২ শমূয়েল 3:35 - Chakma Bible

³⁵ বেলান্‌ থাগদে থাগদে যেনে দায়ূদে কিজু হায় সেনত্তে মানুচ্চুনে তারে কোজোলী গরা ধুরিলাক্; মাত্তর্‌ দায়ূদে শমক্‌ হেইনে কলঅ, “বেলান্‌ ডুবিবার আগেন্দি যুনি মুই পিদে বা অন্য কিজু হাং সালে গোজেনে যেনে মরে সাজা দে আর সিয়েন জদবদে গুরি দে।”

২ শমূয়েল 3:35 ပူးပေါင်းရင်းမြစ်များ

২ শমূয়েল 1:12

শৌল আর তা পূঅ যোনাথন আর লগেপ্রভুর সৈন্যদলর যিদুক্কুন্‌ ইস্রায়েলীয় যুদ্ধোত্‌ মুরি যেইয়োন্‌ তারাত্যে তারা সাজোন্যে সং কানিলাক আহ্‌ আবিলেচ্‌ গরা ধুরিলাক আর কিচ্ছু ন-হেলাক্।

২ শমূয়েল 12:17

রাজঘরর্‌ দাঙর্ নেতাগুনে তারে মাদিত্তুন তুলিবাত্তে তাইদু গেলাক্, মাত্তর্‌ তে রাজি ন-অলঅ আর তারা সমারে হানা-দানায়ো ন-গুরিলো।

২ শমূয়েল 3:34

তর্‌ দঅ আঢ্‌তানি বান্যে ন-এলঅ, তর্‌ টেঙত্‌ শিগল্‌অ ন-এলঅ। পাজি মানুচ্চুনোর আঢত্‌ যেবাত্যেগুরি মানুচ্‌ মরন, সেবাবোত্যে গুরি দঅ তুই মুরি গেলে।” এ কধানি শুনিনে মানুচ্চুনে আরঅ অব্‌নেরত্তে কানা ধুরিলাক্।

২ শমূয়েল 3:36

বেক্‌ মানুচ্চুনে ইয়েনি দেগিনে হুজি অলাক্। ঘেচ্ছেকগুরি, রাজা যিয়েনি যিয়েনি গুরিলো সিয়েনিলোই তারা হুজি অলাক্।

২ শমূয়েল 3:9

দায়ূদো ইদু লগেপ্রভু শমক্‌ হেইনে এগেম্ গোজ্যেদে সেবাবোত্যে গুরিনে যুনি মুই কাম্‌ ন-গরং, অত্তাৎ শৌলর বংশত্তুন্‌ রেজ্য লোইনে দানত্তুন্‌ বের্‌-শেবা সং ইস্রায়েল আর যিহূদা উগুরে দায়ূদোর সিংহাসনান্ থিদেবর্ ন-গরং সালে গোজেনে যেনে অব্‌নেররে সাজা দে আর সিয়েন জদবদে দে।

১ বংশধর 10:12

সেক্কে সিদুগোর্‌ বীর সৈন্যগুনে যেইনে শৌল আর তা পুয়োগুনোর্ মরাকিয়্যেগানি যাবেশত্‌ আনিলাক্‌। যাবেশ এলোন গাচ্ছো তলাত্‌ তারা আড়ুন্‌ গারেলাক্‌ আর সাত দিন সং উবোস থেলাক্‌।

যিরমিয় 16:7

যিগুনে সেই মরাগুনোত্তে আবিলেচ্ গরন, এন্ কি, বাবা বা মাবোত্তে আবিলেচ্ গরন তারারে বুঝেবাত্তে কনজনে হানায়ো ন-দিবা বা পানিয়োও ন-দিবা।

যিহিষ্কেল 24:17

তুই ভিদিরে ভিদিরে ভঅ নিজেস্ ফেলেবে। তুই মরাগুনোত্তে আব্‌‌‌‌‌‌‌‌‌সোজ্ ন-গুরিচ্। তুই মাপালার্ বান্ আর টেঙত্ জদা পিন্; তর্ মুয়োর্ তলেদিগান ন-ঢাগিচ্ বা মানুচ্চুনোর পাদেয়্যে হানাগানি ন-খেয়ো।”

যিহিষ্কেল 24:22

সেক্কে যিহিষ্কেলে যিয়েনি গোজ্যে তুমিয়ো সিয়েনি গুরিবা। মুয়োর্ তলেদিগান তুমি ন-ঢাগিবা বা মানুচ্চুনোর পাদেয়্যে হানাগান ন-হেবা।

বিচের গুরিয়্যেগুন 20:26

সেক্কে ইস্রায়েলীয়গুনোর বেক্‌ মানুচ্চুনে বৈথেলত যেইনে লগেপ্রভুর ইদু বুঝিনে কানাকুদি গরা ধুরিলাক্‌। তারা সেদিন্যে সাজোন্যে সং উবোস্‌ থেলাক্‌ আর লগেপ্রভুর নাঙে পুজ্যে আর উদোলোলির্-উৎসর্বর পরব্‌ গুরিলাক্‌।

রূত 1:17

তুই যিয়েনত্‌ মুরিবে মুইয়ো সিয়েনত্‌ মুরিম্‌ আর সিয়েনত্‌ যেনে মর্‌ গোর্‌ অয়। এক মরণ বাদে আর অন্য কিজুয়ে যুনি আমারে ফারক্‌ গরে সালে লগেপ্রভু যেনে মরে সাজা দে আর সিয়েন জদবদে দে।”

১ শমূয়েল 3:17

এলি পুযোর্ গুরিলো, “গোজেনে তরে কি কত্তে? মর্‌ মুজুঙোত্তুন তুই সিয়েনি ন-লুগেচ্‌। তে যিয়েনি কোইয়্যে সিয়েনি যুনি কিজু তুই মত্তুন লুগোচ্‌ সালে তে যেন তরে অমহদ সাজা দে।”