২ শমূয়েল 19:9 - Chakma Bible

⁹ ইস্রায়েলর পুরো গুট্টিগুনো ভিদিরে মানুচ্চুনে তর্কাতর্কি গুরিনে কুয়ো ধুরিলাক্, “রাজা শত্রুগুনোর আঢত্তুন্‌ আমারে রোক্ষ্যে গোজ্যে; পলেষ্টীয়গুনো আঢত্তুন্‌ তেয়ই আমারে উদ্ধোর্ গোজ্যে। মাত্তর্‌ ইক্কিনে তে অবশালোমত্তেই দেজত্তুন্‌ ধেই গেলঅ।

২ শমূয়েল 19:9 ပူးပေါင်းရင်းမြစ်များ

২ শমূয়েল 15:14

যিরূশালেমত্‌ দায়ূদোর যিদুক্কুন্‌ চাগর্ তা লগে এলাক্‌ তে তারারে কলঅ, “আঢ, আমি ধেই যেই। সিয়েন ন-অলে আমি কনজনে অবশালোম আঢত্তুন্‌ রোক্ষ্যে ন-পেবং। আমাত্তুন্‌ ইক্কিনে নিগিলা পুরিবো, দগেনলে তে যাদিমাদি এইনে আমারে অমকদ দযাত্ ফেলেব আর শঅরর্‌ বেক্কুনোরে শেজ্‌ গুরি দিবো।”

২ শমূয়েল 18:17

তারা অবশালোমরে নেযেইনে ঝার ভিদিরে এক্কো দাঙর্‌ গাদত্‌ ফেলেই দিলাক্ আর তা উগুরে সিলুন্ এগত্তর্ গুরিনে এক্কো দাঙর্‌ কুড়্ বানেই রাগেলাক্। এ ভিদিরে ইস্রায়েলীয়গুনে বেক্কুনে যার্‌ যার্‌ ঘরত্‌ ধেই গেলাক্।

২ শমূয়েল 19:10

যিবেরে আমি আমা উগুরে রাজাগিরি গুরিবাত্তে অভিষেগ্ গোজ্যেই সেই অবশালোমে যুদ্ধোত্‌ মুরি যেইয়্যে। সালে রাজারে ফিরেই আনিবাত্তে তুমি কন কিজু ন-কর্‌ কিত্তে?”

২ শমূয়েল 19:40

এবাবোত্যেগুরিনে যিহূদার বেক্‌ মানুচ্চুনে আর ইস্রায়েলর কিজু মানুচ্‌ রাজারে গাঙান্‌ পার্‌ গোরেইনে অানিলাক্। সে পরেন্দি রাজা গিল্‌গলত্‌ গেলঅ আর কিম্‌হমেয়ো তা সমারে গেলঅ।

২ শমূয়েল 22:44

ও লগেপ্রভু, মঅ মানুচ্চুনোর উল্লোমিত্তুন তুই মরে উদ্ধোর্ গোজ্যস, অন্য জাদ্‌তুনো উগুরে মরে নেতা ইজেবে রাগেয়োচ্‌; মুই যিগুনোরে ন-চিনিদুং তারায়ো মঅ অধীন্‌ ওইয়োন।

২ শমূয়েল 5:20

দায়ূদে সেক্কে বাল্‌-পরাসীমোত্‌ গেলঅ আর সিদু তারারে ওদেই দিলো। তে কলঅ, “লগেপ্রভু মঅ মুজুঙোত্‌ গোদা পানি ভাঙি যাইদে ধোক্কেন্‌ মঅ শত্রুগুনোরে ভাঙি ফেলেয়্যে।” ইয়েনত্তে সে জাগায়ানর নাঙান্‌ অলঅ বাল্‌-পরাসীম।

গীতসংহিতা 18:43

ও লগেপ্রভু, মানুচ্চুনোর উল্লোমিত্তুন্ তুই মরে উদ্ধোর্ গোজ্যস্, অন্য জাদ্‌‌তুনো উগুরে মরে নেতা বানেয়োচ্; মুই যিগুনোরে ন-চিনিদুং তারায়ো মঅ তলেদি ওইয়োন।

যাত্রা 32:24

এই কধাগান্‌ শুনিনে মুই তারারে কোলুং, যিগুনোর্‌ সনার্‌ গহনা আঘে তারা যেনে সিয়েনি খুলিনেই মইদু আনন্‌। তারা মরে সনা আনি দিবার্‌ পরেদি মুই সিয়েনি আগুনোত্‌ মেলা মারি ফেলেই দিলুং আর সেক্কে এই গোরু ছবো নিগিলি এলঅ‌।

১ শমূয়েল 17:50

সেক্কে দায়ূদে ধাবা যেইনে সেই পলেষ্টীয়বো ইদু থিয়্যেল আর তার লাম্বা কিরিচ্ছানর খাবত্তুন্‌ টানি নিগিলেনে তারে মারে ফেলেল আর তার মাঢাবো কাবি নেযেল। এধোক্ক্যেনগুরি দায়ূদে বানা এক্কো ফিংগা আর এক্কো পাত্তর্‌‌লোই সেই পলেষ্টীয়বোরে ওদেই দিলো। তার আঢত্‌ কনঅ লাম্বা কিরিচ্‌ ন-থেলেয়ো তে সেই পলেষ্টীয়বোরে আঘাত গুরিলো আর তারে মারে ফেলেল। পলেষ্টীয়গুনে যেক্কে দেগিলাক্, তারার আজল্‌ বীরবো মুরি যেইয়্যে সেক্কে তারা ধেই যাহ্ আরাম্ভ গুরিলাক্।

১ শমূয়েল 18:25

সেক্কে শৌল কলদে, “তুমি দায়ূদোরে কোই দুয়ো, রাজা বানা তার শত্রুগুনো উগুরে হেনা সুজোনা ইজেবে একশঅ জন পলেষ্টীয়র চুনুগুলোবোর মুজুঙেন্দি চামান চায়, অন্য কনকিচ্ছু ন-চায়।” ইঙিরিনে পলেষ্টীয়গুনোর আঢত্‌ যেনে দায়ূদে শেজ্‌ ওই যায়, ইয়েনই এলদে শৌলর মনভাব।

১ শমূয়েল 19:5

তে তার পরাণানরে নেযেইনে সেই পলেষ্টীয়গুনোরে মারে ফেলেয়্যে, আর লগেপ্রভু বেক্‌ ইস্রায়েলীয়গুনোরে জদবদে জিদেনাগান্ দান গোজ্যে; তুই দঅ সিয়েনি দেগিনে হুজি ওইয়োচ্‌। সালে ইক্কিনে তুই এনেবাদে দায়ূদোরে মারে ফেলেইনে কিত্তে একজন দুষ নেইয়্যে মান্‌জ্যর্‌ লো ঝোরেইনে তার বিরুদ্ধে পাপ গুরিবে?”