২ শমূয়েল 6:16 - Chakma Bible

¹⁶ লগেপ্রভুর সুন্দুক্কো যেক্কে দায়ূদ-শঅরত্‌ এইনে লুমিলো সেক্কে শৌলর ঝি মীখলে জানালান্দি সিবে চেইয়্যে। লগেপ্রভুর মুজুঙোত্‌ রাজা দায়ূদোরে ফাল্যেদে আর নাজদে দেগিনে তে মনে মনে তারে ইস্ গুরিলো।

২ শমূয়েল 6:16 ပူးပေါင်းရင်းမြစ်များ

২ শমূয়েল 3:14

সে পরেন্দি দায়ূদে শৌলর পূঅ ঈশ্‌বোশত ইদু মানুচ্‌ পাদেইনে এ দাবিগান জানেল, “মঅ মোক্‌ মীখলরে দে। মুই পলেষ্টীয়গুনোর একশঅ চুনুগুলোর্‌ মুজুঙেন্দি চামানি দাভা দিইনে তারে লোইয়োং।”

২ শমূয়েল 5:7

মাত্তর্‌ দায়ূদে সিয়োনর তাম্বুলানি কারি নেযেল; সেনত্তে সিয়েনরে দায়ূদ-শঅর কুয়ো অয়।

২ শমূয়েল 6:15

এধোক্ক্যেনগুরি দায়ূদ আহ্‌ ইস্রায়েলীয়গুনে বেক্কুনে হুজিয়ে রঅ ছারদে ছারদে আর তূরী বাজাদে বাজাদে লগেপ্রভুর সুন্দুক্কো অানিলাক্।

২ শমূয়েল 6:20

ইয়েনর্ পরেন্দি দায়ূদে তা নিজো ঘরর্‌ মানুচ্চুনোরে বর্ দিবাত্তে যেক্কে ফিরি এলঅ সেক্কে শৌল ঝি মিখলে তারে আগ্‌বারেই নেযেবাত্তে নিগিলি এলঅ আর কলদে, “ইস্রায়েল দেজ রাজাবো এচ্চ্যে নিজোরে কেধোক্ক্যেন সর্মানিত গুরিলো! তে বজং মান্‌জ্য ধোক্ক্যেন্‌ সাধারন মানুচ্চুনোর চাগরানীগুনোর্‌ মুজুঙোত্‌ কাবড়-চুগোড়ানি খুলি ফেলেল।”

১ বংশধর 15:29

লগেপ্রভুর বেবস্থা-সুন্দুক্কো দায়ূদ-শঅরত্‌ সোমেবার্‌ সময়োত্‌ শৌল ঝি মীখলে জান্দালান্দি সিবে দেগিলো। রাজা দায়ূদোরে নাজদে আর ফুত্তি গত্তে দেগিনে তে মনে মনে দায়ূদোরে ঈচ্ গুরিলো।

গীতসংহিতা 123:3

আমা উগুরে দোয়্যে গর্, ও লগেপ্রভু, আমা উগুরে দোয়্যে গর্, কিত্তে মানুচ্চুনোর ঈচ্ গরানাগান আমা মাঢা তাল্লো সং লুম্মেগোই।

গীতসংহিতা 69:7

মুই তত্তেই অগমান সোজ্য গোজ্যং, অসর্মানে মর্ মুয়োন ঢাগা যেইয়্যে।

যিশাইয় 53:3

মান্‌জ্যে তারে ঈচ্ গরদন আর এলাফেলা গোজ্যন্; তে যন্ত্রনাত্ ভুগের্ আর পিড়েগান লগে তার পরিচয় এলঅ। মান্‌জ্যে যিবেরে দেগিলে মুয়োন্ ফিরেন তে তা ধোক্ক্যেন ওইয়্যে; মান্‌জ্যে তারে ঈচ্ গোজ্যন আর আমি তারে সর্মান ন-গুরিই।

প্রেরিত্‌ 2:13

আরঅ অন্যগুনে শিচ্চ্যগুনোরে থেঝেরা মারিনে কলাক্, “উগুনে মদ হেইনে মাত্তল্ ওইয়োন।”

১ করিন্হীয় 2:14

যে মানুচ্চো আত্মিক নয় তে গোজেনর্ আত্মাত্তুন্ যিয়েনি এজে সিয়েনি মানি ন-লয়, কিয়া সিয়েনি তা ইধু মূর্খতা। সিয়েনি তে বুঝি ন-পারে, কিয়া পবিত্র আত্মাগানে শিক্ষ্যে ন-দিলে সিয়েনি পোরোক্ষ্যে গুরি দেগা ন-যায়।

১ শমূয়েল 18:17

শৌল একদিন্যে দায়ূদোরে কলঅ, “মর্‌ দাঙর্‌ ঝিবো মেরবরে মুই তত্তেই বৌ দিম্‌। তুই বানা মর্‌ পক্ষেন্দি বীরো ধোক্ক্যেন লগেপ্রভুত্তে যুদ্ধো গুরিবাক্।” মাত্তর্‌ শৌলর মনর্‌ কধাগান এলদে ইয়েন, তে দায়ূদো উগুরে আত্তান্‌ ন-তুলিলেয়ো দায়ূদে যেনে পলেষ্টীয়গুনোর আঢত্‌ মারা পড়ে।

১ শমূয়েল 18:20

মাত্তর্‌ শৌলর আর এক্কো ঝি মীখল দায়ূদোরে কোচ্‌পেদঅ। মানুচ্চুনে যেক্কে সেই কধানি শৌলরে জানেলাক্ সেক্কে শৌল হুজি অলঅ।