২ শমূয়েল 22:28 - Chakma Bible

²⁸ তুই দুখীগুনোরে রোক্ষ্যে গুরি থাচ্‌, আর বার্বোগুনোরে তলেন্দি লামেবাত্তে তঅ চোক্কুন্‌ তারার্‌ ইন্দি আঘে।

২ শমূয়েল 22:28 ပူးပေါင်းရင်းမြစ်များ

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গীতসংহিতা 131:1

ও লগেপ্রভু, মঅ মনান্ বাড়্‌বো নয়, মঅ চোগ্‌কুনোত্ বাড়্‌বোর্ ভাব নেই; যিয়েনি দাঙর্ আর আগাত্যে কাম মর্ গরানা সম্ভব নয় সিয়েনিলোই মুই মাধা ন-ঘামাং।

গীতসংহিতা 138:6

যুনিয়ো লগেপ্রভু বেক্কানি উগুরে আঘে তো তে তলে পোজ্যে মানুচ্চুনো ইন্দি খিয়েল্ রাগায়, মাত্তর্ বাড়্‌বো গুরিয়্যেগুনোরে তে দূরোত্তুন্ হবর্ পায়।

গীতসংহিতা 140:12

মুই হবর্ পাং লগেপ্রভু দুঘিমানুচ্চুনোর্ তপ্পে রায় দিবো আর নাঢা মানুচ্চুনোত্তে দোল্ বিচের গুরিবো।

যাত্রা 10:3

মোশি আর হারোণে সেক্কে ফরৌণ ইধু যেইনে কলাক্, “ইব্রীয়গুনোর্‌ গোজেন লগেপ্রভু কত্তে, ‘আর কয়দিন্‌ তুই মঅ মুজুঙোত্‌ মাঢাবো লোঙেবাত্তে অস্বীগের্‌ গুরিবে? মরে তবনা গুরিবাত্যে মঅ মানুচ্চুনোরে যেবাত্তে দে।

যাত্রা 18:11

সেনত্তে মুই ইক্কিনে বুঝি পারঙত্তে, বেক্‌ দেবেদাগুনোত্তুন্‌ লগেপ্রভুই‌ দাঙর্‌, কিত্তে দেবেদাগুনে যেদক্কানি পৌইদ্যেনে ইস্রায়েলীয়গুনো বিরুদ্ধে বার্‌বো গুরিদাক্‌ সেদক্কানি পৌইদ্যেনে লগেপ্রভুই দাঙর্‌।”

গম্ উপদেজ্ 21:4

পাজিগুনোর চোগো ইজিরে বাড়্‌বো আর মনানি অহংকারে ভরা; তারার জিংকানি-চেরাগ্‌কো পাপে ভরা।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

যিশাইয় 37:23

তুই কারে অসর্মান্ গোজ্যস্? কা বিরুদ্ধে তুই অগমানর্ কধা কোইয়োচ্? তুই কা বিরুদ্ধে রঅ চাজ্যস্ আর বাড়্‌বো গুরিনে চোগেদি রিনি চেইয়োচ্? ইস্রায়েলর সেই পবিত্র মানুচ্চোর্ বিরুদ্ধে তুই ইয়েনি গোজ্যস্।

যিশাইয় 5:15

অজল্-নিযো বেক্কুনোরে লোঙেই দিয়্যে অবঅ, আর বাড়্‌বো গুরিয়্যেগুনোর্ চোগ্‌কুন তলে লামেই দিয়্যে অবঅ।‌

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

মথি লেখ্যে গম্ হবর্ 5:3

মনানদি যিগুনে নিজোরে নাঢা বিলি মনে গরন্ তারা বর্‍‍‍পেইয়্যে, কিয়া স্বর্গ-রেজ্যগান তারার্।

লূকে লেখ্যে গম্ হবর্ 14:11

যে নিজরে অজল্ গরে তারে তলে ফেলা অবঅ, আর যে নিজরে তলে গরে তারে অজলত্ তুলো অবঅ।”