২ শমূয়েল 16:23 - Chakma Bible

²³ সেক্কে দিনোত্‌ অহীথোফলর দিয়্যে সল্লাগানরে মনে গুরিদাক্ যেনে সিয়েনি গোজেনর ইত্তুন্‌ এচ্যে। অহীথোফলর সল্লাগানরে দায়ূদে আর অবশালোমে দ্বিজনে সিয়েনই মনে গুরিদাক্।

২ শমূয়েল 16:23 ပူးပေါင်းရင်းမြစ်များ

২ শমূয়েল 15:12

উৎসর্ব গুরিবার্‌ অক্তত্‌ অবশালোমে দায়ূদোর গীলোনীয় মন্ত্রী অহীথোফলরে তা আদাম গীলোত্তুন্‌ ডাগিনে আনিলো। কুজুরোমিগান বেশ্ দাঙর্‌ ওই উদিলো, কিত্যে অবশালোম পক্ষেন্দি মানুচ্চুন্‌ বেজত্তুন বেশ্‌ বাড়া ধুরিলাক্।

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 17:1

অহীথোফল অবশালোমরে আরঅ কলঅ, “মরে এচ্যে রেদোত্‌ বার আজার মানুচ্‌ নেযেইনে দায়ূদো পিজেন্দি লোড়েবাত্তে ইরি দে।

২ শমূয়েল 17:14

অবশালোম আর ইস্রায়েলর বেক্‌ মানুচ্চুনে কলাক্, “অহীথোফলর সল্লাগানিত্তুন্‌ অর্কীয় হূশয়র সল্লাগানি গম্‌।” আজলে অবশালোমর্‌ উগুরে ভস্তগান্ অানিবাত্তে লগেপ্রভু অহীথোফলর গম্‌ সল্লাগানরে বিফল গুরি দিবো বিলিনে ঠিগ্ গুরি রাগেয়্যে।

২ শমূয়েল 17:23

অহীথোফলে যেক্কে দেগিলো, তা সল্লা মজিম্‌ কাম গরা ন-অলঅ সেক্কে তে তা গাধাবো উগুরে গদিবো চাবিনে তা নিজো আদাম ঘরত্‌ গেলঅ। তা ঘরর্‌ বেক্কানি বেবস্থা গুরিনে তে গত্তনাত্‌ ধুরি বানিনে মুরিলো। তা বাব গোরবোত্‌ তারে গোর্ দিয়্যে অলঅ।

ইয়োব 28:28

সে পরেদি তে মানুচ্চুনোরে কলঅ, ‘প্রভু উগুরে ভোক্তিবলা দরান্ অলঅ জ্ঞান, আর ভান্ন্যেয়ত্তুন্ সুরে যানাগানই অল বুদ্ধি।’ ”

ইয়োব 5:12

ধূর্ত মানুচ্চুনোর সল্লাগানি তে ফোলেইয নঅ দে, সেনত্তে তারা কনঅ‌ ভালেদি গুরি ন-পারন্‌।

গীতসংহিতা 19:7

লগেপ্রভুর উগুমোত্ কনঅ ভেজাল্ নেই, সিয়েনে মান্‌‌জ্যরে জাগেই তুলে। লগেপ্রভুর কধানি বিশ্বেজ্ গুরিবার, সিয়েনিয়ে সিদেসিদি মানুচ্চুনোরে জ্ঞান দে।

গীতসংহিতা 28:2

বল্ পেবাত্তে মুই যেক্কেনে তরে ডাগঙর্ আর তর্ দাঙর্ সুদ্ধো-সাংগ জাগানর্ ইন্দি আত্ তুলোং, সেক্কেনে তুই মর্ কোজোলীগান শুনিচ্।

উপদেশক 10:1

মরা মাছিগুনে যেবাবোত্যেগুরি তুম্বাজ্ তেলানরে পযাবাজ্ গরন, সেবাবোত্যেগুরি এক্কেনা ভুলো জ্ঞানানরে আর সর্মানানরে পুযি ফেলায়।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

যিরমিয় 8:9

জ্ঞানী মানুচ্চুনে লাজান্ আর আমক্ অন আর ফালত্ পড়ন। তারা যেক্কে লগেপ্রভুর কধানি এলাফেলা গোজ্যন সেক্কে তারার কি বাবোত্যে জ্ঞান আঘে?

গণাণা 27:21

তাত্তুন্‌ ধর্মগুরু ইলিয়াসর ইদু যাহ্ পুরিবো, আর ইলিয়াসরে তার্‌ ওইনে ঊরীমোর সাহায্যলোই লগেপ্রভুর উগুমান জানি লবঅ। ইলিয়াসরর উগুমে তাত্তুন্‌ আর ইস্রায়েলীয়গুনোর্‌ অন্য বেক্কুনোত্তুন চলা পুরিবো।”

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

লূকে লেখ্যে গম্ হবর্ 16:8

সেই চাগর্‌বো অসৎ অলেয়ো বুদ্ধি গুরি কাম্ গুরিলো বিলি গিরোজে তারে নাঙ্ গিনিলো। ইয়েন্দোই বুঝো যায় যে, এ জগদর্ মানুচ্চুনে নিজো ধোক্ক্যেন্ মানুচ্চুনো সমারে আচার-বেবহারে পঅর্ রেজ্যর্ মানুচ্চুনোত্তুন্-অ বেশ্ বুদ্ধিবলা।

রোমীয় 1:22

যুনিয়ো তারা নিজোরে জ্ঞানী বিলিনে দাবী গরলেয়ো আজলে তারা অঘা ওইয়োন।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।