২ শমূয়েল 20:21 - Chakma Bible

²¹ বেপারান সেবাবোত্যে নয়। ইফ্রয়িমর মুড়োমুড়ি চাগালার বিখ্রির পূঅ শেবঃ নাঙে এক্কো মান্‌জ্যে রাজা দায়ূদো বিরুদ্ধে আত্‌ তুল্যে। সে মানুচ্চোরে বানা মঅ আঢত্‌ তুলি দে, সেক্কে মুই এ শঅরানত্তুন্‌ যেম্‌বোই।” মিলেবো যোয়াবরে কলঅ, “দেবাল উগুরেন্দি তা মাধাবো তইদু ফেলে দিয়্যে অবঅ।”

২ শমূয়েল 20:21 ပူးပေါင်းရင်းမြစ်များ

২ শমূয়েল 20:1

বিন্যামীন-গুট্টির বিখ্রির পূঅ শেবঃ নাঙে এক্কো পাজি মানুচ্‌ সেক্কে সিদু এলঅ। তে শিংগা বাজেইনে কলঅ, “দায়ূদো উগুরে আমার কনঅ দাবি নেই, যিশয়র পূঅবো উগুরে কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ।”

২ শমূয়েল 20:2

সেক্কে ইস্রায়েলর বেক্‌ মানুচ্চুনে দায়ূদোরে ছাড়িনে বিখ্রির পূঅ শেবের পিজেন্দি গেলাক্। মাত্তর্‌ যর্দনত্তুন্‌ যিরূশালেম সং বেক্‌ পথ্‌‌তান যিহূদার মানুচ্চুনে রাজার লগে লগে গেলাক্।

২ শমূয়েল 20:20

জোবত্‌ যোয়াবে কলঅ, “গিলেনা বা ভস্ত গুরিবার কামান্‌ মত্তুন্‌ দূরোত্‌ থোক্‌, দূরোত্‌ থোক্‌।

২ শমূয়েল 23:18

সরূয়ার পূঅ যোয়াব ভেই অবীশয় অলদে সে তিনজন উগুরে অাজল্লো। তে সেল্‌ মারিনে তিনশঅ মান্‌জ্যরে মারে ফেলেয়্যে আর তেয়ো সে তিনজন ধোক্ক্যেন্ নাঙ্-গোজ্যে ওই উদিলো।

১ রাজাবলী 11:26

নবাটর পূঅ যারবিয়ামেয়ো রাজা শলোমনর্ বিরুদ্ধে উল্লোমি গুরিলো। তে এলদে শলোমনর্ ইক্কো কামগুরিয়্যে, সরেদা আদামর্‌ ইক্কো ইফ্রয়িমীয় মানুচ্‌। তা মাবোর্‌ নাঙান্‌ এলদে সরূয়া; তে রানিমিলে এলঅ।

২ রাজাবলী 10:7

যেহূর চিদিগান্‌ লুমোনার পরেন্দি সে মানুচ্চুনে সে সত্তুরজনরে ধুরিনে মারে ফেলেলাক্‌। সে পরেন্দি লেইয়োত্‌ ভোরেইনে মাধাগুন্‌ যিষ্রিয়েলত্‌ যেহূর ইদু পাধেই দিলাক্‌।

২ রাজাবলী 5:22

জোবত্‌ গেহসি কলঅ, “বেক্কানি ঠিগ্‌ আঘে। মাত্তর্‌ মঅ গিরোজ্‌সো তরে এ কধাগান কবাত্তে মরে পাদেয়্যে, ইফ্রয়িমর মুড়ো-মুড়ি চাগালাত্তুন্‌ শিচ্চ্য-ভাববাদীগুনোর্‌ দ্বিজন গাবুজ্যে ইক্কিনে তাইদু এচ্ছোন্‌। সেনত্তেই তুই যেনে দোয়্যে গুরিনে তারাত্তে ঊনচোল্লিশ কেজি রূবো আর দ্বিতান কাবড় দুয়োচ্‌।”

যিরমিয় 4:15

দান শঅরত্তুন্ আর ইফ্রয়িমর মুড়োগুনোত্তুন দযার্ কধানি ফগদাং গরা অর্।

যিরমিয় 50:19

মাত্তর্ ইস্রায়েলরে মুই তার নিজো চোড়েয়্যে ভূইয়োত্ ফিরেই আনিম আর তে কর্মিল আহ্ বাশন উগুরে চরি বেড়েব; ইফ্রয়িম আর গিলিয়দর মুড়োমুড়িগুনোত্ তার পরানান্ জুড়েব।

যিহোশূয় 24:33

পরেদি হারোণর পূঅ ইলিয়াসরে মুরি গেলে তারে গিবিয়াতত্‌ গোর্ দিয়্যে অলঅ। ইফ্রয়িমর মুড়ো-মুড়ি চাগালাত্‌ এ জাগায়ান তার্‌ পূঅ পীনহসরে দিয়্যে ওইয়্যে।

বিচের গুরিয়্যেগুন 2:9

মানুচ্চুনে তারে তার্‌ নিজোর্‌ সোম্বোত্তি ভিদিরে তিম্নৎ-হেরস নাঙে এক্কান জাগাত্‌ গারেয়োন্‌। জাগায়ান অলদে ইফ্রয়িম-গুট্টির মুড়ো-মুড়ি চাগালার্‌ গাশ মুড়োবোর উত্তোরেন্দি।

বিচের গুরিয়্যেগুন 7:24

সে পরেন্দি গিদিয়োনে ইফ্রয়িমর মুড়ো-মুড়ি চাগালাত্‌ বেক জাগায়ানিত মানুচ্ পাদেইনে কলঅ, “তুমি মিদিয়নীয়গুনোর বিরুদ্ধে লামি এজঅ আর তারা লুমিবার আগেন্দি বৈৎ-বারা সং বেক চিগোন গাঙানিত্‌ আর যর্দন গাঙানিত্‌ আদিনে পার্‌ অবার্‌ জাগায়ানি গজক্‌ গুরি নেযঅ।” সেক্কে ইফ্রয়িমর বেক মানুচ্চুনে এগত্তর্‌ ওইনে বৈৎ-বারা সং বেক চিগোন গাঙানি আর যর্দন গাঙান আদিনে পার অবার জাগায়ানি গজক্‌ গুরি নেযেলাক্‌।

বিচের গুরিয়্যেগুন 9:55

অবীমেলকে মুরি যেইয়্যে দেগিনে ইস্রায়েলীয়গুনে ঘরত্‌ ফিরি গেলাক্‌।

১ শমূয়েল 24:6

তে তার মানুচ্চুনোরে কলঅ, “মর্‌ গিরোচ্ছো বিরুদ্ধে, লগেপ্রভুর অভিষেগ্ গোজ্যে মানুচ্চুনোর বিরুদ্ধে আঢ্ তুলোদে লগেপ্রভু কনদিন্‌অ মরে অনুমতি ন-দিবো, কিত্যে তে দঅ লগেপ্রভুর অভিষেগ্ গোজ্যে মানুচ্‌।”

১ শমূয়েল 26:9

দায়ূদে তারে কলঅ, “না, তারে মারে ন-ফেলেয়ো। লগেপ্রভুর অভিষেগ্ গোজ্যে মান্‌জ্য উগুরে আঢ তুলিনে কন্না নিদ্দুষী তেই পাজ্যে?