২ শমূয়েল 17:14 - Chakma Bible

¹⁴ অবশালোম আর ইস্রায়েলর বেক্‌ মানুচ্চুনে কলাক্, “অহীথোফলর সল্লাগানিত্তুন্‌ অর্কীয় হূশয়র সল্লাগানি গম্‌।” আজলে অবশালোমর্‌ উগুরে ভস্তগান্ অানিবাত্তে লগেপ্রভু অহীথোফলর গম্‌ সল্লাগানরে বিফল গুরি দিবো বিলিনে ঠিগ্ গুরি রাগেয়্যে।

২ শমূয়েল 17:14 ပူးပေါင်းရင်းမြစ်များ

পত্থম 32:28

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 15:34

তুই শঅরত্‌ ফিরি যেইনে যুনি অবশালোমরে কচ্‌, ‘মুই তঅ চাগর্‌ ওই থেম্‌; মুই যেধোক্ক্যেন্ আগেন্দি তঅ বাব চাগর্‌ এলুং সেধোক্ক্যেন ইক্কিনে তঅ চাগর্‌ ওম,’ সালে তুই অহীথোফলর দিয়্যে সল্লাগানরে বর্‌বাদ্ গুরি দিইনে মরে বল্‌ দি পারিবে।

২ শমূয়েল 16:23

সেক্কে দিনোত্‌ অহীথোফলর দিয়্যে সল্লাগানরে মনে গুরিদাক্ যেনে সিয়েনি গোজেনর ইত্তুন্‌ এচ্যে। অহীথোফলর সল্লাগানরে দায়ূদে আর অবশালোমে দ্বিজনে সিয়েনই মনে গুরিদাক্।

২ বংশধর 10:15

এধোক্ক্যেন গুরি রাজা মানুচ্চুনোর্‌ কধালোই কান্‌ ন-পাদিলো। শীলোনীয় অহিয়র মাধ্যমে লগেপ্রভু নবাটর পুয়ো যারবিয়ামরে যে কধাগান কোইয়্যে সিয়েন্‌ পূরোণ গুরিবাত্তে গোজেনত্তুন্‌ ঘটনাগান্‌ এধোক্ক্যেন গুরিনে ঘুদিলো।

২ বংশধর 10:8

মাত্তর্‌ রহবিয়ামে বুড়ো নেতাগুনোর শল্লানি ন-শুনিনে সে বেক্‌ গাবুজ্যেগুনোর্‌ লগে শল্লা গুরিলো যিগুনে তা লগে দাঙর্‌ ওইয়োন্‌ আর তারে সেবা গুরিদাক্‌।

২ বংশধর 25:16

ভাববাদীবোর্‌ কধাগান থুম্‌ অদে ন-অদে রাজা তারে কলঅ, “আমি কি রাজারে শল্লা দিয়্যে ইজেবে তরে নেযেয়্যেই? তুই মঅ অ, নলে তরে মারে ফেলা অবঅ।” সেক্কে সে ভাববাদীবো মঅ অলঅ, তো কলে, “মুই হবর্‌ পাং, তুই এ কামান্‌ গোজ্যস্‌ আর মঅ শল্লাগান্‌ কান ন-পাদচ্‌ বিলিনে গোজেনে তরে ভস্ত গুরিবাত্তে ঠিগ্‌ গোজ্যে।”

২ বংশধর 25:20

মাত্তর্‌ অমৎসিয় সে কধাগান্‌ কান্‌ ন-পাদিলো। ইয়েন্‌ গোজেনত্তুন্‌ অলঅ, কিত্তে মানুচ্চুনে ইদোমর দেব-দেবেদাগুনোত্তুন্‌ বল্‌ চেইয়োন্‌ বিলিনে গোজেনে যিহোয়াশর আঢত্‌ তারারে তুলি দিবাত্তে চেইয়্যে।

নহিমিয় 4:15

আমা শত্রুগুনে যেক্কে হবর্‌ পেলাক্‌, আমি তারার্‌ কুজুরোমির কধানি হবর্‌ পেই আর গোজেনে সিয়েনি বিফল গুরি দিয়্যে, সেক্কে আমি বেক্কুনে দেবালর্‌ কায়-কুরে যেইনে যে যার্‌ কামত্‌ লাগি গেলঙ্‌।

ইয়োব 12:17

তে মন্ত্রীগুনোর্‌ কাবড়্‌-চুগোড়ানি খুলি ফেলেইনে তারারে বানি থয় আর বিচেরগ্‌কুনোরে ভুল্‌ বানায়।

গীতসংহিতা 9:15

অন্য জাদ্‌তুনে নিজে খুজ্যে গাদত্ পত্তন্দোই; তারার্ লুগেয়্যে জালত্ তারা টেঙানি আক্‌‌সো যেইয়্যে।

গীতসংহিতা 9:16

দোল্ বিচেরর্ মাধ্যমে লগেপ্রভু নিজোরে জানিবাত্তে দে; তে পাজিগুনোরে তা কামর্ ফালত্ ফেলায়।

যাত্রা 9:16

মাত্তর্‌ মুই তরে বাজেই রাগেয়োং যেনে তরে মঅ বলান্‌ দেগেই পারং আর গোদা পিত্‌থিমীত্‌ যেন মঅ নাঙান্‌ ফগদাঙ্‌ অয়।

গম্ উপদেজ্ 19:21

মান্‌জ্য মনত্ বোউত্ সল্লা থায়, মাত্তর্ লগেপ্রভু যিয়েন ঠিগ্ গোজ্যে সিয়েনই অবঅ।

গম্ উপদেজ্ 21:30

কনঅ জ্ঞান, কনঅ বুদ্ধি বা কনঅ পরিকল্পনা লগেপ্রভুর বিরুদ্ধে যেই ন-পারে।

যিশাইয় 8:10

তুমি পরিকল্পনা গরঅ, মাত্তর্ সিয়েনি সফল ন-অবঅ; সে পরিকল্পনাগানর্ কধা তুমি কবা, মাত্তর্ সিয়েন ন-ঠিগিবো, কিত্তে ‘গোজেনে আমা সমারে আঘে।’ ”

আবিলেচ্ 3:37

যুনি লগেপ্রভু উগুম ন-দে সালে কন্না মুয়োদি কোইনে কিজু ঘোদেই পারে?

আমোষ 9:3

তারা কর্মিল মুড়োবো মাঢাত্ নিজোরে লুগেলেয়ো সিত্তুন্ মুই তারারে তোগেইনে ধুরিম। তারা মত্তুন্ সাগর তলাত্ লুগেলেয়ো সিদু তারারে কামেড়েবাত্তে মুই সাপ্‌‌‌পোরে উগুম দিম।

লূকে লেখ্যে গম্ হবর্ 16:8

সেই চাগর্‌বো অসৎ অলেয়ো বুদ্ধি গুরি কাম্ গুরিলো বিলি গিরোজে তারে নাঙ্ গিনিলো। ইয়েন্দোই বুঝো যায় যে, এ জগদর্ মানুচ্চুনে নিজো ধোক্ক্যেন্ মানুচ্চুনো সমারে আচার-বেবহারে পঅর্ রেজ্যর্ মানুচ্চুনোত্তুন্-অ বেশ্ বুদ্ধিবলা।

১ করিন্হীয় 3:19

কিয়া গোজেনর্ চোগেদি এ জগদর্ জ্ঞানান্ বানা মূর্খতা। পবিত্র বোইবোত্ লেগা আঘে, “গোজেনে জ্ঞানীগুনোরে তারার্ ছল-চালাগিগানিত্ ধরে।”

দ্বি’লম্বর বিররণ 2:30

মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।

যিহোশূয় 11:20

লগেপ্রভু বেক্‌ মানুচ্চুনোর মনানি আগাত্যে গুরি দিলো যেনে তারা ইস্রায়েলীয়গুনোর বিরুদ্ধে যুদ্ধো গরন্‌ আর সেক্কে তারা যেন্‌ ভস্তর অভিশাবর তলে অন্‌ আর কনঅ‌ দোয়্যে ন-পেইনে মুরি যান্‌। এ উগুমানই লগেপ্রভু মোশিরে দিয়্যে।