২ শমূয়েল 18:2 - Chakma Bible

² দায়ূদে তা সৈন্যদলুনোরে তিন ভাগ গুরিনে এধোক্ক্যেন গুরি পাধেই দিলো- যোয়াবর অধীনোত্‌ একভাগ, যোয়াবর ভেই, অত্তাৎ সরূয়ার পূঅ অবীশয়র অধীনোত্‌ একভাগ আহ্ গাতীয় ইত্তয়র অধীনোত্‌ একভাগ। রাজা সৈন্যগুনোরে কলঅ, “মুইয়ো হামাক্কায় তমা লগে যেম্‌।”

২ শমূয়েল 18:2 ပူးပေါင်းရင်းမြစ်များ

২ শমূয়েল 17:11

“সেনত্তেই মুই তরে এ বুদ্ধিগান দুয়োঙর্‌: দানত্তুন্‌ বের্‌-শেবা সং সাগর পারর গুণি ন-পুরেইয়্যে ধূল্যেকণা ধোক্ক্যেন্‌ বেক্‌ ইস্রায়েলীয়গুন তইদু এগত্তর্‌ ওদোক্‌ আর তারারে লোইনে তুই নিজেই যুদ্ধোত্‌ যাহ্।

২ শমূয়েল 21:17

মাত্তর্‌ সরূয়ার পূঅ অবীশয় দায়ূদোরে রোক্ষ্যে গুরিলো। তে সে পলেষ্টীয়বোরে আঘাত্‌ গুরিনে মারে ফেলেল। সেক্কে দায়ূদো মানুচ্চুনে শমক্‌ গুরিনে দায়ূদোরে কলাক্, “তুই আর্ কনদিনঅ আমা লগে যুদ্ধোত্‌ ন-যেবে, ইস্রায়েলর চেরাক্কো মারেই ন-দিচ্‌।”

২ শমূয়েল 23:18

সরূয়ার পূঅ যোয়াব ভেই অবীশয় অলদে সে তিনজন উগুরে অাজল্লো। তে সেল্‌ মারিনে তিনশঅ মান্‌জ্যরে মারে ফেলেয়্যে আর তেয়ো সে তিনজন ধোক্ক্যেন্ নাঙ্-গোজ্যে ওই উদিলো।

২ শমূয়েল 8:16

সরূয়ার পূঅ যোয়াবে এলদে তার আজল্ সেনাপতি আর অহীলূদোর পূঅ যিহোশাফট তা রাজাগিরির্‌ বেক্‌ ঘটনানি লিগি রাগেদ।

১ রাজাবলী 2:28

এই বেক্‌ হবরানি যোয়াবর্‌ কানত্‌ গেলঅ। তে অবশালোমর্‌ পক্ষেন্দি ন-গেলেয়ো আদোনিয়র পক্ষেন্দি যেইয়োন, সেনত্তেই তে ধেই যেইনে লগেপ্রভুর তাম্বুলোত্‌ যেইনে ডালিঘরর শিঙুন্‌ ধুরি থেলঅ।

গীতসংহিতা 3:6

মঅ বিরুদ্ধে মর্ চেরোকিত্তে আজার আজার মানুচ্ উদিনে থিয়্যেয়োন, মাত্তর্ মুই তারারে ন-দরাং।

বিচের গুরিয়্যেগুন 7:16

সে তিনশত মান্‌‌জ্যরে তে তিন্নো দলত্‌ ভাগ গুরিলো আর পত্তিজনর আঢত্‌ এক্কো গুরি শিংগা, এক্কো গুরিনে সুদো কুম্‌ আর সে সংমোধ্যে এক্কো বম্বা দিলো।

বিচের গুরিয়্যেগুন 7:19

রেত্‌সম্বাগত্‌ চুগি দিবার আরাম্ভত্‌ যেক্কে মিদিয়নীয়গুনে চুগিদার বদলাদন্‌ ঠিগ্‌ সিয়েনর পরেন্দি গিদিয়োন আর তা লগে একশঅ জন মানুচ্‌ তাম্বুলানর ইদু যেইনে লুমিলাক্‌। তারা তারার শিংগাগুন বাজেইনে আঢত্‌ রাগেইয়্যে কুমুন্‌ ভাঙি ফেলেলাক্‌।

বিচের গুরিয়্যেগুন 9:43

সেক্কে অবীমেলকে তা মানুচ্চুনোরে তিন্নো দলত্‌ ভাগ গুরিলো আর তারা মাদত্‌ হাপ্‌ দি থেলাক্‌। শঅ্‌রত্তুন মানুচ্চুনোরে নিগিলি এত্তে দেগিনে তে তারারে আক্রমণ গুরিলো।

১ শমূয়েল 11:11

তার্‌কেল্যে শৌল তা মানুচ্চুনোরে তিন্নো দলত্‌ ভাগ গুরিলো। সে পরেন্দি শেজর্‌ রেত্তোত্‌ তারা অম্মোনীয়গুনোর তাম্বুলোত্‌ সুমিনে দিবুজ্যেমাদান সং তারারে মারে ফেলা ধুরিলাক্। যিগুনে পরাণে বাঁজিলাক তারা এবাবোত্যেগুরি ছিদি পড়িলাক্, তারাত্তুন্‌ দ্বিজনে আর একসমারে ন-থেলাক্।