২ শমূয়েল 23:14 - Chakma Bible

¹⁴ সে অক্তত্‌ দায়ূদে ধূল্যেচর-চাগালাত্ তাম্বুলো ধোক্ক্যেন এক্কান জাগাত্‌ এলঅ আর পলেষ্টীয় সৈন্যদলুন বৈৎলেহমত্‌ এলাক্।

২ শমূয়েল 23:14 ပူးပေါင်းရင်းမြစ်များ

পত্থম 35:19

রাহেলে মুরি যানার পরেদি ইফ্রাথত্‌, অত্তাৎ বৈৎলেহমত্‌ যেবার পদথ্‌ তারে গোর্ দিয়্যে অলঅ।

২ শমূয়েল 5:17

পলেষ্টীয়গুনে যেক্কে শুনিলাক্, ইস্রায়েল উগুরে দায়ূদোরে রাজপদথ্‌ অভিষেগ্ গরা ওইয়্যে সেক্কে তারা বেক্‌ সৈন্যগুন্‌ নেযেইনে তারে আক্রমণ গুরিবাত্তে তগা ধুরিলাক্। দায়ূদে সে কধাগান শুনিনে দুর্গ নাঙে মুড়োবোত্‌ গেলঅ।

১ বংশধর 12:16

ইগুন্‌ বাদেয়ো বিন্যামীন-গুট্টির অন্য মানুচ্চুনে আর যিহূদার কিজু মানুচ্‌ দায়ূদো সে তাম্বুলান ধোক্ক্যেন জাগানত্‌ তাইদু এচ্চ্যন্‌।

১ শমূয়েল 10:5

সে পরেন্দি তুই গিবিয়োৎ-হা-এলোহিম শঅরত্‌ যেবে। সিয়েনত পলেষ্টীয় সৈন্যগুনোর এক্কান তাম্বুল্ আঘে। শঅরত্‌ লুমোনার পরেন্দি এন্‌ এক ঝাক্‌ ভাববাদী সমারে তর্‌ দেগা অবঅ যিগুনে গোজেনর দিয়্যে কধা কদে কদে উবোসনার উজু জাগাত্তুন্ লামি এচ্ছোন। তারার দলর্‌ মুজুঙো মানুচ্চুনে বীণা, জুড়ি আর বাঁশি আর হার্‌মোনি বাজাদে বাজাদে আদিবাক্‌।

১ শমূয়েল 13:23

পলেষ্টীয়গুনোর তাম্বুলোর্ সৈন্যগুনে নিগিলিনে মিক্‌মসর গিরিপদথ্‌ যেইনে রলাক।

১ শমূয়েল 13:4

সেক্কে বেক্‌ ইস্রায়েলীয়গুনে শুনিলাক্, শৌল পলেষ্টীয়গুনোর সৈন্য-তাম্বুলানি আক্রমণ গোজ্যে আর পলেষ্টীয়গুনে ইস্রায়েলীয়গুনোরে ইংসের্‌ চোগেন্দি দেখ্যন্‌। সেক্কে ইস্রায়েলীয়গুনোরে ডাগা অলঅ যেনে তারা গিল্‌গলত যেইনে শৌল সমারে মিজেন্‌।

১ শমূয়েল 14:6

যোনাথনে তার বন্দুক বোইয়্যে গাবুজ্যেবোরে কলদে, “আদঅ, আমি উই পারত্‌ সেই চুনুগুলোবো তনা ন-গোজ্যে মানুচ্চুনোর তাম্বুলোত্‌ যেই। অয়ত লগেপ্রভু আমাত্তে কিজু গুরিবো, কিত্যে তে তার নিজোর মনে মন্‌‌জক্কাগুরি কম মানুচ্চোই ওক্‌ বা বেশ্‌ মানুচ্চোই ওক্‌ জিদি যেই পারে।”

১ শমূয়েল 22:1

দায়ূদে গাৎত্তুন ধেই যেইনে অদুল্লমর্‌ ইদু এক্কো গাদত্‌ যেইনে আশ্রয় নেযেল। সে কধাগান শুনিনে তার ভেইয়ুনে আর তা বাবর্‌ বংশর মানুচ্চুনে তা ইদু গেলাক্।

১ শমূয়েল 24:22

দায়ূদে শৌলর ইদু সেই শমক্তান্‌ গুরিলো। ইয়েনর পরেন্দি শৌল ঘরত্‌ ফিরি গেলঅ, আর দায়ূদে তার মানুচ্‌জন নেযেইনে তার সেই লুগি থেই পারেদে জাগানত্‌ উদি গেলগোই।