২ শমূয়েল 24:22 - Chakma Bible

²² অরোণা দায়ূদোরে কলঅ, “মঅ গিরোজ মহারাজে যিয়েন্‌ গম্‌ বিলিনে মনে গরে সিয়েনই ইয়োত্তুন্‌ নেযেইনে উৎসর্ব গোরোক্। পূজ্যে-উৎসর্বত্তে ইয়োত্‌ বলদ গোরু আগন্‌ আর তক্তাত্তে আগে ফসল মারেদে মিশিন আর বলদ গোরুগুনোর জুঙোলানি।

২ শমূয়েল 24:22 ပူးပေါင်းရင်းမြစ်များ

১ রাজাবলী 19:21

সেনত্তে ইলীশায় তারে ছাড়িনে ফিরি গেলঅ। তে তার বলদ জড়াবো নেযেইনে কাবিলো আর নাঙল গাজ্‌সোলোই য়েরাগান্ রানিনে মানুচ্চুনোরে দিলো আর মানুচ্চুনে সিয়েন্‌ হেলাক্‌। সে পরেন্দি তে এলিয়ো লগে যেবাত্তে নিগিলিলো আর তার্‌ সেবাগুরিয়্যে অলঅ।

১ বংশধর 21:22

দায়ূদে তারে কলঅ, “তর্‌ এ খামার-ঘর জাগায়ান্‌ মরে দে। মুই সিদু লগেপ্রভুর নাঙে এক্কো ডালি পূজো বানেম্‌ যেনে মানুচ্চুনো ইদু এ ভানা পিড়েগান্‌ থামায়। পুরো দাম দিইনে সিয়েন্‌ মইদু বিযি দে।”

বিচের গুরিয়্যেগুন 6:26

সে পরেন্দি সেই জাগায়ান উগুরে তর্‌ গোজেন লগেপ্রভুর নাঙে গমেডালে এক্কো ডালিপূজো বানা। পরেন্দি সে দ্বিলম্বর গোরুবোলোই তর্‌ কাবি ফেলেইয়্যে সেই আশেরা-খুঁদোবোর তক্তানি জ্বালেইনে এক্কো পূজ্যে-উৎসর্বর অনুষ্ঠান গর্‌।”

১ শমূয়েল 6:14

বৈৎ-শেমশত্‌ এইনে গাড়ীগান যিহোশূয়র ক্ষেদ ইদু এক্কো দাঙর্‌ পাত্তরর্‌ ইদু যেইনে থামেল। ইস্রায়েলীয়গুনে সেই গাড়ীগানর তক্তানি কাবি নেযেইনে সেই দ্বিবে ছর্‌মা গোরুলোই লগেপ্রভুর নাঙে এক্কো পুজ্যে-উৎসর্বর অনুষ্ঠান গুরিলাক্।