২ শমূয়েল 24:14 - Chakma Bible

¹⁴ সেক্কে দায়ূদে গাদরে কলঅ, “মুই অমকদ দজাত্ পোজ্যং। মুই যেনে মান্‌জ্যর্ আঢত্‌ ন-পড়ং; তাত্তুন্‌ বরং এজঅ, আমি লগেপ্রভুর আঢত্‌ পুড়িই, কিত্যে তার দোয়্যে থুম্ ন-ওইয়্যে।”

২ শমূয়েল 24:14 ပူးပေါင်းရင်းမြစ်များ

২ শমূয়েল 9:8

এ কধাগান শুনিনে মফীবোশৎ তারে সালাম গুরিনে কলঅ, “তর্‌ এ চাগর্‌বো এমন্‌ কি ওইয়্যেদে, তুই মঅ ধোক্ক্যেন্‌ এক্কো মরা কুগুরো মোক্কেন্দি খিয়েল্ গুরিবে?”

২ রাজাবলী 6:15

তার্‌কেল্যে বেন্যেপোত্যে গোজেনর্‌ মানুচ্চোর্‌ চাগর্‌বো উদিনে যেক্কে বারেন্দি গেলঅ সেক্কে তে দেগিলোদে ঘোড়া আর রথ্‌তানি লোইনে একদল সৈন্য শঅরান্‌ ঘিরি ফেল্যন্‌। সে চাগর্‌বো সেক্কে কলঅ, “ও, হদা! ও মর্‌ গিরোজ্‌, আমি কি গুরিবোং?”

১ বংশধর 21:13

দায়ূদ গাদরে কলঅ, “মুই অমকদ দযাত্ পোজ্যং। মুই যেনে মান্‌জ্য আদত্‌ ন-পড়ং, তাত্তুন্‌ বরং লগেপ্রভুর আদত্‌ পড়ং, কিত্তে তার্‌ দোয়্যে-মেয়্যে থুম্‌ ন-ওইয়্যে।”

গীতসংহিতা 119:156

ও লগেপ্রভু, তর্ দোয়্যে-মেয়্যেগান বোউত্ বেশ্; তর্ সুদোম মজিম্ মরে নূয়ো খেমতা দে।

গীতসংহিতা 130:4

মাত্তর্ তইদু খেমা জিনিস্‌ছান আঘে, যেন মান্‌জ্যে তরে ভোক্তি গরন্।

গীতসংহিতা 130:7

ও ইস্রায়েল, লগেপ্রভু উগুরে আজা রাগা, কিত্তে লগেপ্রভু ইদু অমকদ কোচ্‌পানাগান আঘে, আর তাত্তুন্ উদ্ধোর্ গুরিবার বোউত্ খেমতা আঘে।

গীতসংহিতা 145:9

লগেপ্রভু বেক্কুনোত্তে ভালেদিগুরিয়্যে; তার বানেয়্যে বেক্কানি উগুরে মেয়্যে আঘে।

গীতসংহিতা 51:1

ও গোজেন, তর্ অমকদ কোচ্‌পানাত্তে মঅ উগুরে দোয়্যে গর্; তর্ অমকদ দোয়্যে-মেয়্যেত্তে‌ তঅ উগুরে মর্ বেক্ উল্লোমিগানি ক্ষেমা গর্;

গীতসংহিতা 86:15

মাত্তর্ ও প্রভু, তুই মেয়্যেলোই ভরা দোয়্যেলু গোজেন; তুই এনেবাদে বেজার্ ন-ওজ্, তর্ অমকদ কোচ্‌পানা আর বিশ্বেজর শেজ্ নেই।

গীতসংহিতা 86:5

ও প্রভু, তুই মংগলময় আর খেমাগুরিয়্যে; যিগুনে তরে ডাগন্ তারা উগুরে তুই কোচ্‌পানালোই ভরা।

গম্ উপদেজ্ 12:10

গোজন ভক্ত মানুচ্ তা এ্যামানুনোরে যত্তন্ গরে, মাত্তর্ পাজিগুনোর মেয়্যেগানিয়ো চিৎনপুজ্যেলোই ভরা।

যিশাইয় 47:6

মঅ মানুচ্চুনো উগুরে মঅ রাগ্‌‌কান জুলি উঠ্যে আর মঅ সোম্বোত্তিগানরে মুই অসিজি অবাত্তে দুয়োং। তারারে মুই তঅ আঢত্ তুলি দুয়োং আর তুই তারা উগুরে কনঅ মেয়্যে ন-দেগাচ্। এমন্ কি, বুড়ো মানুচ্চুনো উগুরেয়ো তুই গুয়োর্ বুদি চাপি দুয়োচ্।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিরমিয় 39:17

মাত্তর্ মুই তরে উদ্ধোর্ গুরিম। যিগুনোরে তুই দরাচ্ তারা আঢত্ তরে দিয়্যে ন-অবঅ।

আবিলেচ্ 3:22

লগেপ্রভুর অমকদ কোচ্‌পানাত্তে আমি ভস্ত ন-ওর্, কিত্তে তার্ মেয়্যেগান কনদিন্‌অ শেজ্ ন-অয়;

দানিয়েল 9:9

আমা প্রভু গোজেন দোয়্যেলু আর খেমাবলা, যুনিয়ো আমি তঅ বিরুদ্ধে উল্লোমী গোজ্যেই।

যোনা 4:2

তে লগেপ্রভু ইধু তবনা গুরিনে কলঅ, “ও লগেপ্রভু, মুই দেজত্ থাগদে হবর্ পেদুং যে, এবাবোত্যে অবঅ। সেনত্তে দঅ মুই পত্তমে তর্শীশোত্ ধেই যাঙর্। মুই হবর্ পেদুং যে, তুই দোয়্যেবলা আর মেয়্যেলিবলা গোজেন, তুই সহজে বেজার্ ন-অচ্, তর্ অমকদ কোচ্‌পানার দুযি নেই আর সাজা দেনার্ পৌইদ্যেনে মনান্ বুদুলি থাচ্।‌

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

মীখা 7:19

তুই আরঅ আমা উগুরে মেয়্যে গুরিবে; তুই আমা বেক্ পাপ্‌পানি টেঙোই উড়িবে আর আমা বেক্ অন্যেয়ানি সাগর গভীন পানিত্ ফেলেই দিবে।

সখরিয় 1:15

মুই নিচিদে থেইয়্যে সেই বেক জাদ্‌‌‌‌‌তুনো উগুরে অমকদ বেজার্ ওইয়োং, কিত্যে মুই যেক্কে মঅ মানুচ্চুনো উগুরে বানা এক্কানাগুরি বেজার্ ওইয়োং সেক্কে সেই বেক জাদ্‌তুনে মঅ মানুচ্চুনোর দুদ্দশা সমারে আরঅ দুদ্দশা দুয়োন্।‌‌‌‌

যোহন 12:27

“মঅ মনান্ ইক্কিনে ওলোজোলো ওইয়্যে। মুই কি এ কধাগান্ কোম্, ‘বাবা, যে সময়বো এচ্চ্যে সে সময়বোত্তুন্ মরে রোক্ষ্যে গর্’? মাত্তর্ ইয়েনত্যে দঅ মুই এ সময়ান সং এচ্চ্যং।

ফিলিপীয় 1:23

দ্বিয়োকিত্ত্যেদি মরে টানদন্। মুই মুরি যেইনে খ্রীষ্ট সমারে থেবাত্যে চাং, কিয়া সিয়েন বোউত্ গম।

১ শমূয়েল 13:6

ইস্রায়েলর সৈন্যগুনে যেক্কে দেগিলাক্, তারা অমহদ চাপর্‌ মুয়োত্‌ পুরিনে দযাদ্‌ পড়ি যেইয়োন সেক্কে তারা যেইনে চুরুঙোত্‌, ঝুব-ঝাড়ত্‌, মুড়ো-মুড়ির ফাদা জাগাত, খাত্তো আর গাদত্‌ লুগিই রলাক্।