২ শমূয়েল 21:10 - Chakma Bible

¹⁰ অয়ার ঝি রিস্পা বস্তা নেযেইনে এক্কো পাত্তর উগুরে নিজোত্তে বিজেই রাগেল। পত্তম ফসল কাবানার অক্তত্তুন্‌ ধুরি আরাম্ভ গুরিনে যেদকদিন সং সে কিয়্যেগানি উগুরে আগাজত্তুন্‌ ঝড় ন-পড়িলো সেদকদিন সং তে দিনোত্ পেক্কুনোরে আর রেদোত্‌ ঝাড়্‌বো য়েমানুনোরে সেই মরাকিয়্যেগানি রোক্ষ্যে গুরিলো।

২ শমূয়েল 21:10 ပူးပေါင်းရင်းမြစ်များ

পত্থম 40:19

এই তিন দিনো ভিদিরে ফরৌণে তঅ মাদাবো কাবি নেযেইনে কিয়্যেগান্‌ গাজত্‌ টাঙেই রাগেব, আর পেক্কুনে এইনে তঅ কিয়্যেগানত্তুন্‌ যেরা খুদি খুদি হেবাক্।”

২ শমূয়েল 21:11

শৌলর দ্বিতীয় ঘর মোগ্ অয়ার ঝি রিস্পা যিয়েনি গোজ্যে সিয়েনি দায়ূদোরে কুয়া অলঅ।

২ শমূয়েল 3:7

রিস্‌পা নাঙে শৌলর এক্কো দ্বিতীয় ঘর মোক্ এলঅ। তে অলদে অয়ার ঝি। একদিন্যে ঈশ্‌বোশৎ অব্‌নেররে কলঅ, “তুই মঅ বাপ্‌পোর্‌ দ্বিতীয় ঘর মোক্কোর্ লগে কিত্তে ঘুম যেইয়োচ্‌?”

১ রাজাবলী 21:27

আহাবে লগেপ্রভুর কধা শুনিনে নিজো কাবড়ান্‌ ফাদি ফেলেইনে বস্তা ফাদা উরিলো আর উবোস্‌ থেলঅ। তে বস্তা ফাদা উরিনে ঘুম্‌ যেদঅ আর নম্রগুরিনে আঢাউদো গুরিদো।

যিরমিয় 14:22

জাদ্‌তুনোর বাজে মূত্তিগুনে কি ঝড় আনি পারন? আগাজ্‌চানে নিজে নিজে কি এক লেজা ঝড় দি পারে? ও আমার গোজেন লগেপ্রভু, বানা তুয়ই সিয়েন পারচ্। সেনত্তে তঅ উগুরে আমি আজা রাগেই, কিত্তে তুয়ই ইয়েনি গুরি থাচ্।‍‍‍‍‍‌‍‍‍‍‍‌

যিহিষ্কেল 39:4

ইস্রায়েলর মুড়োমুড়ি উগুরে তুই, তর্ বেক সৈন্যগুন আর তঅ লগে জাদ্‌‌‌তুনে পড়ি থেবাক্। মুই তরে শকুন আর ঝার য়েমানুনোরে হানা ইজেবে দিম্।

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

যোয়েল 1:18

কিবাবোত্যেগুরি গোরু-ভেড়াগুনে ফবাদন্! গোরু পালুনে ঘুরি বেড়াদন্, কিত্যেই তারার্ চরিনে হেবার জাগা নেই; ভেড়া পালুনেয়ো দুঘ্ পাদন্।

যোয়েল 2:23

ও সিয়োনর্ মানুচ্চুন, হুজি অ, তমা গোজেন লগেপ্রভুরে নিইনে ফুত্তি গরঅ, কিত্যে তার্ সততার্ কারনে তে তমারে শরৎকালর্ ঝড় দিয়্যে। তে তমারে বোউত্ ঝড় পাধেই দের্, আগ ধোক্ক্যেন শরৎ আর বসন্তকালর্ ঝড় দের্।

সখরিয় 10:1

বসন্তকালত্ ঝড় দিবাত্তে তুমি লগেপ্রভুরে কঅ; তেয়ই ঝড়র্ মেঘ বানায়। তে মানুচ্চুনোরে ঝড় দান গরে আর বেক্কুনো খেদত্ ফসল জর্মায়।

দ্বি’লম্বর বিররণ 11:14

সিয়েন গুরিলে লগেপ্রভু ঠিগ্ সময়োত্‌, অত্তাৎ শরৎ আর বসন্তকালত্‌ তমার দেজ উগুরে ঝড়্ দিবো যেনে তুমি ভালোক্কুন শোজ্য, নুয়ো আংগুরো-রস আর তেল পেবা।

দ্বি’লম্বর বিররণ 21:13

আর বোন্দি অবার্‌ অত্তত্‌ তার্‌ কিয়্যেত যেদক্কানি কাবড়-চুগোর এল সিয়েনি খুলি ফেলেব। ইয়েনর্ পরেন্দি তা ঘরত্‌ থেইনে সে মিলেবো পুরো এক মাস তা মা-বাবত্তে আবিলেচ্‌ গুরিবো। পরেন্দি সে মানুচ্চো তারে মোক্‌ লোইনে তার নেক্‌ অবঅ আর মিলেবোয়ো তার্‌ মোক্‌ অবঅ।

দ্বি’লম্বর বিররণ 21:22

যুনি কনঅ মানুচ্‌ মরণর সাজা পাইদ্যে ধোক্ক্যেন কনঅ দুজ্‌ গরে আর তারে মারে ফেলেইনে গাজত্‌ টাঙেনে রাগা অয়,

দ্বি’লম্বর বিররণ 21:23

মাত্তর্‌ বেন্যেমাদান্ সং তার্‌ কিয়্যেগান গাজত্‌ টাঙেই রাগে ন-পারিবো। সেদিন্যে তারে গোর্ দিয়্যে পুরিবো, কিত্যে গাজত্‌ টাঙেই রাগাইদে মানুচ্চো গোজেনর অভিশাব পেইয়্যে। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ সিয়েন তুমি অসিজি ন-গুরিবা।

১ শমূয়েল 17:44

তে দায়ূদরে আরঅ কলঅ, “উজেই আয়; মুই তর্‌ কিয়্যের্‌ য়েরাগান আগাজর্‌ পেক্কুনোরে আর ঝারর্‌ য়েমানুনোরে হেবাত্তে দিম্‌।”

১ শমূয়েল 17:46

লগেপ্রভু এচ্চ্যে দিনোত্‌ তরে মর্‌ আঢত্‌ তুলি দিবো। মুই তরে আঘাত গুরিম আর তর্‌ মাঢাবো কাবি নেযেম্‌। এচ্চ্যেই মুই পলেষ্টীয় সৈন্যগুনোর মরাকিয়্যেনি আগাজর পেক্কুনোরে আর পিত্‌থিমীর য়েমানুনোরে হেবাত্তে দিম। সিয়েনি দেগিনে পিত্‌থিমীর বেক্কুনে জানি পারিবাক্, ইস্রায়েলীয়গুনোর পক্ষে গোজেন বিলিনে একজন আঘে।