২ শমূয়েল 19:19 - Chakma Bible

¹⁹ “মঅ গিরোজ্‌‌সো যেনে মঅ দুষ্‌‌চান ন-ধরে। মঅ গিরোজ্‌‌সো মহারাজে যেদিন্যে যিরূশালেমান ফেলেই যার্‌ সেদিন্যে তঅ চাগর্‌ মুই যে অন্যেয়ান গোজ্যং সিয়েন যেনে তুই মনত্‌ ন-রাগাচ্‌। মহারাজে যেনে তা মনত্তুন্‌ সিয়েনি দূর্ গুরি দে।

২ শমূয়েল 19:19 ပူးပေါင်းရင်းမြစ်များ

২ শমূয়েল 13:20

তামরর্‌ ভেই অবশালোমে তারে পুযোর্‌ গুরিলো, “তঅ ভেই অম্নোনে কি তঅ ইজ্জোদ্‌তান্‌ বর্‌বাদ্ গোজ্যে? মঅ বোন্নো, তুই এ পৌইদ্যেনে কাররে কিচ্ছু ন-কোচ্‌, কিত্যে তে তর্‌ ভেই। তুই এ বেপারান্দোই মনান্‌ যাগুলুক্ ন-গুরিচ্‌।” সিয়োত্তুন্‌ ধুরি তামরে তা ভেই অবশালোমর্ ঘরত্‌ মন্ মরা গুরি থাহ্ ধুরিলো।

২ শমূয়েল 13:33

রাজার্‌ পূঅগুনে বেক্কুনে মুরি যেইয়োন মনে গুরিনে মঅ গিরোজ্‌সো মহারাজে যেনে দুঃখো ন-গরে, বানা অম্নোনেই মারা পোজ্যে।”

২ শমূয়েল 19:18

রাজার গিরির্‌ বেক্কুনোরে অানিবাত্তে আর রাজার অাওজ মজিম্‌ কাম গুরিবাত্তে তারা আঢিনে পার্ অইদে পথ্‌‌তানন্দি যেইনে গাঙান্‌ পার্ অলাক্‌। রাজা যেক্কে যর্দন গাঙান্‌ পার্ অবঅ ঠিগ্ সেই সলাবোত্‌ গেরার পূঅ শিমিয়ি এইনে রাজা মুজুঙোত্‌ অাদু পাড়ি পড়িনে কলঅ,

গীতসংহিতা 32:2

বর্‌পেইয়্যে সেই মানুচ্চো, যিবের্ অন্যেয়ানি লগেপ্রভু খেমা গোজ্যে আর যিবের্ মনত্ কনঅ ছলনা নেই।

গীতসংহিতা 79:8

পুরোণি মানুচ্চুনোর অন্যেয়ানি তুই আমা বিরুদ্ধে ন-ধুরিচ্; তুই যাদিমাদি তর্ মেয়্যেগান আমারে দেগা, কিত্তে আমি চেরোকিত্যেত্তুন্ কুল ন-পেইয়্যে ওইয়্যেই।

উপদেশক 10:4

শাজন্‌গুরিয়্যেবো যুনি তঅ উগুরে রাগ্ গরে তো তুই তঅ পোজিশনান্ ন-ছাড়িচ্; শান্তভাব থেলে দাঙর্ দাঙর্ অন্যেয়অ খেমা গরা যায়।

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

গণাণা 12:11

এই অবস্থা দেগিনে তে মোশিরে কলঅ, “ও মর্‌ প্রভু, আমি ভুল্‌ গুরিনে যে পাপ গোজ্যেই সিয়েন্‌ আমা বিরুদ্ধে তুই ন-ধুরিচ্‌।

মথি লেখ্যে গম্ হবর্ 27:4

“মুই নিদ্দুজিবোরে মারে ফেলেবাত্তে ধুরি দিইনে পাপ্ গোজ্যং।” তারা কলাক্, “সিয়েন্দোই আমার্ কি? তুয়ই সিয়েন্ বুঝিবে।”

২ করিন্হীয় 5:19

ইয়েনর্ অত্তগান অলঅ, গোজেনে মান্‌জ্যর্ পাপ্পানি ন-ধুরিনে খ্রীষ্টর্ মাধ্যমে নিজো সমারে মান্‌জ্যরে মিলেই দিয়্যে, আর সেই মিজেনার্ হবরান্ জানেবার ভারান্ তে আমা উগুরে দিয়্যে।

১ শমূয়েল 22:15

মুই কি সেদিন্যে পত্তমবার তা পৌইদ্যেনে গোজেনর আওজ্‌চান্ কি সিয়েন পুযোর্ গোজ্যং? কনদিন্অ নয়। মহারাজ, তর্‌ এ চাগর্‌বোরে বা তা বাবর্‌ বংশর মানুচ্চোরে কনজনরে দুষ ন-দিবে। এ বেক্‌ বিষয়ানি পৌইদ্যেনে তর্‌ এ চাগর্‌বো কিচ্ছু হবর্‌ ন-পায়।”

১ শমূয়েল 25:25

মর্‌ গিরোজ্‌সো যেনে সেই জঘন্য মান্‌জ্যর্‌, অত্তাৎ নাবলর্ কধানি ন-ধরে। তার্‌ নাঙান্‌ যেধোক্ক্যেন তেয়ো সেধোক্ক্যেন। তার্‌ নাঙানর্‌ ভেদ্‌তান্ একবুস্যে, আর সিয়েন ভিদিরে আঘে বানা একগেয়েমী। মর্‌ গিরোজ্‌সো যিদুক্কুন মানুচ্‌ পাদেয়্যে তারার্‌ লগে তর্‌ এই চাগরানীবোর্‌ দেগা ন-অয়।

১ শমূয়েল 26:21

সেক্কে শৌল কলদে, “মুই পাপ গোজ্যং। বাবা দায়ূদ, তুই ফিরি আয়। এচ্চ্যে তুই মর্‌ জীংকানিগানর্‌ কদক্‌ দাম দিলে; মুই আর তরে ক্ষেতি গুরিবাত্যে চেট্ট্যা ন-গুরিম। সত্য সত্য এ দাঙর্‌ অন্যেয়ান গুরিনে মুই বেদমা কাম গোজ্যং।”