২ শমূয়েল 23:5 - Chakma Bible

⁵ গোজেন ইদু কি মর্‌ বংশবো সেধোক্ক্যেন নয়? মত্তে তে দঅ এক্কান্‌ উমরত্যে সুদোম্ গোজ্যে। সে সুদোমানর্‌ বেক্‌ কধানি দোলেডালে সাজেয়্যে আর গমে রাগা ওইয়্যে। মঅ উদ্ধোরান্ তে গমেডালে গুরিবো, মঅ অাওজ্‌চান তে পুরেই দিবো।

২ শমূয়েল 23:5 ပူးပေါင်းရင်းမြစ်များ

পত্থম 9:16

মেঘঅ ভিদিরে যেক্কে সে রান্‌জোনিগান্ দেগা দিবো সেক্কে মুই সিয়ান্‌ দেগিনে পিত্‌থিমীর বেক্‌ পরান্‌‌‌‌‌বলাগুনোত্তে মর্‌ এ উমরর্ সুদোমর কধানি মনত্‌ রাগেম্‌ ।”

২ শমূয়েল 12:10

তুই মরে ঈচ্ গোজ্যস্‌ আর হিত্তীয় ঊরিয়োর্‌ মোক্কোরে নেযেইনে নিজোর্‌ মোক্‌ বানেয়োচ্, সেনত্তে তঅ ঘর মানুচ্চুনে কনদিন্‌অ খুনোর আঢত্তুন মাব্ ন-পেবাক্।

২ শমূয়েল 13:14

মাত্তর্‌ অম্নোনে তামর কধা ন-শুনিলো। তামরত্তুন্‌ বেশ্‌ বোলী অনায় তে তা ইজ্জোদ্‌তান্ বর্‌বাদ্ গুরিলো।

২ শমূয়েল 13:28

অবশালোমে তা মানুচ্চুনোরে এ উগুমান দিলো, “চঅ, আংগুরো-রস হেইনে যেক্কে অম্নোনর মনান্‌ বেশ্ হুজি ওই উদিবো সেক্কে মুই তমারে কোম, ‘অম্নোনরে মার,’ আর তুমি তারে মারে ফেলেবা। তুমি ন-দোরেয়ো। মুই দঅ তমারে সে উগুমান দুয়োঙর্‌। তুমি সাহস গরঅ আর বোলী অ।”

২ শমূয়েল 18:14

যোয়াবে কলঅ, “মুই তঅ লগে এধোক্ক্যেনগুরি সময়ান বর্‌‌বাত্ গুরি ন-পারং।” ইয়েন কোইনে তে তিনেন্‌ সুচ্যাং বাশ আঢত্‌ লোইনে অবশালোমর্ বুগোত্‌ ফুদেই দিলো। সেক্কেয়ো অবশালোমে এলোন গাজ ভিদিরে জেদা এলঅ।

২ শমূয়েল 7:12

তঅ আয়ুগান শেজ্ অনার পরেন্দি যেক্কে তুই তর্‌ পুরোণি মানুচ্চুনোর ইদু যেবে সেক্কে মুই তঅ জাগাত্‌ তঅ বংশর্‌ একজনরে, তঅ নিজো পূঅবোরে বোজেম্‌ আর তা রেজ্যগান থির্ রাগেম্।

২ শমূয়েল 7:18

এদক্কানি কধা শুনিনে রাজা দায়ূদে তাম্বুলো ভিদিরে গেলঅ আহ্ লগেপ্রভুর মুজুঙোত্‌ বোইনে কলঅ, ও প্রভু লগেপ্রভু, মুয়ই বা কন্না আহ্ মঅ বংশবোই বা কি, তুই মরে এত্তমান সং অান্যচ্‌।

১ রাজাবলী 1:5

দায়ূদোর মোক্‌ হগীতোর পূঅ আদোনিয় বাড়্‌‌বো গুরিনে কুয়ো ধুরিলো, “মুয়ই রাজা ওম্‌।” ইয়েন কোইনে তে কুদুক্কুন্‌ রথ আর ঘোড়াচালেয়্যে তোগেই নেযেল আর তা আগেন্দি পঞ্চাশজন মানুচ্‌অ নেযেল।

১ রাজাবলী 11:38

যুনি তুই মর্‌ উঘুম্‌ মজিম্ কাম্‌ গরচ্‌ আর মর্‌ পধেন্দি আদচ্‌ আর মর্‌ চাগর্‌ দায়ূদো ধোক্কেন্‌ মর্‌ সুদোম আর উগুমানি পালেইনে মঅ চোগেন্দি যিয়েনি ঠিগ সিয়েনি গরচ্‌ সালে মুই তঅ সমারে থেম্‌। মুই দায়ূদো ধোক্কেন্‌ তঅ বংশত্‌ রাজপদথ্‌ থিদেবর্ গুরি দিম্‌ আর তঅ আঢত্‌ ইস্রায়েলরে দিম্‌।

১ রাজাবলী 12:14

তে সে গাবুজ্যেগুনোর্‌ সল্লা মজিম্‌ কলঅ, “মঅ বাপ্পো তমা জুঙোলানি ঘুয়োর্‌ গোজ্যে, মুই সিয়েনি আরঅ ঘুয়োর্‌ গুরি দিম্‌। মঅ বাপ্পো চাবুক্ দিইনে তমারে মাজ্যে, মুই তমারে মারিম্বে কাঙারা-বিজেলোই।”

গীতসংহিতা 111:9

তা মানুচ্চুনোত্তে তে উদ্ধোরর্ বেবস্তা গোজ্যে; তে উগুম দিইনে উমরত্তে তার সুদোমান্ থিদেবর্ গোজ্যে। তে পবিত্র; তে দর্ আর ভোক্তি জাগায়।

গীতসংহিতা 119:81

তুই মরে রোক্ক্যে গুরিবে সিয়েন বাজ্জেই থাগদে থাগদে মর্ বলান কুমি যার্; মুই তর্ কধানিত্ আজা রাগেয়োং।

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

গীতসংহিতা 62:2

বানা তেয়ই মর্ অজল্ মুড়ো আর মর্ উদ্ধোর; তেয়ই মর্ ঘর, মুই পুরোপুরি গুরিনে উদিই ন-যেম্।

গীতসংহিতা 89:3

তুই কোইয়োচ্যে, “মর্ বেঈ লোইয়্যে মানুচ্চোত্যে মুই এক্কান্ সুদোম থিদেবর্ গোজ্যং; মর্ চাগর দায়ূদো ইদু মুই এ শমক্তান্ গোজ্যং,

যিশাইয় 11:1

যিশয়র গড়াত্তুন্ এক্কো নূয়ো চারা নিগিলিবো; তা শিঙোরর্ সেই চারাবোত্ গুলোগুলি ধুরিবাক্।

যিশাইয় 27:6

এজেত্তে দিনুনোত্ যাকোবে শিঙোর্ বোজেব, ইস্রায়েলে বোল্ ধোরেইনে ফুল ফুদেব আর গুলো গুলিলোই পুরো সংসারান্ ভোরেই দিবো।”

যিশাইয় 4:2

সেদিন্যে লগেপ্রভুর চারাগাজ্‌সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্‌বো গরেপারা আর বাঈনীগরেপারা জিনিস অবঅ।‍‍‍‍

যিশাইয় 54:10

যুনিয়ো বা মুড়োমুড়িগুন্ সুরি যান্ আর মুড়োগুন গুলি যান্, তো তত্তে মর্ অমকদ কোচ্‌পানাগান সুরি ন-যেবঅ বা মর্ সুগ্-শান্দির সুদোমান ন-লুরিবো‍‌।” তঅ উগুরে যিবের্ দোয়্যে-মেয়্যে আঘে সেই লগেপ্রভু এ কধাগান কত্তে।

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিশাইয় 61:8

লগেপ্রভু কোইয়্যেদে, “মুই ন্যায়বিচের গম্ পাং আর ডাগেত্ গরনা আর অন্যেয়ানি ঘিনাং। মর্ বিশ্বেজ্‌চান্দোই মুই তারারে বক্‌শিজ্ দিম আর তারাত্তে এক্কান উমরর্ বেবস্থা থিদেবর্ গুরিম।‍‍‌‍‍

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিরমিয় 32:40

মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্‌অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্‌অ মত্তুন্ ফিরি ন-যান।

যিরমিয় 33:21

সালে মর্ চাগর দায়ূদোত্তে আর মঅ মুজুঙোত্ থিয়্যেইনে যিগুনে সেবা-কাম গরন সেই লেবীয় ধর্মগুরুগুনোত্তে মুই যে সুদোমান থিদেবর্ গোজ্যং সিয়েন্‌অ ভাঙা যেবঅ আর দায়ূদোর সিংহাসনত্ বুজিনে রাজাগিরি গুরিবাত্তে তার কনঅ বংশধর ন-থেবাক্।

যিহিষ্কেল 37:26

মুই তারাত্তে এক্কান ভালেদির্ বেবস্থা থিদেবর্ গুরিম; সিয়েন অবঅ এক্কান্ উমরর্ বেবস্থা। মুই তারারে খেমতাবলা গুরিম আর তারারে জনেদি বাড়েই দিম আহ্ মঅ ঘরান্ মুই উমরত্তে তারা ভিদিরে থিদেবর্ গুরিম।

আমোষ 9:11

লগেপ্রভু কত্তে, “সেদিন্যে মুই দায়ূদোর পুড়ি যেইয়্যে ঘরান আরঅ তুলিম। মুই তার্ ভাঙা জাগানি তুনিম্, ভস্ত ওইয়্যে জাগানি ঠিগ্ গুরিম আর আগে যেবাবোত্যে এলঅ সেবাবোত্যে গুরি সিয়েনি বানেম্,

প্রেরিত্‌ 13:34

গোজেনে যে তারে মরণত্তুন্ জেদা গোজ্জ্যে আর তার কিয়্যেগান যে আর কনঅ দিনঅ বর্‌বাদ ন-অবঅ সিয়েন এ কধানিত্ গোজেনে কোইয়্যে, পবিত্র আর ঘেচ্চেকগুরি বর্ দেনার্ যে এগেমান্ মুই দায়ুদ ইধু গোজ্জ্যং সিয়েন মুই তরে দিম।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

ইব্রীয় 6:19

এই আজাগান আমা জিংকানিত্ নোংগর ধোক্ক্যেন ঘেচ্চেকগুরি আর থিদেবর্, আর সিয়েন দাঙর্ পবিত্র জাগানর্ পর্দাগান পিজেদি, অত্তাৎ গোজেন মুজুঙোত্ যেইনে লুমেগোই।

১ শমূয়েল 2:35

মাত্তর্‌ মুই মত্তে এক্কো বিশ্বেজি ধর্মগুরু বানেম্‌, যে মর্‌ মনান্‌ বুঝিনে মর্‌ আওজ্‌ মজিম কাম গুরিবো। মুই তার বংশবোরে থিদেবর্ গুরিম আর তে নিত্য মর্‌ অভিষেগ-গোজ্যে মানুচ্চুনোরে সেবা গুরিবো।

১ শমূয়েল 25:28

তর্‌ চাগরানীবোর্‌ অন্যেয় তুই দোয়্যে গুরিনে ক্ষেমা গুরি দে। লগেপ্রভু হামাক্কায় মর্‌ গিরোজ্‌সোর্‌ বংশবোরে থিদেবর্ গুরি দিবো, কিত্যে তে লগেপ্রভুর পক্ষ ওইনে যুদ্ধো গোজ্যে। এচ্চ্যে সং তইদু কনঅ ভান্ন্যেই দেগা ন-যায় আর ন-যেবয়ো।