২ শমূয়েল 17:29 - Chakma Bible

²⁹ মধু, দই, গোরু দুধোর পনীর আহ্ ভেড়া আনিলাক্। তারা মনে গোজ্যন্দে, ধূল্যেচর-চাগালাত্‌ সে মানুচ্চুনোর পেট পুরের্‌ আহ্ পানি তিরেজে পেইয়্যে আর তারা বল্‌পোজ্যে ওইয়োন।

২ শমূয়েল 17:29 ပူးပေါင်းရင်းမြစ်များ

২ শমূয়েল 16:14

রাজা আর তা সমারে মানুচ্চুনে যিয়েনত্‌ যাদন্‌ তারা বল্‌পোজ্যে অবস্থায় সিয়েনত্‌ যেইনে লুমিলাক্। সে পরেন্দি সে জাগানত্‌ দায়ূদে জিরেল।

২ শমূয়েল 16:2

রাজা সীবঃরে পুযোর্‌ গুরিলো, “তুই কিত্তেই ইগুন্‌ আন্যচ?” জোবত্‌ সীবঃ কলঅ, “গাধা দ্বিবে রাজার পরিবারর মানুচ্চুনে চড়িবাত্তে, পিদে আর ফল মানুচ্চুনে হেবাত্তে আর আংগুর-রস অলদে তারাত্তে যিগুনে ধূল্যেচর-চাগালাত্‌ বলপোজ্যে অবাক্।”

২ শমূয়েল 17:2

যেক্কে তে বল্‌পোজ্যে আর অাঢি নবাজ্যে থেবঅ সেক্কে মুই তারে আক্রমণ গুরিম। মুই তারে এন্‌ দর্‌বুক্‌ লাগেই দিম্, তা লগে মানুচ্চুনে ধেই যেবাক্। সেক্কে মুই বানা রাজারে মারে ফেলেম,

গীতসংহিতা 107:5

তারা পেট্ পরায় আর পানি তিরেজে দুগ্ পেলাক্, তারার পরানানর বেক্ আজাগান আরেয়োন্।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

গম্ উপদেজ্ 21:26

এন্ মানুচ্ আগন যিগুনে নিত্য লুভ্ গরন, মাত্তর্ গোজেন ভক্ত মান্‌জ্যে গমেডালে দান গরন্।

যিশাইয় 21:14

তুমি পানি তিরেস্ পেইয়্যে মানুচ্চুনোত্তে পানি আন। ও টেমা দেজর্ আদাম্মেগুন্, তুমি ধেই যেইয়্যে মানুচ্চুনোত্তে হানা আন।

যিশাইয় 58:7

পেট পুরেদে মানুচ্চুনোরে তমা হানাগানি ভাগ্ গুরি দুয়ো, ঘুরি বেড়েয়্যে নাঢা মান্‌জ্যরে নিজো ঘরত্ আশ্রয় দুয়ো, লাংতা-বাংতা দেগিলে তারে কাবড় উরেই দুয়ো, আর নিজো কুদুম্মোগুনোত্তুন্ মুয়োন ফিরেই ন-নুয়ো। ইয়েনি গরানা অলঅ আজল্ উবোস্‌থানা।

লূকে লেখ্যে গম্ হবর্ 8:3

রাজা হেরোদ চাগর্ কূষর মোগ্ যোহানা; শোশন্না আহ্ আরঅ বোউত্ মিলে। যীশু আর তা শিচ্চ্যগুনোরে সেবা-যত্তন্ গুরিবাত্তে ইগুনে বেক্কুনে নিজো টেঙা-পৌইজ্যেত্তুন্ খরচ্ গুরিদাক্।

রোমীয় 12:13

গোজেন মানুচ্চুনোর্ অভাব সময় সাহায্য গরঅ। গর্বাগুনোরে সেবা গুরিবাত্যে আয়োজি অ।

১ শমূয়েল 17:18

আর এই দশ তাল পনীর তারার্‌ চেলাগুনোত্তে নেযা। তর্‌ ভেইয়ুনে কেন্‌জান্ আগন্‌ সিয়েন চেই এজঅ আর তারাত্তুন্‌ কনঅ এক্কান চিহ্নো লোই আনঅ।