২ শমূয়েল 24:10 - Chakma Bible

¹⁰ মানুচ্চুনোরে গুণিবার পরেন্দি দায়ূদো বিবেগত্‌ ধুরিলো। তে লগেপ্রভুর ইদু তবনা গুরিনে কলঅ, “মুই এ কামান গুরিনে জদবদে পাপ গোজ্যং। ও লগেপ্রভু, কোজোলী গরঙর্‌, তুই তঅ চাগরবোর্‌ এ অন্যেয়ানি দূর্ গুরি দে। মুই জদবদে ভুল্‌ মান্‌জ্যর কাম্ গোজ্যং।”

২ শমূয়েল 24:10 ပူးပေါင်းရင်းမြစ်များ

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

২ শমূয়েল 24:17

যে স্বর্গদূত্তো মানুচ্চুনোরে আঘাত্ গোজ্যে দায়ূদে তারে দেগিনে লগেপ্রভুরে কলঅ, “পাপ আর অন্যেয় মুই গোজ্যং। তারা দঅ ভেড়া ধোক্ক্যেন্‌। তারা কি গোজ্যন্? সেনত্তেই মরে আর মঅ বাব বংশবোরে তুই সাজা দিচ্‌।” দায়ূদে এক্কান ডালিপূজো বানেল।

১ রাজাবলী 8:35

তর্‌ বিরুদ্ধে তর্‌ মানুচ্চুনে পাপ গরানার কারনে যেক্কে আগাজ্‌চান্ বন্দ ওইনে ঝড় ন-পুরিবো, সেক্কে তারা যুনি এ জাগানর ইন্দি ফিরিনে তর্‌ বাঈনী গরন্‌ আর তইদু তবনা গরে আর তত্তুন্‌ দুখ্‌ পেইনে পাপত্তুন্‌ ফিরে,

১ বংশধর 21:7

এ উগুমান্‌ গোজেন চোগেন্দিয়ো গম্‌ ন-এলঅ; সেনত্তে তে ইস্রায়েল জাদ্‌তোরে সাজা দিলো।

১ বংশধর 21:8

সেক্কে দায়ূদে গোজেনরে কলঅ, “মুই এ কামান্‌ গুরিনে জদবদে পাপ গোজ্যং। ইক্কিনে মুই তইদু কোজোলী গরঙর্‌, তুই তঅ চাগরবোর্‌ এ অন্যেয়ান্‌ ক্ষেমা গর্‌। মুই অমকদ বামভুলো কাম্‌ গোজ্যং।”

২ বংশধর 16:9

যিগুনোর্‌ মনান্‌ লগেপ্রভু উগুরে ভোক্তিলোই পরিপূরোণ্‌ থায় তারারে রোক্ষ্যে গুরিবাত্তে তা চোগ্‌কুন্‌ পিত্‌থিমীর বেক্‌ জাগাইদু থায়। তুই ভুল্‌মান্‌জ্যর কাম্‌ গোজ্যজ্‌। ইক্কিনেত্তুন্‌ ধুরি তুই বারবার যুদ্ধোত্‌ থাহ্ পুরিবো।”

২ বংশধর 32:26

সেক্কে হিষ্কিয় তা মনর্‌ বাড়্‌বো গরানার্ কধানি বুঝি পারিনে নিজোরে তলে গুরিলো আর যিরূশালেম মানুচ্চুনেয়ো সেধোক্ক্যেন গুরিলাক্‌। সেনত্তে হিষ্কিয়োর সময়োত্‌ লগেপ্রভুর রাগ্‌কান তারা উগুরে লামি ন-এলঅ।

ইয়োব 7:21

কিত্তে তুই মঅ দুজ্‌ছান আর মঅ পাপ্পানি খেমা ন-গরচ্‌? মত্তুন্‌ দঅ যাদিমাদি মাদিত্‌ ঘুম্‌ যাহ্ পুরিবো; তুই মরে তোগেবে, মাত্তর্‌ মুই ন-থেম্‌।”

গীতসংহিতা 32:5

সেক্কেনে মঅ পাপ্পান্ মুই তইদু স্বীগের্ গুরিলুং, মঅ অন্যেয়ান্ মুই আর্ ঢাগি ন-রাগেলুং। মুই কোইয়োংগে, “মর্ উল্লোমির কধা মুই লগেপ্রভু ইদু স্বীগের্ গুরিম।” সেনত্তে পাপর্ কারনে মঅ দুষ্‌ছানি তুই খেমা গুরি দিলে।

যাত্রা 10:16

সেক্কে ফরৌণে যাদিমাদি মোশি আর হারোণরে ডাগি আনিনে কলঅ, “তমার গোজেন লগেপ্রভু ইধু আর তমা বিরুদ্ধে মুই পাপ গোজ্যং।

গম্ উপদেজ্ 28:13

যে মানুচ্চো নিজোর পাপ গুমুরোত্ রাগায় তার ভালেদি ন-অয়, মাত্তর্ যে সিয়েনি স্বিগের্ গুরিনে ছাড়ি দে তে দোয়্যে পায়।

হোশেয় 14:2

তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

যোয়েল 2:12

লগেপ্রভু ফগদাং গোজ্যে, “মাত্তর্ ইক্কিনে তুমি উবোস, কানাকুদি আর আবিলেচ্ গুরিনে বেক্ মনান্ দিইনে মইদু ফিরি এজঅ।”

গণাণা 12:11

এই অবস্থা দেগিনে তে মোশিরে কলঅ, “ও মর্‌ প্রভু, আমি ভুল্‌ গুরিনে যে পাপ গোজ্যেই সিয়েন্‌ আমা বিরুদ্ধে তুই ন-ধুরিচ্‌।

মার্ক 7:22

লুভি অনা, অন্যরে ক্ষতি গুরিবার্ আওজ্, ছলনা, বজং খাচ্চ্যত্, ইংসে, নিন্দে, বার্ গরানা আর মূর্খকামানি নিগিলি এজে।

যোহন 1:29

তার্ কেল্যে যোহনে যীশুরে তা নিজো ইন্দি এত্তে দেগিনে কলঅ, “উইয়োবু চঅ, গোজেনর্ ভেড়া ছবুয়ো, যিবে মান্‌জ্যর্ বেক্‌ পাপ্পানি দূর্ গরে।

যোহন 8:9

এ কধাগান্ শুনিনে সেই ধর্ম নেতাগুনো ভিদিরে বুড়োগুনোত্তুন্ ধুরি আরাম্ভ গুরিনে একজন একজন গুরি বেক্কুনে গেলাক্। যীশু বানা গায় গায় রলঅ আর সে মিলেবো তা মুজুঙোত্ থিয়্যেই এলঅ।

দ্বি’লম্বর বিররণ 32:6

ও অবুঝ, বুদ্ধিনেইয়্যে জাদ! এবাবোত্যেগুরি কি তুমি লগেপ্রভুরে হেনা উগুরেবা? তে কি তমার বাপ্‌ তে কি সৃট্টি গুরিয়েবো নয়? তেয়ই দঅ তমারে সৃট্টি গোজ্যে; তেয়ই জাদ ইজেবে তমারে থিদেবর্ গোজ্যে।

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।

১ যোহন 1:9

আমি যুনি আমার পাপ্পানি স্বিগের্ গুরিই সালে তে সেক্কেনে আমার পাপ্পানি ক্ষেমা গরে আর বেক্‌ অন্যেয়ত্তুন্ আমারে সিজি গরে, কিয়া তে বিশ্বেজ্‌বলা আর কনদিনঅ অন্যেয় ন-গরে।

১ শমূয়েল 13:13

শমূয়েলে কলঅ, “তুই বেদমা ধোক্ক্যেন কাম্‌ গোজ্যস্‌। তর্‌ গোজেন লগেপ্রভু যে উগুমান তরে দিয়্যে সিয়েন তুই পালন্‌ ন-গরচ্‌। যুনি তুই সিয়েনি গুরিদে সালে ইস্রায়েল উগুরে তর্‌ রাজাগিরি তে চির জিংকানিবর্‌ থিদেবর্ গুরি দিদো।

১ শমূয়েল 24:5

শৌলর পোজাক্কানত্তুন্‌ এক কট্টা কাবি নেযানার কারণে দায়ূদোর চিত্তোবো তারে দুষী বিলি মনে গরের্‌।

১ শমূয়েল 24:6

তে তার মানুচ্চুনোরে কলঅ, “মর্‌ গিরোচ্ছো বিরুদ্ধে, লগেপ্রভুর অভিষেগ্ গোজ্যে মানুচ্চুনোর বিরুদ্ধে আঢ্ তুলোদে লগেপ্রভু কনদিন্‌অ মরে অনুমতি ন-দিবো, কিত্যে তে দঅ লগেপ্রভুর অভিষেগ্ গোজ্যে মানুচ্‌।”

১ শমূয়েল 26:21

সেক্কে শৌল কলদে, “মুই পাপ গোজ্যং। বাবা দায়ূদ, তুই ফিরি আয়। এচ্চ্যে তুই মর্‌ জীংকানিগানর্‌ কদক্‌ দাম দিলে; মুই আর তরে ক্ষেতি গুরিবাত্যে চেট্ট্যা ন-গুরিম। সত্য সত্য এ দাঙর্‌ অন্যেয়ান গুরিনে মুই বেদমা কাম গোজ্যং।”