২ থিষলনীকীয় 2:10 - Chakma Bible

¹⁰ আর ভস্তর্ পধেদি উজেই যেইয়্যে মানুচ্চুনোরে থোগেইবার নানান্ বাবোত্যে পাজি ছলনার্ ভিদিরে। এ মানুচ্চুনে ভস্ত অবাক্, কিয়া পাপত্তুন্ উদ্ধোর্ পেবাত্যে তারা সত্যগানরে কোচ্‌ ন-পান্ আর সিয়েন মানিয়ো ন-লন্।

২ থিষলনীকীয় 2:10 ပူးပေါင်းရင်းမြစ်များ

গম্ উপদেজ্ 1:7

লগেপ্রভুরে ভোক্তি গুরিনে দরানা অলঅ জ্ঞানর গড়াগান্, মাত্তর্ যিগুনোর চিদে চজ্জা বাজে ধরনর তারা গম বুদ্ধি আর শিক্ষ্যেনি ঈচ্ গরন।

গম্ উপদেজ্ 8:17

যিগুনে মরে কোচ্‌পান মুইয়ো তারারে কোচ্‌পেম; যিগুনে মনদিইনে মরে তগান্ তারা মরে পান্।

মথি লেখ্যে গম্ হবর্ 13:11

যীশু জোব্ দিলো, স্বর্গ-রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে মাত্তর্ তারারে জানিবাত্তে দিয়্যে ন-অয়,

যোহন 3:17

গোজেনে মান্‌জ্যরে দুষি প্রমাণ গুরিবাত্যে তা পুয়োবোরে জগদত্ ন-পাধায়, বরং মান্‌জ্যে যেন পুয়োবোর্ মাধ্যমে পাপত্তুন্ উদ্ধোর্ পান্ সেনত্তে তে তারে পাধেয়্যে।

যোহন 5:34

খালিক্ মুই মান্‌জ্যর্ সাক্ষ্য উগুরে নির্ভর্ ন-গরং, মাত্তর্ যেন তুমি পাপত্তুন্ উদ্ধোর্ পঅ সেনত্তে এ বেক্‌ কধাগানি কঙর্।

রোমীয় 10:1

ভেইলগ্, ইস্রায়েলীয়গুনোত্যে মঅ মনত্ অমকদ আওজ্ আর গোজেন ইধু মর্ তবনাগান ইয়েন, তারা যেন পাপত্তুন্ উদ্ধোর্ পান্।

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

রোমীয় 6:17

মাত্তর্ গোজেনর্ ভালেদি ওক্‌, কিয়া যুনিয়ো তুমি পাপর্ চাগর্ এলা তো যে শিক্ষ্যেগান্ তমারে দিয়্যে ওইয়্যে বেক্ মনান্দোই তুমি তার্ বাধ্য ওইয়ো।

১ করিন্হীয় 1:18

যিগুনে ভস্ত অবার্ পধেদি উজেই যাদন্ তারা ইধু খ্রীষ্টর্ সেই ক্রুশোত্ মরাণার্ কধাগান্ মূর্খতা বাদে আর কিচ্চু নয়; মাত্তর্ আমি যিগুনে পাপত্তুন্ উদ্ধোরর্ পধেদি উজেই যের্ আমা ইধু সিয়েন গোজেনর্ খেমতা।

১ করিন্হীয় 16:22

যুনি কেঅ প্রভুরে কোচ্‌ ন-পায় সালে তা উগুরে অভিশাব্ পোড়োক্। আমা প্রভু এজোক্।

২ করিন্হীয় 11:13

আসলে সেবাবোত্যে মানুচ্চুনে দঅ ভন্ড প্রচারক আর দগাবাজ্। নিজোরে খ্রীষ্টর্ প্রচারক বিলিনে দেগেবার আজায় তারা নিজোরে বুদুলি ফেলান্।

২ করিন্হীয় 11:15

সালে যিগুনে শদানর্ সেবা গরন্ তারা যুনি নিজোরে বুদুলি ফেলেইনে দেগান্, তারা ন্যায়র্ সেবা গত্তন্ সালে সিয়েনত্ আমক্ অবার্ কি আঘে? তারার্ কামর্ যিয়েন পাওনা জেরেদি তারা সিয়েনই পেবাক্।

২ করিন্হীয় 2:15

যিগুনে উদ্ধোর্ পাদন্ আর যিগুনে ভস্ত ওই যাদন্ তারা ইধু গোজেনর্ পক্ষে আমি ঘেচ্চ্যেকগুরি খ্রীষ্টর্ তুমবাচ্‌।

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

ইফিষীয় 4:14

মান্‌জ্যে পাজি বুদ্ধি খাদেইনে অন্যগুনোরে ভুল্ পধেদি নেযেবাত্যে যে ভুল্ শিক্ষ্যেনি দুয়োন, সেই ভুল্ শিক্ষ্যেনি ভিদিরে আমি বৈয়্যেরে দুলি উঠ্যে তুবোল ধোক্ক্যেন ইন্দি উন্দি ন-দুলিবোং।

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

২ থিষলনীকীয় 2:12

যিগুনে সত্যত্ বিশ্বেজ্ ন-গুরিনে অন্যেয় কামত্ হুজি ওইয়োন তারারে বেক্কুনোরে বিচেরত্ দুষি বিলিনে ধরা অবঅ।

২ থিষলনীকীয় 2:13

প্রভুর্ কোচ্‌পেইয়্যে মঅ ভেই-বোনলগ্, তমাত্যে নিত্য গোজেনরে আমার ভালেদি জানানা উচিত, কিয়া পাপত্তুন্ উদ্ধোর পেবাত্যে গোজেনে পৌইল্যাত্তুন ধুরি তমারে বেঈ লোইয়্যে। পবিত্র আত্মালোই গোজেনত্যে তমারে ফারগ্ গুরি থনার্ মাধ্যমে আর গম্ হবরর্ সত্যগান তমার বিশ্বেজর্ মাধ্যমে তুমি পাপত্তুন্ উদ্ধোর্ পেইয়ো।

১ তীমথিয় 2:4

তে চায় যেন বেক্কুনে পাপত্তুন্ উদ্ধোর্ পান আর খ্রীষ্ট পৌইদ্যেনে সত্যগানরে মূড়োত্ পুরিনে বুঝি পারন্।

ইব্রীয় 3:13

ইয়েনত্তুন্ যেদকদিন পবিত্র বোইবোর্ “এচ্চ্যে” কধাগান কুয়ো যায়, সিয়েনর পত্তি দিন তুমি একজন আরেকজনরে উচ্চোমি দুয়ো, যেনে তমার্ কারঅ মন পাপর্ ছলনাত পড়িনে আগাত্যে ন-অয়;

২ পিতর 2:12

মাত্তর্ যে বুদ্ধিনেইয়্যে য়েমানুনে তারার্ স্বাভাবিক আওজর্ অধীন আর মারে ফেলেবাত্যে যিগুনোর্ জর্ম, এই ফক্কর্ মাষ্টরুনে তারা ধোক্ক্যেন। তারা যিয়েন ন-বুঝোন সে পৌইদ্যেনে ভান্ন্যেই কধা কন্। নিজো কাজর ভিদিরে তারা ভস্ত ওই যেবাক্।

২ পিতর 2:18

তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।