২ শমূয়েল 7:26 - Chakma Bible

²⁶ ইয়োত্ তঅ চাগর্‌ দায়ূদো গুট্টিগুন তঅ মুজুঙোত্‌ থির্ থেবাক্‌ আর জিংকানিবর্‌ তর্‌ বাঈনী অবঅ। সেক্কে মান্‌জ্যে কবাক্, বেগত্তুন্ খেমতাবলা লগেপ্রভু ইস্রায়েলীয়গুনোর গোজেন।

২ শমূয়েল 7:26 ပူးပေါင်းရင်းမြစ်များ

পত্থম 17:18

পরে অব্রাহাম গোজেনরে কলঅ, “আহ্‌, ইশ্মায়েলে যেনে তর্‌ দোয়েলোই বাঁজি থায়!”

২ শমূয়েল 7:25

ইক্কিনে ও লগেপ্রভু গোজেন, তঅ চাগর্‌ আর তার্‌ বংশর্‌ পৌইদ্যেনে তুই যে এগেম্ গোজ্যস্‌ সিয়েন জিংকানিবর্‌ রোক্ষ্যে গর্‌। তর্‌ এগেম্ মজিম সিয়েন গর্‌।

১ রাজাবলী 18:36

বেইল্যে বেইল্যে উৎসর্বর সময়ানত্‌ ভাববাদী এলিয় মুজুঙোত্‌ উজেই এইনে তবনা গুরিলো, “ও লগেপ্রভু, অব্রাহাম, ইসহাক আর ইস্রায়েলর গোজেন, এচ্ছ্যে তুই জানেই দে, ইস্রায়েলর ভিদিরে তুয়ই গোজেন আর মুই তঅ চাগর্‌, আর তঅ উগুমে মুই ইয়েনি গোজ্যং।

১ রাজাবলী 18:37

ও লগেপ্রভু, মরে জোব্‌ দে, জোব্‌ দে, যেনে এ বেক্‌ মানুচ্চুনে হবর্ পান্‌, ও লগেপ্রভু, তুয়ই গোজেন আর তুয়ই তারার্‌ মনানি ফিরেই আন্যচ্‌।”

গীতসংহিতা 115:1

আমার নয়, ও লগেপ্রভু, আমার নয়, মাত্তর্ তরে বাঈনী গরা ওক্; তর্ অমকদ কোচ্‌পানা আর বিশ্বেজত্তেই ওক্।

গীতসংহিতা 61:7

তে জিংকানিবর গোজেনর মুজুঙোত্ বজত্তি গুরিবো; তারে রোক্ক্যে গুরিবাত্তে তর্ অমকদ কোচ্‌পানা আর বিশ্বেজ্‌ছানরে তুই কামত্ লাগা।

গীতসংহিতা 89:36

তা বংশবো উমরত্যে থেবঅ; তা সিংহাসনান্ মঅ মুজুঙোত্ বেলান ধোক্ক্যেন টিগি থেবঅ।

মথি লেখ্যে গম্ হবর্ 6:9

ইয়েনত্তে তুমি এবাবোত্যেগুরি তবনা গরঅ: ও আমার স্বর্গর্ বাবা, তঅ নাঙান্ পবিত্র বিলিনে মানা ওক্।

যোহন 12:28

বাবা, তঅ মহিমাগান্ ফগদাং গর্।” স্বর্গত্তুন্ সেক্কে এ কধাগান্ শুনো গেলঅ, “মুই মঅ মহিমাগান্ ফগদাং গোজ্যং আহ্ আরঅ সিয়েন্ ফগদাং গুরিম।”