২ শমূয়েল 17:17 - Chakma Bible

¹⁷ সে অক্তত্‌ যোনাথন আর অহীমাসে ঐন্‌-রোগেলত্‌ এলাক্। এক্কো চাগরানিয়ে তারারে হবরানি জানেদ আর তারা যেইনে রাজা দায়ূদোরে সে হবরান দিদাক্, কিত্যে শঅরত্‌ যানা-এজানার রিক্‌সান তারা নেযেই ন-পারিদাক্।

২ শমূয়েল 17:17 ပူးပေါင်းရင်းမြစ်များ

২ শমূয়েল 15:27

সে পরেন্দি রাজা ধর্মগুরু সাদোকরে কলঅ, “তুই দঅ বেক্কানি দেগর্‌। তঅ পূঅ অহীমাস আর অবিয়াথরর্‌ পূঅ যোনাথনরে লগে গুরিনে তুই গমেডালে শঅরত্‌ ফিরি যাহ্।

২ শমূয়েল 15:35

ধর্মগুরু সাদোকে আর অবিয়াথরে সিদু তঅ সমারে থেবাক্। রাজঘরত্‌ তুই যিয়েনি শুনিবে সিয়েনি তারারে জানেবে।

২ শমূয়েল 15:36

সাদোকর পূঅ অহীমাস আর অবিয়াথরর্‌ পূঅ যোনাথনেয়ো সিয়েনত্‌ তারা সমারে এলঅ। কিজু শুনোনার পরেন্দি তারার্ মাধ্যমে সিয়েনি মরে জানেবে।”

১ রাজাবলী 1:42

তা কধাগান শেজ্‌ অদে ন-অদে ধর্মগুরু অবিয়াথরর্ পূঅ যোনাথনে সিদু লুমিলো। আদোনিয় তারে কলঅ, “এজঅ, এজঅ। তুই দঅ গম্‌ মানুচ্‌, হামাক্কায় গম্‌ হবর্‌ আন্যচ্‌।”

১ রাজাবলী 1:9

ঐন্‌-রোগেলর কায় সোহেলৎ পাত্তরর্‌ ইদু আদোনিয় কয়েক্কো ভেড়া, বলদ গোরু আর পক্তামোক্তা গোরু ছঅ উৎসর্ব গুরিনে তার বেক্‌ ভেইয়ুনোরে, অত্তাৎ রাজার পূঅগুনোরে আর যিহূদার বেক্‌ রাজার কামগুরিয়্যেগুনোরে বাত্যেল।

যিহোশূয় 15:7

সিয়েনত্তুন্ দুযির চিহ্নোগান আখোর কিঝিঙোত্তুন দবীর সং উদি গেলঅ আর সিয়েন উত্তোরেন্দি কিঝিঙোর্ দোগিণে অদুম্মীমত্‌ উদি যাইদে পদর উল্টোন্দি গিল্‌গল সং গেলঅ। গিল্‌গলত্তুন ঐন্‌-শেমশর স্রোত সং যেইনে সিয়েন ঐন্‌-রোগেলত্‌ নিগিলি এলঅ।

যিহোশূয় 18:16

পরেন্দি সে দুযির্‌ চিহ্নোগান রফায়ীম কিঝিঙো উত্তোরে বেন-হিন্নোম কিঝিঙোর্‌ মুজুঙোত্‌ মুড়োবোর কামা সং লামি গেলঅ‌। সে পরেন্দি সিয়েন হিন্নোম কিঝিঙোর ভিদিরেন্দি যিবূশীয়গুনোর শঅরর্‌ দোগিণেন্দি কামা জাগানত্‌ সং যেইনে ঐন্‌-রোগেল সং গেলগোই।