২ শমূয়েল 19:22 - Chakma Bible

²² জোবত্‌ দায়ূদে কলঅ, “ও সরূয়ার পূঅগুন, এ পৌইদ্যেনে তমা লগে মর্‌ কি সম্পর্ক? এচ্চ্যে কিত্তে তুমি মঅ উল্লোমি গরর্‌? এচ্চ্যে কি ইস্রায়েলত্‌ কাররে মারে ফেলানা উজিত্? মুই কি এ কধাগান হবর্‌ ন-পাং, এচ্চ্যেয়ো মুই ইস্রায়েলীয়গুনোর রাজা?”

২ শমূয়েল 19:22 ပူးပေါင်းရင်းမြစ်များ

২ শমূয়েল 16:10

রাজা কলঅ, “ও সরূয়ার পূঅগুন, এ পৌইদ্যেনে তমা লগে মর্‌ কি সম্পর্ক? লগেপ্রভু যুনি তারে কোই থায় ‘দায়ূদোরে গেইল্ দে’ আর সেনত্তেই তে গেইল্ দে, সালে কন্না তারে পুযোর্‌ গুরি পারিবো, ‘কিত্তেই তুই এ কামান্‌ গোজ্যস্?’”

২ শমূয়েল 16:5

রাজা দায়ূদে যেক্কে বহুরীমোত্‌ লুমিলো সেক্কে শৌল বংশর এক্কো মান্‌জ্যে সিয়োত্তুন্‌ নিগিলি এলঅ। তে অলদে গেরার্‌ পূঅ শিমিয়ি। তে গেইল্ দি দি এজের্‌।

২ শমূয়েল 16:9

এ কধানি শুনিনে সরূয়ার পূঅ অবীশয় রাজারে কলঅ, “এ মরা কুগুর্‌বো কিত্তে মঅ গিরোজ্‌ মহারাজরে গেইল্ দের্‌? মরে তা মাধাবো কাবি ফেলেবাত্তে উগুম্ দে।”

২ শমূয়েল 3:39

রাজা ইজেবে মরে অভিষেগ্ গরা অলেয়ো এচ্চ্যে মুই বল্‌পোজ্যে আর সরূয়ার পূয়োগুনোরে মুই দোঙেই ন-পারঙ্। লগেপ্রভু যেনে অন্যেয় গুরিয়্যেগুনোরে অন্যেয়র্‌ কাম মজিম সাজা দে।”

যিশাইয় 16:5

অমকদ কোচ্‌পানালোই দায়ূদোর রাজঘরত্ এক্কান সিংহাসন থিদেবর্ গরা অবঅ; এক্কো বিশ্বেজি মানুচ্ তা উগুরে বুজিবো। তে গমেডালে বিচের গুরিবো আর যাদিমাদি ন্যায় জিনিস্‌ছান থিদেবর্ গুরিবো।‌‌‌

মথি লেখ্যে গম্ হবর্ 8:29

তারা এমন্ দর্‍‍গরেপারা এলাক্ যে, কনজনে সে পধেদি যেই ন-পারিদাক্। তারা রঅ ছাড়িনে কলাক্, “ও গোজেনর পুয়োবো, আমা লগে তর্ কি দরকার? সময় ন অদে কি তুই আমারে যন্ত্রণা দিবাত্তে ইধু এচ্চ্যচ্?”

১ শমূয়েল 11:13

মাত্তর্‌ শৌল কলদে, “এচ্চ্যে কাররে মারে ফেলানা ন-চলিবো, কিত্যে এচ্চ্যের দিন্নোত্‌ লগেপ্রভু ইস্রায়েলীয়গুনোরে উদ্ধোর গোজ্যে।”

১ শমূয়েল 26:11

মাত্তর্‌ লগেপ্রভুর অভিষেগ্ গোজ্যে মান্‌জ্য উগুরে আঢ্ তুলিবাত্তে লগেপ্রভু কনদিন্‌অ মরে অনুমতি ন-দিবো। আদঅ, ইক্কিনে আমি তার মাদাবো কায়-কুরেত্তুন্‌ সেল্‌লো আর পানির পিলেবো তুলি নেযেইনে ফিরি যেই।”

১ শমূয়েল 26:8

এ অবস্থা দেগিনে অবীশয় দায়ূদোরে কলঅ, “গোজেনে এচ্চ্যে তর্‌ শত্রুবোরে তঅ আঢত্‌ তুলি দিয়্যে। অনুমতি দে, মঅ সেল্‌লোলোই এক্কু আঘাতে তারে মাদিত্ গাড়ে ফেলাং। মত্তুন্‌ দ্বিবার আঘাত গরা ন-পুরিবো।”

১ শমূয়েল 26:9

দায়ূদে তারে কলঅ, “না, তারে মারে ন-ফেলেয়ো। লগেপ্রভুর অভিষেগ্ গোজ্যে মান্‌জ্য উগুরে আঢ তুলিনে কন্না নিদ্দুষী তেই পাজ্যে?