২ শমূয়েল 3:27 - Chakma Bible27 অব্নের হিব্রোণত্ ফিরি এজানার্ পরেন্দি যোয়াবে তা লগে গুমুরো কধা কবার্ ছলনা গুরিনে শঅরর্ গেদো ভিদিরে নেযেল। সে পরেন্দি তা বুগুদ গুদো মারিনে তারে মারে ফেলেল। এধোক্ক্যেন গুরিনে তে তা ভেই অসাহেলর লো ঝরানার্ হেনাবো সুজিলো। အခန်းကိုကြည့်ပါ။ |
২ শমূয়েল 3:27
16 ပူးပေါင်းရင်းမြစ်များ
যোয়াব আর তা ভেই অবীশয় অব্নেররে মারে ফেলেল, কিত্যে তে তারার্ ভেই অসাহেলরে গিবিয়োনর যুদ্ধোত্ মারে ফেলেয়্যে। পরেন্দি দায়ূদে সে হবরান্ পেইনে কলদে, “নেরের পূঅ অব্নেরর লো ঝড়ানার্ পৌইদ্যেনে মুই আর মঅ রেজ্যগানে লগেপ্রভুর মুুজুঙোত্ উমরত্তে নিদ্দুজী। যোয়াব আর তা বাবর্ গুট্টিগুনে বেক্কুনে যেনে সে লো-গানির দায়ী অন্। যোয়াবর গুট্টিত্ আমিঝে যেন কেউ না কেউ চুনুগুলোবোর স্রাব বা চামঅ পিড়েত্ ভুগোন, কেউ লুদিক্কোই ভর্ দিইনে আদন, কেউ খুন অন বা কেউ খানার অভাবে দুখ্ পান।”
যে লো-গানি তে ঝোরেয়্যে সে হেনাবো লগেপ্রভু নেযেব, কিত্যে মঅ বাপ্পো দায়ূদে হবর্ ন-পেইয়্যেগুরি দ্বিজন মান্জ্যরে আক্রমণ গুরিনে মারে ফেলেয়্যে। তারা অলাক্ ইস্রায়েলর সৈন্যদলর সেনাপতি নেরর পূঅ অব্নের আর যিহূদার সৈন্যদলর সেনাপতি যেথরর পূঅ অমাসা। এ দ্বিজনই এলাক্ তাত্তুন্ বেশ্ আরঅ খাটি আরঅ গম্ মানুচ্।
“সরূয়ার পূঅ যোয়াবে মর্ উগুরে যিয়েনি গোজ্যে আর ইস্রায়েলীয় সৈন্যদলুনোর দ্বিবে সেনাপতি উগুরে, অত্তাৎ নেরের পূঅ অব্নের আর যেথরর পূঅ অমাসা উগুরে যিয়েনি গোজ্যে সিয়েন দঅ তুয়ই হবর্ পাচ্। তে তারারে খুন্ গোজ্যে, শান্তির অক্তত্অ যুদ্ধোর সময়ো ধোক্ক্যেন গুরিনে তে তারারে লো ঝোরেই দিয়্যে আর সেই লো-নি তার কমর-বিজোনিত্ আর টেঙর্ জদানিত্ বাস্যে।
ကြော်ငြာတွေ