২ শমূয়েল 7:24 - Chakma Bible

²⁴ তর্‌ মানুচ্‌ ইস্রায়েলীয়গুনোরে তুই নিজোর নাঙে জিংকানিবর্‌ তর্‌ নিজো মানুচ্‌ অবাত্তে থিদেবর্ গোজ্যস্‌, আর তুই, ও লগেপ্রভু, তুই তারার্‌ গোজেন্‌ ওইয়োচ্‌।

২ শমূয়েল 7:24 ပူးပေါင်းရင်းမြစ်များ

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

২ শমূয়েল 7:23

তর্ ইস্রায়েল জাদঅ ধোক্ক্যেন্‌ পিত্তিমীত্‌ আর কন জাত আঘে যিবেরে তুই তর্‌ নিজো মানুচ্‌ বানেবাত্তে আর নিজোরে নাঙ্ গিনিবার অাশাই উদ্ধোর্‌ গুরিবাত্তে যেইয়োচ্‌? আর কন জাদ্‌অ মুজুঙোত্‌ তুই নিজোর্‌ নাঙে তঅ দেজত্তে মহৎ আর দর্‌গরেপারা কাম্‌ গোজ্যস, যেধোক্ক্যান তঅ মানুচ্চুনোত্তে গোজ্যস্‌ যিগুনোরে তুই মিসর দেজত্তুন্‌ নানান্‌ জাদ্ আর দেব-দেবেদাগুনোর আঢত্তুন্‌ উদ্ধোর্ গোজ্যস্‌?

২ শমূয়েল 7:25

ইক্কিনে ও লগেপ্রভু গোজেন, তঅ চাগর্‌ আর তার্‌ বংশর্‌ পৌইদ্যেনে তুই যে এগেম্ গোজ্যস্‌ সিয়েন জিংকানিবর্‌ রোক্ষ্যে গর্‌। তর্‌ এগেম্ মজিম সিয়েন গর্‌।

১ বংশধর 17:22

তঅ মানুচ্‌ ইস্রায়েলীয়গুনোরে তুই নিজো নাঙে জিংকানিবর্‌ তর্‌ নিজো মানুচ্‌ বানেয়োচ্‌, আর তুই, ও লগেপ্রভু, তুই তারার্‌ গোজেন ওইয়োচ্‌।

গীতসংহিতা 48:14

এ গোজেনেয়ই আমা উমরর্ গোজেন; তে আমারে মরণ সং পথ দেগেইনে যেবঅ।

যাত্রা 15:2

লগেপ্রভুই মর্‌ বল্‌, তেয়ই মর্‌ গীদ্; মর্‌ উদ্ধোরান্ তা ভিদিরে আঘে। লগেপ্রভুই‌ মর্‌ গোজেন; মুই‌ তাঁরই‌ বাঈনী গরেদে-গীদ্ গেইম্। তে মর্‌ বাবার্‌ গোজেন; মুই তাঁর মহিমার্ গীদ্ গেইম্‌।

যাত্রা 6:7

সে পরেদি মর্‌ নিজোর্‌ মানুচ্ ইজেবে মুই তমারে মানি লোম আর তমার্‌ গোজেন ওম্‌। সেক্কে তুমি জানি পারিবাদে, মুয়ই লগেপ্রভু তমার্‌ গোজেন, আর মিসরীয়গুনোর্‌ অমকদ চাগর্ কাদানাত্তুন্ মুয়ই তমারে নিগিলেই আন্যং।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিরমিয় 31:1

লগেপ্রভু কোইয়্যেদে, “সে অক্তত্ মুই ইস্রায়েলর বেক গুট্টিগুনোর গোজেন ওম্, আর তারা মর্ মানুচ্ অবাক্।”

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 32:38

তারা মঅ মানুচ্ অবাক্ আর মুই তারার গোজেন ওম্।

হোশেয় 1:10

তো ইস্রায়েলীয়গুন সাগর-পার ধূল্যেচর ধোক্ক্যেন অবাক্, যিয়েনি মাবা ন-যায়, গোণায়ো ন-যায়। যে জাগানত্ তারারে কুয়ো ওইয়্যে, তুমি মঅ মানুচ্ নয়, সিয়েনত্ তারারে কুয়ো অবঅ, জেদা গোজেনর পুয়ো-ছা।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

যোহন 1:12

মাত্তর্ যেদক্‌জনে তা উগুরে বিশ্বেজ্ গুরিনে তারে গুজি ললাক্ তারারে বেক্কুনোরে তে গোজেনর্ পুয়ো অবার্ অধিকারান্ দিলো।

দ্বি’লম্বর বিররণ 26:18

আর লগেপ্রভুয়ো এচ্চ্যে ফগদাং গোজ্যেদে, তার এগেম্ মজিম তুমি তারই মানুচ্‌ আর তার্‌ নিজোর সোম্বোত্তি ওইয়ো। তার বেক্‌ উগুমানি তমাত্তুন মানি চলা পড়িবো।

দ্বি’লম্বর বিররণ 27:9

ইয়েনর্ পরেন্দি মোশি লেবীয় ধর্মগুরুগুনোরে নেযেইনে বেক্‌ ইস্রায়েলীয়গুনোরে কলদে, “ও ইস্রায়েলীয়গুন্‌, তুমি অলর্ গুরি শুনো। এচ্চ্যে তুমি তমার গোজেন লগেপ্রভুর নিজোর মানুচ্‌ ওইয়ো।

দ্বি’লম্বর বিররণ 32:6

ও অবুঝ, বুদ্ধিনেইয়্যে জাদ! এবাবোত্যেগুরি কি তুমি লগেপ্রভুরে হেনা উগুরেবা? তে কি তমার বাপ্‌ তে কি সৃট্টি গুরিয়েবো নয়? তেয়ই দঅ তমারে সৃট্টি গোজ্যে; তেয়ই জাদ ইজেবে তমারে থিদেবর্ গোজ্যে।

১ পিতর 2:10

এক সময়োত্ তুমি গোজেনর্ মানুচ্‌ ন-এলা, মাত্তর্ ইক্কিনে ওইয়ো; এক সময়োত্ তুমি দোয়্যে ন-পঅ, মাত্তর্ ইক্কিনে পেইয়ো।