২ শমূয়েল 5:17 - Chakma Bible

¹⁷ পলেষ্টীয়গুনে যেক্কে শুনিলাক্, ইস্রায়েল উগুরে দায়ূদোরে রাজপদথ্‌ অভিষেগ্ গরা ওইয়্যে সেক্কে তারা বেক্‌ সৈন্যগুন্‌ নেযেইনে তারে আক্রমণ গুরিবাত্তে তগা ধুরিলাক্। দায়ূদে সে কধাগান শুনিনে দুর্গ নাঙে মুড়োবোত্‌ গেলঅ।

২ শমূয়েল 5:17 ပူးပေါင်းရင်းမြစ်များ

২ শমূয়েল 21:15

পলেষ্টীয় আর ইস্রায়েলীয়গুনো ভিদিরে আরঅ যুদ্ধো আরাম্ভ অলঅ। দায়ূদে তা মানুচ্চুনোরে লোইনে পলেষ্টীয়গুনোর বিরুদ্ধে যুদ্ধো গুরিবাত্তে গেলঅ। যুদ্ধো গত্তে গত্তে তে বল্‌পোজ্যে ওই পড়িলো।

২ শমূয়েল 23:14

সে অক্তত্‌ দায়ূদে ধূল্যেচর-চাগালাত্ তাম্বুলো ধোক্ক্যেন এক্কান জাগাত্‌ এলঅ আর পলেষ্টীয় সৈন্যদলুন বৈৎলেহমত্‌ এলাক্।

২ শমূয়েল 5:16

ইলীশামা, ইলিয়াদা আহ্‌ ইলীফেলট।

২ শমূয়েল 8:1

পরেন্দি দায়ূদে পলেষ্টীয়গুনোরে ওদেই দিইনে তারার্‌ নিজো অধীনোত্‌ আনিলাক্। তে পলেষ্টীয়গুনোর আঢত্তুন্‌ মেথেগ-আম্মাাগান্ গজক্ গুরি নেযেল।

১ বংশধর 11:16

সে অক্তত্‌ দায়ূদ ধূল্যেচর-চাগালাত্‌ তাম্বুলো ধোক্ক্যেন এক্কান্‌ জাগাত্‌ এলঅ আর পলেষ্টীয় সৈন্যদলুন বৈৎলেহমত্‌ এলাক্‌।

ইব্রীয় 11:33

বিশ্বেজর্ মাধ্যমে তারা রেজ্য জিত্যন্, দোল্ বিচের্ গোজ্জ্যন, গোজেন এগেমর্ পূর্ণতাগান লাভ গোজ্জ্যন, সিংহগুনো মুয়োন বন্ধ গোজ্জ্যন্,

১ শমূয়েল 29:1

পলেষ্টীয়গুনে অফেকত্‌ তারার বেক্‌ সৈন্যগুন এগত্তর্‌ গুরিলাক্। ইন্দি ইস্রায়েলীয়গুনে যিষ্রিয়েলর উইফুদোর্‌ ইদু তারার্‌ তাম্বুলান ফেলেলাক্।