২ শমূয়েল 2:12 - Chakma Bible

¹² একদিন্যে নেরের পূঅ অব্‌নের শৌলর পূঅ ঈশ্‌বোশতর মানুচ্চুনোরে লোইনে মহনয়িমত্তুন্‌ গিবিয়োনত্‌ গেলঅ।

২ শমূয়েল 2:12 ပူးပေါင်းရင်းမြစ်များ

পত্থম 32:2

তারারে দেগিনে তে কলঅ, “ইয়েন্‌ গোজেনর্ ঘর্।” ইয়েনত্তে তে সেই জাগায়ান নাঙান রাগেল মহনয়িম (যিয়েনর্ ভেদ্‌তান্ “দ্বিয়েন ঘর”)।

২ শমূয়েল 17:14

অবশালোম আর ইস্রায়েলর বেক্‌ মানুচ্চুনে কলাক্, “অহীথোফলর সল্লাগানিত্তুন্‌ অর্কীয় হূশয়র সল্লাগানি গম্‌।” আজলে অবশালোমর্‌ উগুরে ভস্তগান্ অানিবাত্তে লগেপ্রভু অহীথোফলর গম্‌ সল্লাগানরে বিফল গুরি দিবো বিলিনে ঠিগ্ গুরি রাগেয়্যে।

২ শমূয়েল 2:8

এ সময়ান ভিদিরে শৌল সৈন্যদলর সেনাপতি নেরের পূঅ অব্‌নের শৌল পূঅ ঈশ্‌বোশতরে যর্দন গাঙর্‌ উইকুলে মহনয়িমত্‌ নেযেয়োন।

যিহোশূয় 10:12

যেদিন্যে লগেপ্রভু ইস্রায়েলীয়গুনো আঢত্‌ ইমোরীয়গুনোরে তুলি দিলো সেদিন্যে ইস্রায়েলীয়গুনোর মুজুঙোত্‌ যিহোশূয় লগেপ্রভুরে কলঅ‌, “ও বেলান্‌, গিবিয়োন উগুরে তুই সোজা ওইনে থিয়্যে, ও চানান্‌, অয়ালোন কিজিঙোত্‌ তুই যেইনে থিয়্যে।”

যিহোশূয় 10:2

ইয়েন্দোই তে আর তা মানুচ্চুনে অমকদ দোরেলাক্‌, কিত্যে গিবিয়োনান্‌ এলদে রাজধানী ধোক্ক্যেন্‌ এক্কান দাঙর্‌ শঅ‌র। ইয়েন এলদে অয় শঅ‌রত্তুনঅ দাঙর আর সিয়েনর বেক্‌ মরদ মানুচ্চুন্‌ বোলী এলাক্।

যিহোশূয় 10:4

“তুমি এইনে মরে গিবিয়োন্‌ শঅ‌রান আক্রমণ গুরিবাত্তে বল্‌ দুয়ো, কিত্যে তারা যিহোশূয় আর ইস্রায়েলীয়গুনো সমারে আঢ্ মিলেয়োন্‌।”

যিহোশূয় 18:25

ইয়েনবাদে তারা গিবিয়োন, রামা, বেরোৎ,

যিহোশূয় 9:3

যিরীহো আর অয়র অবস্থা যিহোশূয় যেধোক্ক্যেন্‌ গোজ্যে সিয়েনি যেক্কে গিবিয়োন শঅরর্‌ আদাম্মে হিব্বীয়গুনে শুনিলাক্‌ সেক্কে তারা এক্কান চালাগি গুরিলাক্‌। তারার্‌ পক্ষেত্তুন একদল মানুচ্‌ যিহোশূয় ইদু যাহ্ ধুরিলাক্‌। তারা গাধাগুনো উগুরে পুরোণ বস্তাগুন্‌ আর ফাদা আর তালি দিয়্যে আংগুর-রস রাগেবাত্তে পুরোণ চামর্‌ থৈল্যেগুন্‌ রাগেলাক্‌।

১ শমূয়েল 17:9

যুনি তে মঅ লগে যুদ্ধো গুরিনে মরে মারে ফেলেই পারে সালে আমি তমার চাগর্‌ অবং; মাত্তর্‌ যুনি মুই তারে মারে ফেলেই পারং সালে তুমি আমা চাগর্‌ ওইনে চাগর ধোক্ক্যেন কাম্‌ গুরিবা।”