে ন-কং, কিয়া মুই তমা সমারে সমারে এলুং।

প্রেরিত্‌ 20:31

ইয়েনত্তে তুমি উজিয়ার্ থাগঅ। ইদোত্ রাগেবা, তিন বজর্ সং দিন-রেদ্ চোগো পানিলোই মুই তমারে পত্তিজনরে উজিয়ার্ গোজ্জ্যং, কনদিন্অ জুরো গুরি ন-থাগঅ।

গালাতীয় 5:21

ইংসে, মাত্তল্ অনা, রঅ ছাড়িনে মদ হানা, আর এবাবোত্যে ভালোক্কানি। মুই যেধোক্ক্যেন্ গুরি ইয়েনর্ আঘেদি তমারে উজিয়ার্ গোজ্জ্যং ইক্কিনিয়ো সিয়েন গুরিনে কঙর্, যিগুনে এবাবোত্যে কাম্ গরন গোজেন রেজ্যত্ তারার্ জাগা ন-অবঅ।

১ থিষলনীকীয় 2:11

তুমি কোই পারঅ, বাবে যেধোক্ক্যেন নিজো পুয়ো-ছাগুনোরে উচ্চোমি, সান্তনা আর কড়া গুরিনে উগুম দে, আমিয়ো তমারে পত্তিজনরে সিয়েনই দিদোং, যেন গোজেনর্ মানুচ্‌ ইজেবে তুমি গমেডালে চলঅ। গোজেনে তার্ নিজো রেজ্যগানর্ আর তার মহিমার ভাগী অবাত্যে তমারে ডাগের্।

১ থিষলনীকীয় 3:4

দুঘ্-কষ্ট যে আমা উগুরে এবঅ সেই কধাগান তমা লগে থেবার্ অক্তত্ আমি বার্‌বার্ কোইয়্যেই, আর তুমি কোই পারঅ যে, ঠিগ্ সিয়েনই ঘোট্যে।

২ থিষলনীকীয় 2:6

সেই অবাধ্যবলা মরদ্‌‌তো যেনে ঠিগ্ সময়োর আগে ফগদাং ওই ন-পারে সেনত্যে যিয়েনে ইক্কিনে তারে মানা গুরি রাগেয়্যে সিয়েন দঅ তুমি কোই পারঅ। তুমি ইয়েনঅ কোই পাজ্জ্যদে যে, অবাধ্যবলা মরদ্‌‌তোর্ গুমুরো কামানি ইক্কিনয়ো চলের্,

২ থিষলনীকীয় 3:10

তমা ইধু থেবার অক্তত্ আমি তমারে উগুম দিইনে কোইয়্যেদে, কেঅ যুনি কাম গুরিবাত্যে ন-চায় সালে তে যেন ন-খায়।

২ পিতর 1:15

মর্ মরণর পরেদিয়ো যেন তুমি এই বেপারানি আমিযে মনত্ থঅ, মুই সিয়েনর বেবস্থাগান গুরিবাত্যে ভারী চেষ্টা গুরিম।