২ শমূয়েল 22:43 - Chakma Bible

⁴³ পিত্তিমীর্ ধূল্যে ধোক্ক্যেন্ তারারে গুড়ি গোজ্যং; পধর্ মাদি-ফুদো ধোক্ক্যেন্‌ টেঙগোই মাড়িনে মুই তারারে নিগুজ্ গোজ্যং।

২ শমূয়েল 22:43 ပူးပေါင်းရင်းမြစ်များ

২ শমূয়েল 7:9

তুই যেদক্কানি জাগাত্‌ যেইয়োচ্‌ মুইয়ো সিদু তঅ লগে যেইয়োং আর তঅ মুজুঙোত্তুন্‌ তর্‌ বেক্‌ শত্রুগুনোরে শেজ্‌ গুরি দুয়োং। মুই তঅ নাঙান্‌ পিত্তিমীর্ নাঙ্‌গিন্যে মানুচ্চুনোর নাঙানি ধোক্ক্যেন্‌ নাঙ্ তাই পাড়া গুরিম্।

২ রাজাবলী 13:7

পঞ্চাশজন ঘোড়া সৈন্য, দশছান্‌ রথ আর দশ আজার আত্যের্‌বলা সৈন্য বাদে যিহোয়াহসর সৈন্যদলত্‌ আর কনজনে ন-এলাক্‌, কিত্তে অরামর রাজা বাদবাগি বেক্কুনোরে ভস্ত গুরি দিলো। তে তারারে মাদি ধোক্ক্যেন টেঙোই উজ্যে।

গীতসংহিতা 18:42

বোইয়্যেরে উড়ে নেযেয়্যে ধূল্যা ধোক্ক্যেন্ মুই তারারে নিগুজ্ গোজ্যং, পদ পেক্কো-মাদি ধোক্ক্যেন্ তারারে ফেলেই দুয়োং।

গীতসংহিতা 35:5

তারা বোইয়্যের মুয়োত্ তুজো ধোক্ক্যেন্ উড়ি যাদোক্; অয়, লগেপ্রভুর দূত্‌তো তারারে ধাবেই দুয়োক্।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 26:15

ও লগেপ্রভু, তুই এ জাদ্‌তোরে দাঙর্ গোজ্যস্; এ জাদ্‌তোরে দাঙর্ গুরিনে তুই বাঈনী পেইয়োচ্; তুই দেজর্ বেক দুযিগান্ বাবেই দুয়োচ্।

যিশাইয় 41:2

“কন্না পূগেন্দিত্তুন্ এবাত্তে একজনরে উত্তেজিত গোজ্যে? ন্যায়বলা গোজেনে তা কামত্তে তারে ডাক্যে। তে সেই মানুচ্চোর্ আঢত্ জাদ্‌তুনোরে তুলি দিবো আর তা মুজুঙোত্ রাজাগুনোরে লোঙেব। তা তলোয়ারান্দোই তে তারারে ধূল্যে ধোক্ক্যেন্ গুরিবো আর তা ধনুগান্ মুজুঙোত্ বোইয়্যেরে লাড়াইদ্যে ধোক্ক্যেন্ তারারে উড়েই দিবো।‌

যিশাইয় 41:25

“পূগেদি এক্কো মান্‌জ্যে মঅ নাঙান্ ফগদাং গুরিবো; তারে মুই উত্তোরেদিত্তুন্ এবাত্তে উত্তেজিত গোজ্যং, আর তে এচ্চ্যে। যেবাবোত্যেগুরি চিবিদি আর পানি মিজে অয় আর কুমোরুনে মাদি মলন্ সেধোক্ক্যেন গুরি তে শাজন্‌ গুরিয়্যেগুনোর টেঙোই দুলিবো।

দানিয়েল 2:35

সেক্কে লুয়ো, মাদি, পিদোল আর রূবো আহ্ সোনা কট্টা কট্টা ওইনে ভাঙি পড়িলো আর হরান্যেত্ খামারত্ পড়ি থেইয়্যে তূষো ধোক্ক্যেন ওই গেলঅ। বোইয়্যেরানে সিয়েন এমন গুরি উড়েই নেযেল, সিয়েনর আর কনঅ চিহ্নো ন-থেলঅ। মাত্তর্ যে পাত্তর্‌বো মূত্তিবোরে আঘাত্ গোজ্যে সিবে এক্কো দাঙর্ মুড়ো ওই যেইনে বেক পিত্‌‌‌থিমীগান গজক্ গুরি ফেলেল।

মীখা 7:10

সেক্কে আমা শত্রুগুনে সিয়েন দেগিনে অমকদ লাজেবাক্। তারা দঅ আমারে কদাক্, “তমার্ গোজেন লগেপ্রভু কুধু?” মাত্তর্ আমা চোগ্‌‌‌কুনে তারারে পত্তে দেগিবাক্; এন্ কি, পধ কাদা ধোক্ক্যেন তারারে টেঙোই মাড়া অবঅ।‌

সখরিয় 10:5

সেক্কে যিহূদার মানুচ্চুনে এমন বোলী মান্‌‌‌জ্য ধোক্ক্যেন অবাক্ যিগুনে যুদ্ধোত্ গাড়া-যেয়্যে পধত্ শত্রুগুনোরে টেঙোই মাড়ন। মুই তারা সমারে টেইম্ বিলিনে তারা যুদ্ধো গুরিনে ঘোড়া চালেয়্যেগুনোরে ওদেই দিবাক্।

সখরিয় 2:6

লগেপ্রভু কত্তে, “শুনো, শুনো। মুই দঅ চেরোকিত্তে তমারে ছিদি দুয়োং, মাত্তর্ ইক্কিনে তুমি উত্তোরে দেজত্তুন্ ধেই এজঅ।

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

দ্বি’লম্বর বিররণ 32:26

মুই কোইয়োং, মুই তারারে কট্টা কট্টা গুরি ফেলেম, তারার কধানি মান্‌জ্যর মনত্তুন পুঝি ফেলেম্‌।