২ শমূয়েল 5:20 - Chakma Bible

²⁰ দায়ূদে সেক্কে বাল্‌-পরাসীমোত্‌ গেলঅ আর সিদু তারারে ওদেই দিলো। তে কলঅ, “লগেপ্রভু মঅ মুজুঙোত্‌ গোদা পানি ভাঙি যাইদে ধোক্কেন্‌ মঅ শত্রুগুনোরে ভাঙি ফেলেয়্যে।” ইয়েনত্তে সে জাগায়ানর নাঙান্‌ অলঅ বাল্‌-পরাসীম।

২ শমূয়েল 5:20 ပူးပေါင်းရင်းမြစ်များ

২ শমূয়েল 19:9

ইস্রায়েলর পুরো গুট্টিগুনো ভিদিরে মানুচ্চুনে তর্কাতর্কি গুরিনে কুয়ো ধুরিলাক্, “রাজা শত্রুগুনোর আঢত্তুন্‌ আমারে রোক্ষ্যে গোজ্যে; পলেষ্টীয়গুনো আঢত্তুন্‌ তেয়ই আমারে উদ্ধোর্ গোজ্যে। মাত্তর্‌ ইক্কিনে তে অবশালোমত্তেই দেজত্তুন্‌ ধেই গেলঅ।

১ বংশধর 14:11

সেক্কে দায়ূদে আর তা মানুচ্চুনে বাল্‌-পরাসীমোত্‌ যেইনে তারারে ওদেই দিলো। দায়ূদে কলঅ, “গোজেনে গোদা পানি ভাঙেদে ধোক্ক্যেন গুরি মঅ আত্তান্দোই মঅ শত্রুগুনোরে ভাঙি ফেলেল।” ইয়েনত্তে সে জাগান নাঙান্‌ অলঅ বাল্‌-পরাসীম।

গীতসংহিতা 60:1

ও গোজেন, তুই আমারে এলাফেলা গোজ্যস্, আমারে গুড়ি গোজ্যস্; তুই অমকদ বেজার্ ওইয়োচ্, মাত্তর্ এবেরা তুই আমারে আগ অবস্‌তাদ্ ফিরেই আন।

যিশাইয় 28:21

লগেপ্রভু যুদ্ধো গুরিবো, যেবাবোত্যেগুরি তে পরাসীম মুড়োবোত্ গোজ্যে। তে উত্তেজিত অবঅ, যেবাবোত্যে গুরি গিবিয়োন কলগত্ ওইয়্যে। এবাবোত্যেগুরি তে তার কামানি, তার আমক্ অবার আর অসাধারন কামানি থুম্ গুরিবো।

হবক্‌‌‌‌কূক 3:13

তঅ মানুচ্চুনোরে উদ্ধোর্ গত্তে, তর্ অভিষেগ্ গোজ্যে মানুচ্চোরে রোক্ষ্যে গত্তে তুই নিগিলি এলে। তুই পাজিগুনোর্ দেজর্ নেতাবোরে আঘাত্ গুরিলে, তা দেজ্‌চানরে পুরোপুরি গুরিনে ভস্ত গুরি দিলে।