২ শমূয়েল 21:17 - Chakma Bible

¹⁷ মাত্তর্‌ সরূয়ার পূঅ অবীশয় দায়ূদোরে রোক্ষ্যে গুরিলো। তে সে পলেষ্টীয়বোরে আঘাত্‌ গুরিনে মারে ফেলেল। সেক্কে দায়ূদো মানুচ্চুনে শমক্‌ গুরিনে দায়ূদোরে কলাক্, “তুই আর্ কনদিনঅ আমা লগে যুদ্ধোত্‌ ন-যেবে, ইস্রায়েলর চেরাক্কো মারেই ন-দিচ্‌।”

২ শমূয়েল 21:17 ပူးပေါင်းရင်းမြစ်များ

২ শমূয়েল 14:7

ইক্কিনে মঅ নেক্কো বংশত্‌ বেক্কুনে তর্ এ চাগরানীবোর্‌ বিরুদ্ধে উঠ্যন্ আর কদন্, ‘ভেইবোরে যে মারে ফেলেয়্যে তারে আমা আঢত্‌ তুলি দুয়ো। তা ভেইবোর্‌ পরাণান বদলে আমি তা পরাণান নিবোং। সালে সোম্বোত্তির গিরোজ্ বিলিনে আর কনজন ন-থেবাক্।’ তারা মর্‌ এক্কো গুরি ধোক্ ধোক্যা আঙারারে মারে ফেলেবাত্তে চাদন্‌। সালে পিত্তিমীত মঅ নেক্কো নাঙান্‌অ ন-থেবঅ আর তা বংশবোয়ো ন-থেবঅ।”

২ শমূয়েল 18:2

দায়ূদে তা সৈন্যদলুনোরে তিন ভাগ গুরিনে এধোক্ক্যেন গুরি পাধেই দিলো- যোয়াবর অধীনোত্‌ একভাগ, যোয়াবর ভেই, অত্তাৎ সরূয়ার পূঅ অবীশয়র অধীনোত্‌ একভাগ আহ্ গাতীয় ইত্তয়র অধীনোত্‌ একভাগ। রাজা সৈন্যগুনোরে কলঅ, “মুইয়ো হামাক্কায় তমা লগে যেম্‌।”

২ শমূয়েল 18:3

মাত্তর্‌ মানুচ্চুনে কলাক্, “তুই ন-যেবে। যুনি আমাত্তুন্‌ ধেই যাহ্ পড়ে সালে তারার কিচ্ছু ন-অবঅ। যুনি আমাত্তুন্‌ অদ্দেক মানুচঅ মুরি যান্‌ সেক্কেয়ো তারার কিচ্ছু ন-অবঅ, মাত্তর্‌ তুই দঅ আমা দশ আজারর সমান। তুই ইক্কিনে শঅরত্তুন্‌ আমারে বল্‌ দিলে গম অবঅ।”

২ শমূয়েল 22:19

দযার্‌ দিনোত্‌ তারা মঅ উগুরে ঝাবেই পড়িলাক্, মাত্তর্‌ লগেপ্রভু মরে ধুরি রাগেল।

২ শমূয়েল 22:29

ও লগেপ্রভু, তুয়ই মঅ চেরাগ; তুয়ই মর্‌ আন্ধারানরে পহর্‌ গুরি থাচ্‌।

১ রাজাবলী 11:36

মর্‌ থেবারঘর্‌ ইজেবে বেঈ লোইয়্যে যিরূশালেম শঅরত্‌ যেইনে মর্‌ মুজুঙোত্‌ মঅ চাগর্‌ দায়ূদোর ইক্কো বংশ থায় সেনত্তে মুই তা পূঅবোরে ইক্কো গুট্টির্‌ ভারান্‌ দিম্‌।

১ রাজাবলী 15:4

তো দায়ূদো কধানি মনত্‌ ন-পড়িনে তা গোজেন্‌ লগেপ্রভু তারে যিরূশালেমত্‌ ইক্কো মানেক্‌ দিলো, অত্তাৎ তার সিংহাসনত্‌ বুজিবাত্তে তারে ইক্কো পূঅ দিলো আর যিরূশালেমানরে ভস্ত অনার্ আঢত্তুন্‌ রোক্ষ্যে গুরিলো,

গীতসংহিতা 132:17

মুই সিদু দায়ূদোত্তে এক্কো খেমতাবলা বংশ তুলি দিম; মর্ অভিষেগ্ গোজ্যে মানুচ্চুনোত্তে মুই এক্কো চেরাগ্ জ্বালেবার সুদোম্ গোজ্যং।

গীতসংহিতা 144:10

তুই দঅ রাজাগুনোরে জিদেই দি থাচ্; তঅ চাগর দায়ূদোরে ফাড়া দজা তলোয়ার আঢত্তুন্ রোক্ক্যে গুরি থাচ্।

গীতসংহিতা 46:1

গোজেনে আমার আশ্রয়র জাগা আর বল্; দযাত্ এযাল্ দিবাত্তে তে যুক্কোল থায়।

যিরমিয় 40:15

সেক্কে কারেহর পুয়ো যোহানন মিসপাত গদলিয়রে ভিদিরে ভিদিরে কলঅ, “তুই উগুম দিলে মুই যেইনে নথনিয়র পুয়ো ইশ্মায়েলরে মারে ফেলেম, কনজনে হবর্ ন-পেবাক্। তে কিত্তে তরে মারে ফেলেব? সেক্কে দঅ যিদুক্কুন যিহূদী তঅ চেরোকিত্তে এগত্তর্ ওইয়োন তারা ছিদি পড়িবাক্ আর যিহূদার বাদবাগি মানুচ্চুনে ভস্ত অবাক্।”

যোহন 5:35

যোহনে এলদে সেই জোল্-জোল্যে চেরাক্কো যিবে জ্বলিনে পহ্‌র দের্; তুমি খানক্‌কনত্যে তার্ সেই পহ্‌রত্ হুজী গুরিবাত্তে রাজী ওইয়ো।