২ শমূয়েল 19:24 - Chakma Bible

²⁴ এ পরেন্দি শৌল নাদিন্ মফীবোশতে রাজার লগে দেগা গুরিবাত্তে এলঅ। রাজা যেবার পরেত্তুন্‌ ধুরি তার গমেডালে ফিরি এজানার দিন্নো সং তে নিজো টেঙানি যত্তন্‌ ন-গরে, দাড়িগানি নঅ-কাবে আর কাবড়-চুগোরানিয়ো নঅ-ধয়।

২ শমূয়েল 19:24 ပူးပေါင်းရင်းမြစ်များ

২ শমূয়েল 12:20

দায়ূদে সেক্কে মাদিত্তুন্‌ উদিনে গাদিগাদাই তেল্ মাজিলো আর কাবড়-চুগোর্‌ বুদুলিনে তে লগেপ্রভুর ঘরত্‌ যেইনে মাদিত্‌ মাদা নিগিরিনে তারে ভোক্তি জানেল। সে পরেন্দি তে নিজো ঘরত্‌ ফিরি এইনে হানা আনিবার্‌ উগুম দিলো। যেরেন্দি তা মুজুঙোত্‌ হানা থোই দিলে তে হেলঅ।

২ শমূয়েল 15:30

ইন্দি দায়ূদে কানদে কানদে জৈতুন মুড়োবো উগুরে উদো ধুরিলো। তে মাঢাবো ঢাগিনে জদা ছাড়া আঢের্‌। মানুচ্চুনেয়ো বেক্কুনে তা লগে মাধাগুন ঢাগিনে কানদে কানদে উগুরে উদো ধুরিলাক্।

২ শমূয়েল 16:3

রাজা পুযোর্‌ গুরিলো, “তঅ গিরোজ্‌সোর্‌ নাদিন্নো কুদু?” সীবঃ তারে কলঅ, “তে যিরূশালেমত্ আঘে, কিত্যে তে কলদে, ‘এচ্চ্যে ইস্রায়েলীয়গুনে মঅ আজুবোর্‌ রেজ্যগান মরে ফিরেই দিবাক্।’”

২ শমূয়েল 9:11

এ কধাগান শুনিনে সীবঃ রাজারে কলঅ, “মঅ গিরোজ্‌সো মহারাজ তা চাগর্‌বোরে যিয়েনি গুরিবাত্তে কবঅ তে সিয়েনিই গুরিবো।” মফীবোশতে ইয়েনর্ পরেত্তুন্‌ ধুরি রাজার এক্কো পূঅ ধোক্ক্যেন্‌ রাজার টেবিলোত্‌ হানা-দানা গরা ধুরিলো।

১ রাজাবলী 2:8

মনত্‌ রাগেচ্‌, বহুরীমোর বিন্যামীন-গুট্টির গেরার পূঅ শিমিয়ি তঅ সমারে আঘে। মুই যেদিন্যে মহনয়িমোত্‌ যেইয়োং সেদিন্যে তে মরে জদবদে অভিশাব দিয়্যে। যর্দনত্‌ তে মঅ লগে দেগা গুরিবাত্তে এলে মুই লগেপ্রভুর নাঙে তাইদু শমক্‌ খেইয়োং, মুই তারে মারে ন-ফেলেম।

যাত্রা 19:10

লগেপ্রভু মোশিরে আরঅ‌ কলঅ, “এচ্চ্যে আর কেল্যে এই দ্বিদিন্‌ তুই মানুচ্চুনো ইদু যেইনে তারারে সিজি গুরিবে। তারা যেনে তারার্‌ কাবড়্‌-চুগোরানি ধোই ফেলান্‌ আর তিন্‌ দিনোত্‌ যুক্কুলেই থান্‌, কিত্তে এই তিন্‌ দিনোত্‌ মুই লগেপ্রভু বেক্‌ মানুচ্চুনোর্‌ চোগো মুজুঙোত্‌ সিনাই মুড়োবো উগুরে লামি এই‌ম।

যিশাইয় 15:2

মোয়াব মানুচ্চুনে কানিবাত্তে দীবোন মন্দিরোত্ আর পূজোর অজল্ জাগানত্ উদি যেয়োন। তারা নবো আর মেদবাত্তে আবিলেচ্ গত্তন্। তারার বেক্কুনোর্ মাঢাগুন্ মুড়ো ওইয়্যে আর দাড়িগানিয়ো কাবা ওইয়্যে।

মথি লেখ্যে গম্ হবর্ 6:16

তুমি যেক্কে উবোস্ থাগঅ সেক্কে ফক্করুনো ধোক্ক্যেন্ মুয়োন্ কালা গুরি ন-রাগেয়ো। তারা যে উবোস্ থাদন্ সিয়েন মান্‌জ্যরে দেগেবাত্তে তারা মাঢাবোত্ আর মুয়োনত্ ছেই গুলিনে বেড়ান্। মুই তমারে ঘেচ্চেকগুরি কঙর্, তারা তারার্ বক্‌শিজ্‌চানি পেইয়োন।

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

ইব্রীয় 13:3

যিগুনে জেলোত্ আঘন্ তারা সমারে যেন তুমিয়ো বন্দী ওইয়ো, আর যিগুনে অত্যেচারিত্ অদন্ তারা সমারে যেন তুমিয়ো অত্যেচারিত অর্, এবাবোত্যে গুরি তারা কধানি ইদোত্ তুলো।