২ শমূয়েল 18:8 - Chakma Bible

⁸ যুদ্ধোগান পুরো চাগালাত্‌ ছিদি পড়িলো আর যুদ্ধোত্‌ যিদুক্কুন মানুচ্‌ মুরিলাক্ তাত্তুন্‌ বেশ্‌ মুরিলাক্ ঝারানত্তে।

২ শমূয়েল 18:8 ပူးပေါင်းရင်းမြစ်များ

২ শমূয়েল 18:7

সিদু দায়ূদো মানুচ্চুনো ইদু ইস্রায়েলর সৈন্যদলুনে উদি গেলাক্। সেদিন্যে জদবদে যুদ্ধো অলঅ আর কুড়ি আজার মানুচ্‌ মুরি গেলাক্।

২ শমূয়েল 18:9

অবশালোমে অদাতৎ দায়ূদো মানুচ্চুনোর মুজুঙোত্‌ পড়িলো। সে সেক্কে তা খচ্চর্‌‌বোত্‌ উদিনে যার্‌। খচ্চর্‌‌বো দাঙর্‌ এক্কো এলোন গাজর্‌ ডেলা পাদালোই ভোজ্যে তলেন্দি যেবার্‌ অক্তত্‌ অবশালোমর্ মাধাবো গাজত্‌ আক্‌সো গেলঅ। যে খচ্চর্‌‌বো উগুরে তে উদি যার্‌ সিবে গেলগোই আর তে শূন্য অবস্থায় টাঙেয়্যে রলঅ।

১ রাজাবলী 20:30

বাদবাগি সৈন্যগুনে অফেকত্‌ ধেই গেলাক্‌ আর সিদু তারার্‌ সাতেশ আজার সৈন্য উগুরে দেবাল্‌ ভাঙি পুরিলো। বিন্‌হদদে সিদু ধেই যেইনে ঘরঅ ভিদিরে ইক্কো গুদিত্‌ পৌল্যেই রলঅ।

গীতসংহিতা 3:7

ও লগেপ্রভু, আয়; ও মর্ গোজেন, মরে উদ্ধোর্ গর্। তুই মঅ শত্রুগুনোর দাদ মাড়িগানিত্ চুয়োড়্ মারিনে সেই পাজি মানুচ্চুনোর্ দাদ্‌তুন্ ভাঙি দুয়োচ্।

গীতসংহিতা 43:1

ও গোজেন, তুই উজিত্ মজিম বিচের গর্, আর এ ভোক্তিনেইয়্যে জাদ্‌‌তুনোর বিরুদ্ধে মর্ পক্ষ ওইনে কধা কঅ; দগাবাজ্ আর পাজি মানুচ্চুনোর আঢত্তুন্ তুই মরে বাঁজা।

যাত্রা 15:10

মাত্তর্‌ তুই ফুন্‌ দিইনে বোইয়্যের্‌ ‌দিলে, আর সাগরানেয়ো তারারে ঢাগি ফেলেল। তারা মরং পানি তলাত্‌ শিজে ধোক্ক্যেন গুরি ডুবি গেলাক্।

গম্ উপদেজ্ 24:21

মঅ পুয়োবো, লগেপ্রভু আর রাজারে ভোক্তি গর্, আর উল্লোমি গুনো সমারে ন-মিজেয়ো;

গম্ উপদেজ্ 24:22

কিত্তে তারা উগুরে অদাতৎ দজা এবঅ, লগেপ্রভু আর রাজা ইত্তুন্ কিবাবোত্যে দজা এবঅ সিয়েন কন্না হবর্ পায়?

যিহোশূয় 10:11

ইস্রায়েলীয়গুনো মুজুঙেত্তুন্‌ তারা যেক্কে বৈৎ-হোরোণ ছাড়িনে অসেকাত্‌ লামি এবার পথ্‌তান ধুরিনে ধেই যাদন্‌ সেক্কে লগেপ্রভু আগাজত্তুন দাঙর দাঙর শিল্‌ তারা উগুরে ফেলেল। সেনে ইস্রায়েলীয়গুনো সমারে যুদ্ধোত্‌ যিদুক্কুন্‌ মানুচ্‌ মুরিলাক্‌ তাত্তুন বেশ্‌ মুরিলাক্‌ এ শিলাত্‌।