২ শমূয়েল 22:29 - Chakma Bible

²⁹ ও লগেপ্রভু, তুয়ই মঅ চেরাগ; তুয়ই মর্‌ আন্ধারানরে পহর্‌ গুরি থাচ্‌।

২ শমূয়েল 22:29 ပူးပေါင်းရင်းမြစ်များ

২ শমূয়েল 21:17

মাত্তর্‌ সরূয়ার পূঅ অবীশয় দায়ূদোরে রোক্ষ্যে গুরিলো। তে সে পলেষ্টীয়বোরে আঘাত্‌ গুরিনে মারে ফেলেল। সেক্কে দায়ূদো মানুচ্চুনে শমক্‌ গুরিনে দায়ূদোরে কলাক্, “তুই আর্ কনদিনঅ আমা লগে যুদ্ধোত্‌ ন-যেবে, ইস্রায়েলর চেরাক্কো মারেই ন-দিচ্‌।”

১ রাজাবলী 11:36

মর্‌ থেবারঘর্‌ ইজেবে বেঈ লোইয়্যে যিরূশালেম শঅরত্‌ যেইনে মর্‌ মুজুঙোত্‌ মঅ চাগর্‌ দায়ূদোর ইক্কো বংশ থায় সেনত্তে মুই তা পূঅবোরে ইক্কো গুট্টির্‌ ভারান্‌ দিম্‌।

ইয়োব 29:3

মঅ মাধাবো উগুরে সেক্কেনে তা বাত্তিবো জুলিদো, আর তা পহ্‌‌‌‌রে মুই আন্ধারত্ আদাউদো গুরিদুঙ্।

গীতসংহিতা 112:4

যে মনেদি দোল্ তাত্তে আন্ধারত্‌অ পহর্ দেগে, কিত্তে তে দোয়্যে-মেয়্যেলোই ভরা আর গম।

গীতসংহিতা 18:28

তুই মর্ জিংকানি-চেরাগ্‌কো জ্বালেই রাগা; মর্ গোজেন লগেপ্রভু মর্ আন্ধারানরে পহ্‌র্ গর্।

গীতসংহিতা 27:1

লগেপ্রভুই মর্ পহ্‌র্ আর মর্ উদ্ধোর গুরিয়্যে, মুই কারে দোরেম্? লগেপ্রভু মরে রোক্ষ্যে গুরিবো বেক্ দযানিত্তুন, মুই কনমতে ন দোরেম্।

গীতসংহিতা 4:6

ভালোক্জনে কন্, “কন্না আমারে ভালেদি গুরি পারে?” ও লগেপ্রভু, তর্ দোয়্যের্ চোগেদি রিনি চানাগান পহ্‌র ধোক্ক্যেন্ গুরি আমা উগুরে পোড়োক্।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

গীতসংহিতা 97:11

গোজেন ভক্তগুনোর্ জিংকানিত পহর্ দিয়্যে অয়, আর যিগুনোর মনানি দোল্ তারার জিংকানিত্ হুজি দিয়্যে অয়।

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

মীখা 7:9

ইক্কিনে আমি লগেপ্রভুর রাগ্‌কান বুওর্, কিত্যেই আমি তা বিরুদ্ধে পাপ গোজ্যেই, মাত্তর্ যেরেদি তে আমা তপ্পে কধা কোইনে আমা অধিকারানি থিদেবর্ গুরিবো। তে আমারে পহ্‌রত্ নিগিলেই আনিবো আর আমি তার্ ন্যায়বিচের্ দেগিবোং।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

যোহন 12:46

মুই এ জগদত্ পহ্‌র ইজেবে এচ্চ্যং যেন মঅ উগুরে যে বিশ্বেজ্ গরে তে আন্ধারত্ ন-থায়।

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

ফগদাং পেইয়্যে 21:23

সেই শঅরানরে পহ্‌র দিবাত্যে বেলান্ বা চানানর্ কনঅ দরকার নেই, কিয়া গোজেনর্ মহিমাই সিয়েনত্ পহ্‌র দে আর ভেড়া-ছবো সিয়েনত্ চেরাগ;